Saturday, 15th December 2018

Recent News

ಜಮೀನು ವಿವಾದ: ಗಂಡಸರೂ, ಹೆಂಗಸರನ್ನದೇ ಹೊಡೆದಾಡಿಕೊಂಡ ಎರಡು ಕುಟುಂಬಗಳು

ಚಿಕ್ಕಮಗಳೂರು: ಜಮೀನು ವಿವಾದ ಹಿನ್ನೆಲೆಯಲ್ಲಿ ಎರಡು ಕುಟುಂಬದವರು ಗಂಡಸ್ರು-ಹೆಂಗಸ್ರು ಅನ್ನದೆ ಹೊಡೆದಾಡಿಕೊಂಡಿರುವ ಘಟನೆ ಜಿಲ್ಲೆಯ ತರೀಕೆರೆ ತಾಲೂಕಿನ ಬೆಟ್ಟತಾವರೆಕೆರೆ ಗ್ರಾಮದಲ್ಲಿ ನಡೆದಿದೆ.

ಗ್ರಾಮದ ಸರ್ವೆ ನಂಬರ್ 163ನಲ್ಲಿಯ 3 ಎಕರೆ 21 ಗುಂಟೆ ಜಮೀನು ಈ ಗಲಾಟೆಗೆ ಕಾರಣವಾಗಿದೆ. ಈ ಜಾಗ ಗಂಗಾಧರಪ್ಪ ಭೋವಿ ಅವರ ಪಿತ್ರಾರ್ಜಿತ ಆಸ್ತಿಯಾಗಿದೆ. ಆದರೆ ಈ ಜಮೀನು ನಮ್ಮದು ಎಂದು ಗೌರೀಶ್ ಕುಟುಂಬ ವಾದ ಮಾಡುತ್ತಿದೆ. ಮೂರು ವರ್ಷಗಳಿಂದ ಗಂಗಾಧರಪ್ಪ ಭೋವಿ ಮತ್ತು ಗೌರೀಶ್ ಕುಟುಂಬದ ನಡುವೆ ವಿವಾದ ನಡೆಯುತ್ತಲೇ ಇದೆ.

ಪ್ರಕರಣ ತಹಶೀಲ್ದಾರ್ ಕೋರ್ಟ್ ಹಾಗೂ ಜೆಎಂಎಫ್‍ಸಿ ನ್ಯಾಯಾಲಯದಲ್ಲಿ ವಿಚಾರಣೆ ಹಂತದಲ್ಲಿದೆ. ಆದರೆ 2 ದಿನಗಳ ಹಿಂದೆ ಗಂಗಾಧರಪ್ಪ ಭೋವಿ ತಮ್ಮ ಕುಟುಂಬಸ್ಥರೊಂದಿಗೆ ಜಮೀನಿನಲ್ಲಿ ಮೆಕ್ಕೆಜೋಳ ಬಿತ್ತನೆ ಮಾಡುವಾಗ ಗೌರೀಶ್ ಕುಟುಂಬದ ಏಳೆಂಟು ಜನ ಬಂದು ಹಲ್ಲೆ ನಡೆಸಿದ್ದಾರೆ. ಈ ವೇಳೆ ಪರಸ್ಪರ ಎರಡು ಕುಟುಂಬದವರು ಹೊಡೆದಾಡಿಕೊಂಡಿದ್ದಾರೆ. ಈ ವಿಡಿಯೋ ಮೊಬೈಲ್ ನಲ್ಲಿ ಸೆರೆ ಹಿಡಿಯಲಾಗಿದೆ.

ಈ ಸಂಬಂಧ ತರೀಕೆರೆ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಆದರೂ ಪೊಲೀಸರು ಯಾವುದೇ ಕ್ರಮ ಕೈಗೊಂಡಿಲ್ಲ ಅಂತ ಗಂಗಾಧರಪ್ಪ ಬೋವಿ ಆರೋಪಿಸಿದ್ದಾರೆ.

Leave a Reply

Your email address will not be published. Required fields are marked *