Connect with us

Latest

ನಾನು ಅವನನ್ನೇ ಮದ್ವೆಯಾಗ್ತೀನಿ- ಫ್ಲೆಕ್ಸ್ ಬೋರ್ಡ್ ಹತ್ತಿ ಕುಳಿತ ಅಪ್ರಾಪ್ತೆ

Published

on

– 45 ನಿಮಿಷ ನಡುರಸ್ತೆಯಲ್ಲಿ ಅಪ್ರಾಪ್ತೆ ಹೈಡ್ರಾಮಾ

ಭೋಪಾಲ್: ಅಪ್ರಾಪ್ತೆ ರಾತ್ರಿ ಫ್ಲೆಕ್ಸ್ ಏರಿ ಕುಳಿತು ಹೈ ಡ್ರಾಮಾ ನಡೆಸಿದ್ದು, ತನ್ನ ತಾಯಿಯ ಇಚ್ಛೆಗೆ ವಿರುದ್ಧವಾಗಿ ಅದೇ ಹುಡುಗನನ್ನು ವಿವಾಹವಾಗುತ್ತೇನೆ ಎಂದು ಹಠ ಹಿಡಿದ್ದಾಳೆ.

ಮಧ್ಯಪ್ರದೇಶದ ಇಂದೋರ್ ಪರದೇಸಿಪುರದಲ್ಲಿ ಘಟನೆ ನಡೆದಿದ್ದು, ನಾನು ಅದೇ ಹುಡುಗನನ್ನು ಮದುವೆಯಾಗುತ್ತೇನೆ ಎಂದು ಪಟ್ಟು ಹಿಡಿದು ಎತ್ತರದ ಫ್ಲೆಕ್ಸ್ ಏರಿ ಕುಳಿತಿದ್ದಾಳೆ. ಪರದೇಸಿಪುರದ ಭಂಡಾರಿ ಸೇತುವೆಯ ಬಳಿ ಹಾಕಿದ್ದ ಫ್ಲೆಕ್ಸ್ ಏರಿ ಕುಳಿತು ತನ್ನ ಮೊಬೈಲ್ ನೋಡುತ್ತಿದ್ದಾಳೆ. ಈ ಫೋಟೋಗಳು ಇದೀಗ ವೈರಲ್ ಆಗಿವೆ.

ಬಾಲಕಿ ಫ್ಲೆಕ್ಸ್ ಮೇಲೆ ಕುಳಿತಿರುವುದನ್ನು ಕಂಡು ಸ್ಥಳೀಯರು ಆಗಮಿಸಿದ್ದು, ತಕ್ಷಣವೇ ಪೊಲೀಸರು ಸಹ ಆಗಮಿಸಿದ್ದಾರೆ. ಬಳಿಕ ಹುಡುಗಿಯನ್ನು ಮನವೊಲಿಸಲು ಯತ್ನಿಸಿದ್ದಾರೆ. ಆರಂಭದಲ್ಲಿ ಬಾಲಕಿ ಪೊಲೀಸರ ಮಾತನ್ನೂ ಕೇಳಿಲ್ಲ. ಬಳಿಕ ತನ್ನ ಲವ್ ಸ್ಟೋರಿಯನ್ನು ಪೊಲೀಸರಿಗೆ ವಿವರಿಸಿದ್ದಾಳೆ.

ಬಾಲಕಿಯಿಂದ ಮಾಹಿತಿ ತಿಳಿಯುತ್ತಿದ್ದಂತೆ ತಕ್ಷಣವೇ ಪೊಲೀಸರು ಹುಡುಗನಿಗೆ ಕರೆ ಮಾಡಿದ್ದಾರೆ. ಈ ಕುರಿತು ಪರದೇಸಿಪುರದ ಎಸ್‍ಐ ಅಶೋಕ್ ಪಾಟಿದಾರ್ ಮಾತನಾಡಿ, ತಾನು ಪ್ರೀತಿಸಿದ ಹುಡುಗನ ಜೊತೆಗೇ ವಿವಾಹ ಮಾಡಿಸುವುದಾಗಿ ಭರವಸೆ ನೀಡಿದ ಬಳಿಕ ಹುಡುಗಿ ಕೆಳಗೆ ಬರಲು ನಿರ್ಧರಿಸಿದ್ದು, ಬಳಿಕ ಫ್ಲೆಕ್ಸ್ ಹೋರ್ಡಿಂಗ್‍ನಿಂದ ಕೆಳಗಿಳಿದಿದ್ದಾಳೆ ಎಂದು ವಿವರಿಸಿದ್ದಾರೆ.

ಬಾಲಕಿ ತನ್ನ ತಾಯಿಯ ಇಚ್ಛೆಗೆ ವಿರುದ್ಧವಾಗಿ ಹುಡುಗನನ್ನು ವಿವಾಹವಾಗಲು ಪಟ್ಟು ಹಿಡಿದು, ಫ್ಲೆಕ್ಸ್ ಏರಿ ಕುಳಿತಿದ್ದಳು. ಹುಡುಗನ ಕಡೆಯಿಂದ ಮಾತನಾಡಿಸಿದ ನಂತರ ಕೆಳಗಿಳಿದಳು ಎಂದು ಪಾಟಿದಾರ್ ವಿವರಿಸಿದ್ದಾರೆ. ಬಾಲಕಿ 45 ನಿಮಿಷಗಳ ಕಾಲ ಹೈ ಡ್ರಾಮಾ ನಡೆಸಿದ್ದು, ಯಾರು ಮನವೊಲಿಸಿದರೂ ಕೆಳಗೆ ಇಳಿದಿಲ್ಲ. ತನ್ನ ಪ್ರಿಯತಮನ ಜೊತೆ ಮಾತನಾಡಿದ ಬಳಿಕ ಕೆಳಗಿಳಿದಿದ್ದಾಳೆ.

Click to comment

Leave a Reply

Your email address will not be published. Required fields are marked *