Connect with us

International

ಸುಟ್ಟಿದ್ದು ಪ್ರೇಮ ಪತ್ರ – ಅಪಾರ್ಟ್‌ಮೆಂಟ್‌ಗೆ ಬಿತ್ತು ಬೆಂಕಿ

Published

on

ವಾಷಿಂಗ್ಟನ್: ಯುವತಿಯೊಬ್ಬಳು ತನ್ನ ಮಾಜಿ ಪ್ರಿಯಕರನ ಪ್ರೇಮ ಪತ್ರ ಸುಡುತ್ತಿದ್ದಾಗ ಆಕೆಯ ನಿರ್ಲಕ್ಷ್ಯದಿಂದ ಅಪಾರ್ಟ್‌ಮೆಂಟ್‌ಗೆ ಬೆಂಕಿ ಹೊತ್ತಿಕೊಂಡ ಘಟನೆ ಅಮೆರಿಕದ ನೆಬ್ರಾಸಿಕದಲ್ಲಿ ನಡೆದಿದೆ.

ಅರಿಯುನಾ ಶನೆಲ್ ಲಿಲ್ಲಾರ್ಡ್(19) ಬ್ಯುಟೇನ್ ಟಾರ್ಚ್ ಸಹಾಯದಿಂದ ತನ್ನ ಮಾಜಿ ಪ್ರಿಯಕರ ನೀಡಿದ್ದ ಪ್ರೇಮ ಪತ್ರವನ್ನು ಸುಡುತ್ತಿದ್ದಳು. ಮೊದಲು ಪತ್ರಗಳಿಗೆ ಸರಿಯಾಗಿ ಬೆಂಕಿ ಹೊತ್ತಿಕೊಳ್ಳಲಿಲ್ಲ. ಇದರಿಂದ ಮನನೊಂದ ಅರಿಯುನಾ ಆ ಪ್ರೇಮ ಪತ್ರಗಳನ್ನು ನೆಲದ ಮೇಲೆ ಬಿಸಾಕಿ ಮತ್ತೊಂದು ರೂಮಿನಲ್ಲಿ ಮಲಗಲು ಹೋಗಿದ್ದಳು.

ಸ್ವಲ್ಪ ಸಮಯದ ನಂತರ ನಿದ್ದೆಯಿಂದ ಎದ್ದಾಗ ಅರಿಯುನಾ ಕಾರ್ಪೆಟ್‍ಗೆ ಬೆಂಕಿ ಹೊತ್ತಿಕೊಂಡಿರುವುದನ್ನು ಗಮನಿಸಿದ್ದಾಳೆ. ತಕ್ಷಣ ಆಕೆ ಅಗ್ನಿಶಾಮಕ ಸಿಬ್ಬಂದಿಗೆ ಕರೆ ಮಾಡಿ ವಿಷಯ ತಿಳಿಸಿದ್ದಾಳೆ. ವಿಷಯ ತಿಳಿದ ಅಗ್ನಿಶಾಮಕ ಸಿಬ್ಬಂದಿ ಸ್ಥಳಕ್ಕೆ ಆಗಮಿಸಿ ಬೆಂಕಿಯನ್ನು ನಂದಿಸಿದ್ದಾರೆ.

ಯುವತಿ ಮಾಡಿದ ಎಟವಟ್ಟಿನಿಂದ ಸುಮಾರು 4,000 ಡಾಲರ್ ಅಂದರೆ 2,85,270 ರೂ. ನಷ್ಟವಾಗಿದೆ. ಈ ಘಟನೆಯಿಂದ ಯಾರಿಗೂ ಯಾವುದೇ ಗಾಯಗಳಾಗಿಲ್ಲ ಎಂದು ಅಗ್ನಿಶಾಮಕ ದಳದ ಅಧಿಕಾರಿಗಳು ತಿಳಿಸಿದ್ದಾರೆ.