Connect with us

Latest

ಕುದಿಯುವ ಎಣ್ಣೆಗೆ ಕೈ ಹಾಕಿ ಬಜ್ಜಿ ಬೇಯಿಸುತ್ತಾಳೆ ಮಹಿಳೆ- ವಿಡಿಯೋ

Published

on

ನವದೆಹಲಿ: ಬಿಸಿ ಎಣ್ಣೆಯಲ್ಲಿ ಕೈ ಇಟ್ಟು ಜಾದು ಮಾಡುವುದನ್ನು ನೋಡಿದ್ದೇವೆ. ಆದರೆ ಇಲ್ಲೊಬ್ಬ ಮಹಿಳೆ ಯಾವುದೇ ಭಯವಿಲ್ಲ, ಯಾವುದರ ಸಹಾಯವಿಲ್ಲದೆ ಬೆರಳುಗಳನ್ನು ಎಣ್ಣೆಯೊಳಗೆ ಹಾಕಿ ಬಜ್ಜಿಯನ್ನು ಬೇಯಿಸಿದ್ದಾಳೆ.

ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಸಖತ್ ವೈರಲ್ ಆಗಿದ್ದು, ಮಹಿಳೆ ಕುದಿಯುವ ಎಣ್ಣೆಯಲ್ಲಿ ಬೆರಳುಗಳನ್ನು ಎದ್ದಿ, ಬರಿಗೈಲೇ ಬಜ್ಜಿಗಳನ್ನು ತಿರುಗಿಸುತ್ತ ಬೇಯಿಸುತ್ತಾಳೆ. ಇಂತಹ ವಿಡಿಯೋವನ್ನು ಟ್ವಿಟ್ಟರ್ ನಲ್ಲಿ ಹಂಚಿಕೊಳ್ಳಲಾಗಿದ್ದು, ಸಖತ್ ವೈರಲ್ ಆಗಿದೆ. ಅಲ್ಲದೆ ಇಕ್ಕಳು ಇಲ್ಲದ್ದಕ್ಕೆ ಎಂದು ಮಹಿಳೆ ಹೇಳಿರುವುದಾಗಿ ಟ್ವಿಟ್ಟರ್ ನಲ್ಲಿ ಬರೆದು ಪೋಸ್ಟ್ ಮಾಡಲಾಗಿದೆ.

13 ಸೆಕೆಂಡ್‍ಗಳ ಈ ವಿಡಿಯೋ ಸಖತ್ ವೈರಲ್ ಆಗಿದ್ದು, ದೊಡ್ಡ ಬಾಣಲಿಯಲ್ಲಿ ಎಣ್ಣೆ ಕುದಿಯುತ್ತಿದ್ದು, ಮಹಿಳೆ ಇಕ್ಕಳ ಅಥವಾ ಇನ್ನಾವುದೋ ವಸ್ತುಗಳ ಸಹಾಯವಿಲ್ಲದೇ ಬಜ್ಜಿಯನ್ನು ತಿರುಗಿಸುವ ಬದಲು ತನ್ನ ಬೆರಳುಗಳಿಂದಲೇ ಅವುಗಳ್ನು ಹೊರಳಿಸಿ ಹಾಕುತ್ತಿದ್ದಾಳೆ. ಅಲ್ಲದೆ ವಿಡಿಯೋದ ಒಂದು ಭಾಗದಲ್ಲಿ ಮಹಿಳೆ ಕುದಿಯುವ ಎಣ್ಣೆಯನ್ನು ಕೈಯ್ಯಲ್ಲೇ ಹಿಡಿಯುತ್ತಾಳೆ. ಆದರೆ ಏನೂ ಆಗುವುದಿಲ್ಲ. ಇದನ್ನು ನೆರೆದಿದ್ದ ಜನಕ್ಕೆ ಸಹ ತೋರಿಸಿದ್ದಾಳೆ.

ಮಹಿಳೆ ಎಣ್ಣೆಯನ್ನು ಕೈಯಲ್ಲಿ ಹಿಡಿದ ದೃಶ್ಯ ಮುಗಿಯುತ್ತಿದ್ದಂತೆ ನಂತರ ವಿಡಿಯೋ ಎಡಿಟ್ ಮಾಡಲಾಗಿದ್ದು, ಇಕ್ಕಳುಗಳ ಮಧ್ಯೆ ಮುಖವನ್ನು ತೋರಿಸಿ, ನಾನು ಇಲ್ಲಿ ಇರಲಿಲ್ಲ ಅನ್ನಿಸುತ್ತದೆ. ನಾನು ಭ್ರಮೆಯಲ್ಲಿದ್ದೆ ಅನ್ನಿಸುತ್ತದೆ ಎಂದು ವಿಡಿಯೋದಲ್ಲಿ ಹೇಳಲಾಗಿದೆ. ವಿಡಿಯೋ ಕಣ್ಣಾರೆ ಕಂಡರೂ ನೆಟ್ಟಿಗರು ಇದನ್ನು ನಂಬುತ್ತಿಲ್ಲ. ಸಾವಿರಾರು ಜನ ಕಮೆಂಟ್ ಮಾಡಿ ಲೈಕ್ ಮಾಡಿದ್ದಾರೆ. ಹಲವು ಜನ ಆಶ್ಚರ್ಯಕರ ರೀತಿಯಲ್ಲಿ ವಿವಿಧ ರೀತಿಯ ಕಮೆಂಟ್ ಮಾಡಿದ್ದಾರೆ.

Click to comment

Leave a Reply

Your email address will not be published. Required fields are marked *