Connect with us

Bengaluru City

ಸಫಾರಿ ವಾಹನ ಎಳೆದಾಡಿದ ಹುಲಿರಾಯ

Published

on

ಬೆಂಗಳೂರು: ಸಫಾರಿಗೆ ಹೋಗಿದ್ದ ವಾಹನದ ಮೇಲೆ ಹುಲಿ ದಾಳಿ ನಡೆಸಿರುವ ಘಟನೆ ಬನ್ನೇರುಘಟ್ಟ ಜೈವಿಕ ಉದ್ಯಾನವನದಲ್ಲಿ ನಡೆದಿದೆ.

ಬ್ಯಾಟರಿ ಸಮಸ್ಯೆಯಿಂದ ಸಫಾರಿ ವಾಹನ ಕೆಟ್ಟ ನಿಂತಿತ್ತು. ಈ ವೇಳೆ ಸಫಾರಿ ವಾಹನವದ ಹತ್ತಿರ ಬಂದಿರುವ ಹುಲಿ ವಾಹನವನ್ನು ಎಳೆದಾಡಿದೆ. ಪ್ರವಾಸಿಗರ ಮೊಬೈಲಲ್ಲಿ ವೀಡಿಯೋ ಸೆರೆಯಾಗಿದೆ. ಕಳೆದ ವಾರ ನಡೆದಿರುವ ಈ ಘಟನೆ ತಡವಾಗಿ ಬೆಳಕಿಗೆ ಬಂದಿದೆ.

ಬನ್ನೇರುಘಟ್ಟ ಜೈವಿಕ ಉದ್ಯಾನವನದಲ್ಲಿ ಪ್ರವಾಸಿಗರನ್ನ ಸಫಾರಿಗೆ ಕರೆದುಕೊಂಡು ಹೋಗಿದ್ದ ವಾಹನ ಮಾರ್ಗ ಮಧ್ಯದಲ್ಲಿಯೇ ಕೆಟ್ಟುನಿಂತಿತ್ತು. ಈ ವೇಳೆ ಅಲ್ಲಿದ್ದ ಹುಲಿ ವಾಹನದ ಮೇಲೆ ಎಗರಿದೆ. ಹುಲಿ ದಾಳಿ ವೇಳೆ ಹಿಂಬದಿಯ ಬಂಪರ್ ಕಿತ್ತಾಕಿ ಸಫಾರಿ ವಾಹನವನ್ನು ಹಿಂದಕ್ಕೆ ಎಳೆದಾಡಿದೆ. ಈ ವೇಳೆ ವಾಹನದಲ್ಲಿದ್ದ ಪ್ರವಾಸಿಗರು ಕಂಗಾಲುಗೊಂಡಿದ್ದರು. ವ್ಯಾಘ್ರನ ಕೋಪಕ್ಕೆ ಸಫಾರಿ ವಾಹನ ಜಖಂಗೊಂಡಿದೆ.

ಸಫಾರಿ ಕಾರಿನ ಹಿಂದಿನ ವಾಹನದಲ್ಲಿದ್ದವರು ಹುಲಿ ದಾಳಿಯ ದೃಶ್ಯಗಳನ್ನು ಸೆರೆಹಿಡಿದಿದ್ದಾರೆ. ಆಗಾಗ ಬನ್ನೇರುಘಟ್ಟ ಸಫಾರಿಯಲ್ಲಿ ಪ್ರಾಣಿಗಳು ಮೋಜಿಗಾಗೀ ಕೆಲವೊಮ್ಮೆ ಕೆರಳಿದಾಗಲೂ ಈ ರೀತಿ ಅವಾಂತರಗಳು ನಡೆಯುತ್ತಿರುತ್ತವೆ.

Click to comment

Leave a Reply

Your email address will not be published. Required fields are marked *