ಇಂದು ನಾವು ಹೇಳಿಕೊಡುತ್ತಿರುವ ರೆಸಿಪಿಯನ್ನು ನೀವು ಯಾವುದೇ ಉಪ್ಪಿನಕಾಯಿ ಅಥವಾ ಸಬ್ಜಿಯೊಂದಿಗೆ ಸವಿಯಬಹುದು. ಇದು ಗರಿಗರಿ ಮತ್ತು ರುಚಿಕರವಾಗಿದ್ದು, ಹೊಸ ರೀತಿಯ ಪುರಿಯಾಗಿದೆ. ಏನಿದು ಈ ಪುರಿ ಅಷ್ಟು ರುಚಿಯಾಗಿರುತ್ತೆ ಎಂದು ಯೋಚನೆ ಮಾಡುತ್ತೀದ್ದೀರಾ. ಹೌದು, ಇದು ನಿಜಕ್ಕೂ ತುಂಬಾ ರುಚಿಯಾಗಿರುತ್ತೆ. ನೀವು ಇಂದು ನಿಮ್ಮ ಮನೆಯಲ್ಲಿ ‘ಆಲೂ ಮಸಾಲಾ ಪುರಿ’ ಮಾಡಿ ರುಚಿ ಸವಿಯಿರಿ.
ಬೇಕಾಗಿರುವ ಪದಾರ್ಥಗಳು:
* ಬೇಯಿಸಿದ ಆಲೂಗಡ್ಡೆ – 1 ಕಪ್
* ಗೋಧಿ – 1 ಕಪ್
* ರವೆ – ಅರ್ಧ ಕಪ್
* ಜೀರಿಗೆ – 1 ಟೀಚಮಚ
* ಕೆಂಪು ಮೆಣಸಿನ ಪುಡಿ – 1 ಟೀಸ್ಪೂನ್
* ಅರಿಶಿನ ಪುಡಿ – ಅರ್ಧ ಟೀಸ್ಪೂನ್
* ಧನಿಯಾ ಪುಡಿ – 1 ಟೀಸ್ಪೂನ್
* ಗರಂ ಮಸಾಲಾ – 1 ಟೀಸ್ಪೂನ್
* ಕಸೂರಿ ಮೇಥಿ – 1 ಟೀಸ್ಪೂನ್
* ರೆಡ್ ಚಿಲ್ಲಿ ಫ್ಲೇಕ್ಸ್ – 1 ಟೀಸ್ಪೂನ್
* ಎಳ್ಳು – 2 ಟೀಸ್ಪೂನ್
ಮಾಡುವ ವಿಧಾನ:
* ಆಲೂ ಮಸಾಲಾ ಪುರಿ ಪಾಕವಿಧಾನವನ್ನು ತಯಾರಿಸಲು ಪ್ರಾರಂಭಿಸುವ ಮೊದಲು ಆಲೂಗಡ್ಡೆಯನ್ನು ಚೆನ್ನಾಗಿ ಸ್ಮ್ಯಾಶ್ ಮಾಡಿಕೊಳ್ಳಿ. ನಂತರ ಅದನ್ನು ಗೋಧಿ ಹಿಟ್ಟಿನೊಂದಿಗೆ ಕಲಸಿ ಅದಕ್ಕೆ ಕೆಂಪು ಮೆಣಸಿನ ಪುಡಿ, ಧನಿಯಾ ಪುಡಿ, ಇಂಗು, ಅರಿಶಿನ ಪುಡಿ, ಕಸೂರಿ ಮೇಥಿ, ಎಳ್ಳು, ಕೊತ್ತಂಬರಿ ಸೊಪ್ಪು, ಉಪ್ಪು ಮತ್ತು ಎಣ್ಣೆಯನ್ನು ಸೇರಿಸಿ ಅವುಗಳನ್ನು ಚೆನ್ನಾಗಿ ಮಿಶ್ರಣ ಮಾಡಿ.
* ಈ ಹಿಟ್ಟಿನಿಂದ ಸಣ್ಣ ಉಂಡೆಗಳನ್ನು ಮಾಡಿ, ಅವುಗಳನ್ನು ಪುರಿಯ ರೂಪದಲ್ಲಿ ಒತ್ತಿ.
* ಅವುಗಳನ್ನು ಡೀಪ್ ಫ್ರೈ ಪ್ಯಾನ್‍ನಲ್ಲಿ ಫ್ರೈ ಮಾಡಿ ಮತ್ತು ಅದು ಬಡಿಸಲು ಸಿದ್ಧವಾಗಿದೆ.
– ಆಲೂ ಮಸಾಲಾ ಪುರಿಯನ್ನು ಬೆಳಗಿನ ಉಪಾಹಾರ ಅಥವಾ ಊಟಕ್ಕೆ ಬಡಿಸಿ.