Connect with us

Food

ಒಮ್ಮೆ ತಿಂದ್ರೆ ಪದೇ ಪದೇ ಬೇಕೆನಿಸುವ ಗರಂ ಚಿಕನ್ ಫ್ರೈ

Published

on

ಭಾನುವಾರ ಬಂದ್ರೆ ಸಾಕು ಬಾಡೂಟ ಬೇಕೇ ಬೇಕು. ಅದೇ ಚಿಕನ್ ಸಾಂಬಾರ್, ಚಿಕನ್ 65 ತಿಂದು ಬೇಜಾರಾಗಿರುತ್ತೆ. ಮನೆಯಲ್ಲಿಯೇ ಗರಂ ಮಸಾಲಾ ಪೌಡರ್ ಮಾಡಿಕೊಂಡು ಈರುಳ್ಳಿ ಮಿಕ್ಸಡ್ ಚಿಕನ್ ಫ್ರೈ ಮಾಡಿದ್ರೆ ತಿಂದವರು ಮತ್ತೊಮ್ಮೆ ಕೇಳುತ್ತಾರೆ.

ಬೇಕಾಗುವ ಸಾಮಾಗ್ರಿಗಳು
ಚಿಕನ್-1 ಕೆಜಿ
ಅರುಳ್ಳಿ – 4 (ಮಧ್ಯಮ ಗಾತ್ರದ್ದು)
ಟೊಮೆಟೋ-1 (ದೊಡ್ಡದು)
ಅರಿಶಿನ- 1/2 ಟೀ ಸ್ಪೂನ್
ಧನಿಯಾ ಪೌಡರ್- 1/2 ಟೀ ಸ್ಪೂನ್
ಗರಂ ಮಸಾಲ- 1/2 ಟೀ ಸ್ಪೂನ್
ಅಚ್ಚು ಖಾರದ ಪುಡಿ- 2 ಟೀ ಸ್ಪೂನ್
ಉಪ್ಪು- ರುಚಿಗೆ ತಕ್ಕಷ್ಟು
ನಿಂಬೆಹಣ್ಣು- 1
ಶುಂಠಿ, ಬೆಳ್ಳುಳ್ಳಿ ಪೇಸ್ಟ್- 1 ಟೀ ಸ್ಪೂನ್
ಕೋತಂಬರಿ ಸೊಪ್ಪು
ಎಣ್ಣೆ

ಮಸಾಲಾ ಪೌಡರ್ ಮಾಡಲು ಬೇಕಾಗುವ ಸಾಮಾಗ್ರಿಗಳು:
ಧನಿಯಾ-2 ಟೀ ಸ್ಪೂನ್
ಚಕ್ಕೆ- 4 ರಿಂದ 5 ಇಂಚು
ಲವಂಗ- 5 ರಿಂದ 6
ಕೆಂಪು ಮೆಣಸಿನಕಾಯಿ- 8 ರಿಂದ 10
ಏಲಕ್ಕಿ- 3 ರಿಂದ 4
ಕಾಳು ಮೆಣಸು- 5 ರಿಂದ 6
ಸೋಂಪು- 1 ಟೀ ಸ್ಪೂನ್
ಜೀರಿಗೆ- 1/2 ಟೀ ಸ್ಪೂನ್

ಮಾಡುವ ವಿಧಾನ:
* ಚಿಕನ್ ನನ್ನ ದೊಡ್ಡ ಪೀಸ್ ಗಳಲ್ಲಿ ಕತ್ತರಿಸಿಕೊಂಡು ಬಿಸಿನೀರಿನಲ್ಲಿ ಎರಡರಿಂದ ಮೂರು ಬಾರಿ ತೊಳೆದುಕೊಂಡು ಮಿಕ್ಸಿಂಗ್ ಬೌಲ್ ಗೆ ಹಾಕಿಕೊಳ್ಳಿ.
* ಚಿಕನ್ ಗೆ ಅರಿಶಿನ, ಧನಿಯಾ ಪೌಡರ್, ಗರಂ ಮಸಾಲಾ, ನಿಂಬೆ ಹಣ್ಣಿನ ರಸ, ಉಪ್ಪು, ಕತ್ತರಿಸಿದ ಒಂದು ಈರುಳ್ಳಿ, ಅಚ್ಚು ಖಾರದ ಪುಡಿ ಹಾಕಿ ಚೆನ್ನಾಗಿ ಮಿಕ್ಸ್ ಮಾಡಿ. ಪಾತ್ರೆಗೆ ಮುಚ್ಚಳ ಮುಚ್ಚಿ 10 ರಿಂದ 15 ನಿಮಿಷ ಎತ್ತಿಡಿ.

