Connect with us

Food

ಮನೆಯಲ್ಲಿಯೆ ಮಾಡಿ ರುಚಿಯಾದ ಚಿಕನ್ ತವಾ ಫ್ರೈ

Published

on

ವಿಕೆಂಡ್‍ಗೆ ರುಚಿರುಚಿಯಾಗಿ ಸರಳವಾಗಿ ಎನನ್ನಾದರೂ ತಿನ್ನಲು ನಾಲಿಗೆ ಚಪ್ಪರಿಸುವುದ ಸಹಜ. ಪ್ರತಿನಿತ್ಯ ಕೆಲಸ ಎಂದು ಸಮಯ ಕಳೆಯುವ ಎಷ್ಟೋ ಮಂದಿ ಹೋಟೆಲ್ ನಲ್ಲಿ ತಿನ್ನುವ ಅಭ್ಯಾಸ ಮಾಡಿಕೊಂಡಿರುತ್ತಾರೆ. ಆದರೆ ಈ ವಾರ ಮನೆಯಲ್ಲಿಯೆ ಸರಳವಾಗಿ ರುಚಿಯಾದ ಚಿಕನ್ ತವಾ ಫ್ರೈಯನ್ನು ಫಟಾ ಫಟ್ ಎಂದು ಮಾಡಿ ಸವಿಯಿರಿ.

ಬೇಕಾಗುವ ಸಾಮಗ್ರಿಗಳು
* ಚಿಕನ್- ಅರ್ಧ ಕೆಜಿ
* ಶುಂಠಿ ಬೆಳ್ಳುಳ್ಳಿ ಫೇಸ್ಟ್
* ಧನಿಯಾ ಪೌಡರ್ – 1 ಟೀ ಸ್ಪೂನ್
* ಅಚ್ಚ ಖಾರದ ಪುಡಿ – 1 ಟೀ ಸ್ಪೂನ್
* ಕಾಶ್ಮೀರಿ ರೆಡ್ ಚಿಲ್ಲಿ ಪೌಡರ್ -1 ಟೀ ಸ್ಪೂನ್
* ಜೀರಿಗೆ ಪುಡಿ – 1 ಟೀ ಸ್ಪೂನ್
* ಗರಂ ಮಸಾಲಾ ಪೌಡರ್- ಅರ್ಧ ಟೀ ಸ್ಪೂನ್
* ನಿಂಬೆಹಣ್ಣು
* ಮೊಸರು – ಅರ್ಧ ಕಪ್
* ಕಸೂರಿ ಮೇತಿ – 1 ಟೀ ಸ್ಪೂನ್
* ಅಡುಗೆ ಎಣ್ಣೆ – 1 ಕಪ್
* ರುಚಿಗೆ ತಕ್ಕಷ್ಟು ಉಪ್ಪು

ಮಾಡುವ ವಿಧಾನ :
* ಅರ್ಧ ಕೆಜಿ ಚಿಕನ್ ತೆಗೆದುಕೊಂಡು ಚೆನ್ನಾಗಿ ತೊಳೆದು ಒಂದು ಬೌಲ್‍ಗೆ ಹಾಕಬೇಕು.
* ನಂತರ ಚಿಕನ್ ಇರುವ ಬೌಲ್‍ಗೆ ಶುಂಠಿ-ಬೆಳ್ಳುಳ್ಳಿ ಫೇಸ್ಟ್ ಸ್ವಲ್ಪ ಹಾಕಿ ಚೆನ್ನಾಗಿ ಚಿಕನ್ ಜೊತೆ ಹೊಂದಿಕೊಳ್ಳುವಂತೆ ಮಿಶ್ರಣ ಮಾಡಬೇಕು.
* ನಂತರ 1 ಟೀ ಸ್ಪೂನ್ ಧನಿಯಾ ಪೌಡರ್, ಅಚ್ಚಖಾರದ ಪುಡಿ , ಕಾಶ್ಮೀರಿ ರೆಡ್ ಚಿಲ್ಲಿ ಪೌಡರ್ ಹಾಕಿ ಚಿಕನ್ ನೊಂದಿಗೆ ಮಿಶ್ರಣ ಮಾಡಬೇಕು. ಖಾರ ಜಾಸ್ತಿ ತಿನ್ನುವವರಾಗಿದ್ದರೆ ಖಾರದ ಪುಡಿಯನ್ನು ಸ್ವಲ್ಪ ಜಾಸ್ತಿ ಸೇರಿಸಿಕೊಳ್ಳಬೇಕು.

* ನಂತರ ಈ ಮಸಾಲೆಗೆ ಜೀರಿಗೆ ಪುಡಿ 1 ಟೀ ಸ್ಪೂನ್ ಹಾಕಬೇಕು. ಜೊತೆಯಲ್ಲಿ ಗರಂ ಮಸಾಲಾ ಪೌಡರ್ ಅರ್ಧ ಸ್ಪೂನ್ ಹಾಕಬೇಕು. ಮೊಸರು, ಕಸೂರಿ ಮೇತಿ ಹಾಗೂ ಕೊನೆಯಲ್ಲಿ ರುಚಿಗೆ ತಕ್ಕಷ್ಟು ಉಪ್ಪು ಹಾಕಿ ಮಿಶ್ರಣ ಮಾಡಬೇಕು
* ಚಿಕನ್‍ನ್ನು ಈ ಎಲ್ಲಾ ಮಸಾಲೆಯೊಂದಿಗೆ ಅರ್ಧ ನಿಂಬೆಹಣ್ಣಿನ ರಸವನ್ನು ಹಾಕಿ ಚೆನ್ನಾಗಿ ಮಿಶ್ರಣ ಮಾಡಬೇಕು.
* ಚಿಕನ್ ಮಸಾಲೆಯೊಂದಿಗೆ ಮಿಶ್ರಣವಾಗಬೇಕು ಹಾಗಾಗಿ ಅರ್ಧ ಗಂಟೆ ಮುಚ್ಚಳ ಮುಚ್ಚಿ ಅರ್ಧ ಗಂಟೆ ಎತ್ತಿಟ್ಟುಕೊಳ್ಳಿ.

* ನಂತರ ಸ್ಟೋ ಮೇಲೆ ಒಂದು ತವಾವನ್ನು ಇಟ್ಟು 4 ರಿಂದ 5 ಟೀ ಸ್ಪೂನ್ ಎಣ್ಣೆಯನ್ನು ಹಾಕಿ ಬಿಸಿ ಮಾಡಬೇಕು.
* ಎಣ್ಣೆ ಬಿಸಿ ಆಗುತ್ತಿದ್ದಂತೆ ಮಸಾಲೆಯಿಂದ ಮಿಶ್ರಣವಾದ ಚಿಕನ್ ಅನ್ನು ಬಿಸಿಯಾದ ಎಣ್ಣೆಗೆ ಹಾಕಬೇಕು.
* ಸಣ್ಣ ಉರಿ ಬೆಂಕಿಯಲ್ಲಿ 8 ರಿಂದ 10 ನಿಮಿಷಗಳ ಕಾಲ ಚಿಕನ್ ಬೇಯಿಸಬೇಕು. ಆಗಾಗ ಚಿಕನ್ ಪ್ಲಿಪ್ ಮಾಡ್ತಿರಬೇಕು.
* ಈಗ ರುಚಿ ರುಚಿಯಾದ ಚಿಕನ್ ತವಾ ಫ್ರೈ ಸವಿಯಸಲು ಸಿದ್ಧವಾಗುತ್ತದೆ.

Click to comment

Leave a Reply

Your email address will not be published. Required fields are marked *