Friday, 21st September 2018

ಅಮ್ಮನ ಜೊತೆ ಹಳ್ಳ ದಾಟುವಾಗ ಕಾಲು ಜಾರಿ ಬಿದ್ದು ಬಾಲಕಿ ನೀರು ಪಾಲು!

ಶಿವಮೊಗ್ಗ: ಕಾಲುವೆಗೆ ಜಾರಿ ಬಿದ್ದು ಶಾಲಾ ಬಾಲಕಿ ಕೊಚ್ಚಿ ಹೋದ ಘಟನೆ ಶಿವಮೊಗ್ಗ ಜಿಲ್ಲೆ ತೀರ್ಥಹಳ್ಳಿ ತಾಲೂಕು ಆಗುಂಬೆ ಸಮೀಪದ ಕೆಂದಾಳಬೈಲಿನಲ್ಲಿ ನಡೆದಿದೆ.

ಗುಡ್ಡೆಕೇರಿ ಶಾಲೆಯಲ್ಲಿ 9ನೇ ತರಗತಿ ಓದುತ್ತಿದ್ದ ಆಶಿಕಾ ಕೊಚ್ಚಿ ಹೋದ ಬಾಲಕಿ. ಮಳೆಯ ಕಾರಣದಿಂದ ಶಾಲೆಗೆ ರಜೆ ನೀಡಲಾಗಿತ್ತು. ಮನೆಗೆ ಹೋಗಿ ಶಾಲೆ ಬ್ಯಾಗ್ ಇಟ್ಟು ಆಮ್ಮನ ಜೊತೆ ಮನೆಗೆ ಸಮೀಪ ಇರುವ ದೊಡ್ಲಮನೆ ಹಳ್ಳ ದಾಟುವಾಗ ಬಿದ್ದಿದ್ದಾರೆ. ಘಟನೆಯಲ್ಲಿ ಬಾಲಕಿ ನೀರಿನಲ್ಲಿ ಕೊಚ್ಚಿ ಹೋಗಿದ್ದಾಳೆ.

ಕಳೆದ ಎರಡು ದಿನ ಬಿದ್ದ ಮಳೆಯಿಂದಾಗಿ ಹಳ್ಳದಲ್ಲಿ ನೀರು ವೇಗವಾಗಿ ಹರಿಯುತ್ತಿದೆ. ಸ್ಥಳಕ್ಕೆ ಅಗ್ನಿಶಾಮಕ ದಳ ಹಾಗೂ ಪೊಲೀಸರು ಧಾವಿಸಿ, ಕೊಚ್ಚಿಹೋದ ಬಾಲಕಿಗಾಗಿ ಹುಡುಕಾಟ ನಡೆಸಿದ್ದಾರೆ. ನಿನ್ನೆ ಸಂಜೆಯವರೆಗೂ ಬಾಲಕಿ ಪತ್ತೆ ಆಗಿಲ್ಲ.

Leave a Reply

Your email address will not be published. Required fields are marked *