* ಮಸಾಲಾ ಪೌಡರ್: ಸ್ಟೌವ್ ಮೇಲೆ ಪ್ಯಾನ್ ಇಟ್ಟುಕೊಂಡು ಧನಿಯಾ, ಚಕ್ಕೆ, ಲವಂಗ, ಕೆಂಪು ಮೆಣಸಿನಕಾಯಿ, ಏಲಕ್ಕಿ, ಕಾಳು ಮೆಣಸು, ಸೋಂಪು ಮತ್ತು ಜೀರಿಗೆ ಹಾಕಿ ಕಡಿಮೆ ಉರಿಯಲ್ಲಿ ಹುರಿದುಕೊಳ್ಳಿ. ಹುರಿದುಕೊಂಡಿರುವ ಮಸಾಲಾ ತಣ್ಣಗಾದ ಕೂಡಲೇ ಮಿಕ್ಸಿಗೆ ಹಾಕಿ ರುಬ್ಬಿಕೊಂಡ್ರೆ ಹೋಮ್ ಮೇಡ್ ಗರಂ ಮಸಾಲಾ ಸಿದ್ಧವಾಗುತ್ತೆ.
* ಸ್ಟೌವ್ ಆನ್ ಮಾಡಿಕೊಂಡು ಪ್ಯಾನ್ ಇಟ್ಟುಕೊಳ್ಳಿ. ಇದಕ್ಕೆ ಸ್ವಲ್ಪ ಎಣ್ಣೆ ಹಾಕಿ. ಎಣ್ಣೆ ಬಿಸಿ ಆಗುತ್ತಿದ್ದಂತೆ ಕತ್ತರಿಸಿಕೊಂಡಿರುವ ಈರುಳ್ಳಿ ಹಾಕಿ ಹಸಿ ವಾಸನೆ ಹೋಗುವರೆಗೂ ಬೇಯಿಸಿಕೊಳ್ಳಬೇಕು. ಈರುಳ್ಳಿ ಗೋಲ್ಡನ್ ಕಲರ್ ಬರುತ್ತಿದ್ದಂತೆ ಟೊಮೆಟೋ, ಶುಂಠಿ-ಬೆಳ್ಳುಳ್ಳಿ ಪೇಸ್ಟ್ ಮಿಕ್ಸ್ ಮಾಡಿ ಪ್ಲಿಫ್ ಮಾಡುತ್ತಿರಬೇಕು.

* ಟೊಮೆಟೋ ಬೆಂದ ನಂತರ ಈ ಮೊದಲು ಮಸಾಲಾದಲ್ಲಿ ಮಿಕ್ಸ್ ಮಾಡಿಕೊಂಡಿರುವ ಚಿಕನ್ ಹಾಕಿ ಮುಚ್ಚಳ ಮುಚ್ಚಿ 4 ರಿಂದ 5 ನಿಮಿಷ ಬೇಯಿಸಿಕೊಳ್ಳಿ.
* ಚಿಕನ್ ಬೆಂದ ನಂತರ ರುಬ್ಬಿಕೊಂಡಿರುವ ಮಸಾಲಾ ಜೊತೆಗೆ ಸ್ಪಲ್ಪ ಉಪ್ಪು ಸೇರಿಸಿ ಎರಡರಿಂದ ಮೂರು ನಿಮಿಷ ಫ್ರೈ ಮಾಡಿಕೊಳ್ಳಿ.
* ಫ್ರೈ ಆಗುತ್ತಿದ್ದಂತೆ ಸಣ್ಣದಾಗಿ ಕತ್ತರಿಸಿಕೊಂಡಿರುವ ಕೋತಂಬರಿ ಸೊಪ್ಪು ಹಾಕಿದ್ರೆ ನಿಮ್ಮ ಚಿಕನ್ ಫ್ರೈ ಸಿದ್ಧ.

Click to comment

Leave a Reply

Your email address will not be published. Required fields are marked *