Connect with us

Bollywood

ಸಲ್ಮಾನ್ ಖಾನ್ ಕುದುರೆ ಅಂತ ಮಹಿಳೆಗೆ 12 ಲಕ್ಷ ರೂ. ವಂಚಿಸಿದ್ರು!

Published

on

ಜೈಪುರ: ಸೆಲೆಬ್ರಿಟಿಗಳ ಹೆಸರು ಹೇಳಿಕೊಂಡು ವಂಚನೆ ನಡೆದಿರುವ ಸಾಕಷ್ಟುಪ್ರಕರಣಗಳು ನಮ್ಮ ಕಣ್ಣ ಮುಂದಿವೆ. ಅಂತೆಯೇ ಇದೀಗ ಬಾಲಿವುಡ್ ಬಾಯ್ ಜಾನ್ ಸಲ್ಮಾನ್ ಖಾನ್ ಹೆಸರು ಹೇಳಿಕೊಂಡು ಖದೀಮರು ಮಹಿಳೆಗೆ ವಂಚಿಸಿರುವುದು ಬೆಳಕಿಗೆ ಬಂದಿದೆ.

ರಾಜಸ್ಥಾನದ ಜೋಧ್‍ಪುರ ನಿವಾಸಿ ಸಂತೋಷ ಭಾಟಿ ಮೋಸಕ್ಕೊಳಗಾದ ಮಹಿಳೆ. ಮೂವರು ವ್ಯಕ್ತಿಗಳು ಈಕೆಗೆ ಸಲ್ಮಾನ್ ಖಾನ್ ಜೊತೆ ಕುದುರೆ ಇರುವ ಫೋಟೋವನ್ನು ತೋರಿಸಿದ್ದಾರೆ. ಅಲ್ಲದೆ ಇದು ಸಲ್ಮಾನ್ ಖಾನ್ ಅವರ ಕುದುರೆಯಾಗಿದ್ದು, ಮಾರಾಟಕ್ಕಿಟ್ಟಿದ್ದಾರೆ ಎಂದು ಹೇಳಿದ್ದಾರೆ.

ಅಲ್ಲದೆ ನಾವು ಸಲ್ಮಾನ್ ಖಾನ್ ಅವರು ನಮಗೆ ತುಂಬಾ ಆಪ್ತರಾಗಿದ್ದೇವೆ. ಈ ಹಿಂದೆಯೂ ನಾವು ಅವರ ಕುಡುದರೆಗಳನ್ನು ಮಾರಾಟ ಮಾಡಿರುವುದಾಗಿ ಹೇಳಿದ್ದಾರೆ. ಮೂವರ ಬಣ್ಣದ ಮಾತುಗಳನ್ನು ಮಹಿಳೆಯೂ ನಂಬಿದ್ದಾರೆ.

ಮೂವರ ಮಾತು ನಂಬಿದ ಮಹಿಳೆ ಕುದುರೆ ಖರೀದಿಸಲು ಇಳಿದೇ ಬಿಟ್ಟರು. ಅಂತೆಯೇ ಮಹಿಳೆ 11 ಲಕ್ಷ ರೂ. ನಗದು ಹಾಗೂ 1 ಲಕ್ಷ ರೂ. ಚೆಕ್ ಸೇರಿ ಒಟ್ಟು 12 ಲಕ್ಷ ರೂ. ಖದೀಮರಿಗೆ ನೀಡಿದ್ದರು. ಇತ್ತ ಹಣ ನೀಡಿ ತಿಂಗಳುಗಳೇ ಕಳೆದರೂ ಮಹಿಳೆ ಮನೆಗೆ ಕುದುರೆ ಮಾತ್ರ ಬಂದಿಲ್ಲ. ಇದರಿಂದ ಮೋಸ ಹೋಗಿರುವ ವಿಚಾರ ಗೊತ್ತಾಗುತ್ತಿದ್ದಂತೆಯೇ ಮಹಿಳೆ ಪೊಲೀಸ್ ಠಾಣೆ ಮೆಟ್ಟಿಲೇರಿದ್ದರು. ಆದರೆ ಪೊಲೀಸರು ಈ ಪ್ರಕರಣವನ್ನು ಗಂಭೀರವಾಗಿ ಪರಿಗಣಿಸಿರಲಿಲ್ಲ.

ಈ ಹಿನ್ನೆಲೆಯಲ್ಲಿ ಮಹಿಳೆ ರಾಜಸ್ಥಾನ ಹೈಕೋರ್ಟ್ ಮೊರೆ ಹೋಗಿದ್ದಾರೆ. ಮಹಿಳೆ ಕೋರ್ಟಿಗೆ ಸಲ್ಲಿಸಿದ್ದ ಅರ್ಜಿ ವಿಚಾರಣೆ ನಿನ್ನೆ ನಡೆದಿದ್ದು, ಖದೀಮರ ವಿರುದ್ಧ ಕಾನೂನು ಪ್ರಕಾರ ಸೂಕ್ತ ಕ್ರಮ ಕೈಗೊಳ್ಳಬೇಕು ಎಂದು ಸಂಬಂಧಿಸಿದ ಡಿಸಿಪಿಗೆ ಕೋರ್ಟ್ ಸೂಚನೆ ನೀಡಿದೆ.

Click to comment

Leave a Reply

Your email address will not be published. Required fields are marked *