Connect with us

Crime

ಪ್ರೇಮ ವಿವಾಹವಾದ ತಂಗಿ – ಮನೆಗೆ ಕರೆಸಿ ಕೊಂದ ಅಣ್ಣಂದಿರು

Published

on

– ಶವಕ್ಕಾಗಿ ಕಣ್ಣೀರು ಹಾಕುತ್ತಾ ಅಲೆದಾಡುತ್ತಿರೋ ಪತಿ

ಲಕ್ನೋ: ಅಂತರ್ ಜಾತಿ ವಿವಾಹವಾಗಿದ್ದ ತಂಗಿಯನ್ನ ಆಕೆಯ ಅಣ್ಣಂದಿರು ಕೊಲೆ ಮಾಡಿರುವ ಭಯಾನಕ ಘಟನೆ ಉತ್ತರ ಪ್ರದೇಶದ ಮೈನಪುರಿ ಜಿಲ್ಲೆಯಲ್ಲಿ ನಡೆದಿದೆ.

ಯುವತಿ ಕಳೆದ ಕೆಲ ದಿನಗಳ ಹಿಂದೆ ಮನೆಯ ವಿರೋಧದ ನಡುವೆ ಪ್ರೀತಿಸಿದ ಯುವಕನನ್ನ ಮದುವೆ ಆಗಿದ್ದಳು. ಕೆಲ ಗೆಳೆಯರ ಸಮ್ಮುಖದಲ್ಲಿ ದೇವಸ್ಥಾನದಲ್ಲಿ ಮದುವೆಯಾಗಿ ದೆಹಲಿಯಲ್ಲಿ ನೆಲೆಸಿದ್ದರು. ಮದುವೆಯಾದ ನಂತರ ಆಕೆ ಅಣ್ಣಂದಿರನ್ನ ಮನೆಗೆ ಕರೆಸಿಕೊಂಡಿದ್ದಾರೆ. ನಿಮ್ಮ ಮದುವೆಗೆ ಒಪ್ಪಿಗೆ ಇದ್ದು ಮನೆಗೆ ಬಾ ಅಂತ ಮೊಸಳೆ ಕಣ್ಣೀರು ಹಾಕಿದ್ದಾರೆ.

ಅಣ್ಣ ಕರೆದ ಅಂತ ಯುವತಿ ದೆಹಲಿಯಿಂದ ಮೈನಪುರಿಗೆ ತೆರಳಿದ್ದಳು. ಈ ವೇಳೆ ಆಕೆಯ ಅಣ್ಣ ಮತ್ತು ಸಂಬಂಧಿ ಇಬ್ಬರು ಆಕೆಯನ್ನ ಕೊಲೆ ಮಾಡಿದ್ದಾರೆ. ನಂತರ ಶವ ಯಾರಿಗೂ ಸಿಗದಂತೆ ಮಾಡಿದ್ದಾರೆ ಎಂದು ಯುವತಿಯ ಪತಿ ಸ್ಥಳೀಯ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ.

ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು ಓರ್ವನನ್ನು ಬಂಧಿಸಿ ವಿಚಾರಣೆಗೆ ಒಳಪಡಿಸಿದ್ದಾರೆ. ಶವಕ್ಕಾಗಿ ಪೊಲೀಸರು ಶೋಧ ಕಾರ್ಯ ಮುಂದುವರಿಸಿದ್ದಾರೆ. ಇತ್ತ ಪತಿ ಪತ್ನಿಯ ಶವ ನೀಡುವಂತೆ ಕಣ್ಣೀರು ಹಾಕುತ್ತಾ ಅಲೆದಾಡುತ್ತಿದ್ದಾನೆ.

Click to comment

Leave a Reply

Your email address will not be published. Required fields are marked *

www.publictv.in