Connect with us

Dakshina Kannada

ಮನೆಗಳಿಗೆ ಮಳೆ ನೀರು ನುಗ್ಗುವುದನ್ನು ತಡೆಯೋದಕ್ಕೆ ಹೈಫೈ ಟೆಕ್ನಾಲಜಿ ಬಳಕೆ

Published

on

ಮಂಗಳೂರು: ಮಳೆಗಾಲದಲ್ಲಿ ನದಿಗಳಲ್ಲಿ ನೆರೆ ಬಂದಾಗ ಆಸುಪಾಸಿನ ಮನೆಗಳಿಗೆ ನೀರು ನುಗ್ಗುವುದು ಕಾಮನ್. ಆದರೆ ಇಲ್ಲೊಂದು ಮನೆಯನ್ನು ಹೈ-ಫೈ ಟೆಕ್ನಾಲಜಿಯಲ್ಲಿ ಇದ್ದಲ್ಲಿಂದಲೇ ಎತ್ತರಿಸಿ ನೆರೆ ಸಮಸ್ಯೆಗೆ ಪರಿಹಾರ ಕಂಡುಕೊಳ್ಳುವ ಪ್ರಯತ್ನ ನಡೆದಿದೆ.

ದಕ್ಷಿಣ ಕನ್ನಡ ಜಿಲ್ಲೆಯ ಬಂಟ್ವಾಳ ತಾಲೂಕಿನ ಸಜಿಪನಡು ಎಂಬಲ್ಲಿನ ಮಹಮ್ಮದ್ ರಿಯಾಝ್ ಮನೆ ಇದಾಗಿದ್ದು, ದೆಹಲಿ ಮೂಲದ ಹರಿ ಓಂ ಶಿವ ಎಂಬ ಹೌಸ್ ಲಿಫ್ಟಿಂಗ್ ಕಂಪನಿಯವರು ಕೇವಲ ಜಾಕ್ ಮೂಲಕ ಮನೆಯನ್ನೇ ಮೇಲಕ್ಕೆ ಎತ್ತರಿಸಲು ಮುಂದಾಗಿದ್ದಾರೆ.

ಈಗಾಗಲೇ ಎರಡು ಫೀಟ್ ಎತ್ತರಕ್ಕೆ ಎತ್ತರಿಸಲಾಗಿದ್ದು, ಇನ್ನೂ ಎರಡು ಫೀಟ್ ಎತ್ತರಕ್ಕೊಯ್ಯುವ ಪ್ಲಾನ್ ಇದೆ. ಒಂದು ಸಾವಿರ ಚದರ ಅಡಿ ವಿಸ್ತೀರ್ಣ ಇರುವ ಬೃಹತ್ ಮನೆಯನ್ನು ಗೋಡೆಗೆ ಯಾವುದೇ ಹಾನಿಯಾಗದಂತೆ ಎತ್ತರಿಸುತ್ತಿದ್ದಾರೆ.

ಮನೆಯ ಅಡಿಪಾಯವನ್ನು ಒಂದು ಕಡೆಯಿಂದ ಕೆಂಪು ಕಲ್ಲಿನಿಂದ ಕಟ್ಟುತ್ತಲೇ ಜಾಕ್ ಏರಿಸುವ ತಂತ್ರಜ್ಞಾನ ಅಚ್ಚರಿ ಮೂಡಿಸಿದ್ದು, ಕರ್ನಾಟಕದಲ್ಲಿ ಮೊದಲ ಬಾರಿಗೆ ಇಂಥ ಪ್ರಯೋಗ ನಡೆಯುತ್ತಿದೆ. ಹೀಗಾಗಿ ಜನಸಾಮಾನ್ಯರು ಅಚ್ಚರಿಯಿಂದ ಮನೆ ಎತ್ತರಿಸುವುದನ್ನು ನೋಡಲು ಬರುತ್ತಿದ್ದಾರೆ. ಈ ಹಿಂದೆ ಕೇರಳದಲ್ಲಿ ಹೌಸ್ ಲಿಫ್ಟಿಂಗ್ ಮಾಡುತ್ತಿದ್ದ ಯೂಟ್ಯೂಬ್ ವಿಡಿಯೋ ನೋಡಿ ಇಲ್ಲಿನ ಮನೆಯವರು ಕಂಪನಿ ಸಿಬಂದಿಯನ್ನು ಸಂಪರ್ಕಿಸಿದ್ದರು.

ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv