Friday, 19th July 2019

Recent News

ಫ್ಯಾಮಿಲಿ ಆಡಿಯನ್ಸ್ ‘ಐ ಲವ್ ಯೂ’ ಅಂದ ಅಚ್ಚರಿ!

ಬೆಂಗಳೂರು: ಆರ್ ಚಂದ್ರು ಅಂದರೆ ಕುಟುಂಬ ಸಮೇತರಾಗಿ ಕೂತು ನೋಡುವಂಥಾ ಚೆಂದದ ಕಥೆಗಳಿಗೆ ದೃಶ್ಯ ರೂಪ ನೀಡೋ ನಿರ್ದೇಶಕ ಎಂಬ ಇಮೇಜ್ ಇದೆ. ಆದರೆ ಐ ಲವ್ ಯೂ ಚಿತ್ರ ಸದ್ದು ಮಾಡಿದ್ದ ರೀತಿ, ಅದರಲ್ಲಿ ಕಾಣಿಸಿದ್ದ ಬದಲಾವಣೆಯ ಕುರುಹುಗಳೆಲ್ಲ ಚಂದ್ರು ಕೂಡಾ ಕೊಂಚ ಬೇರೆ ಹಾದಿಯಲ್ಲಿ ಹೆಜ್ಜೆಯಿಟ್ಟಿದ್ದಾರಾ ಎಂಬ ಸಂಶಯ ಕಾಡುವಂತಿದ್ದವು. ಆದರೆ, ಇದು ಕುಟುಂಬ ಸಮೇತರಾಗಿ ನೋಡಲೇ ಬೇಕಾದ ಚಿತ್ರ ಎಂಬ ಸ್ಲೋಗನ್ ಮೂಲಕವೇ ಮತ್ತೊಂದು ಸುತ್ತಿನ ಅಚ್ಚರಿಗೆ ಕಾರಣವಾಗಿದ್ದ ಆರ್ ಚಂದ್ರು ಇದೀಗ ಅಕ್ಷರಶಃ ಕಮಾಲ್ ಸೃಷ್ಟಿಸಿ ಬಿಟ್ಟಿದ್ದಾರೆ.

ರಿಯಲ್ ಸ್ಟಾರ್ ಉಪೇಂದ್ರ ಅವರ ಪ್ರೀತಿಯ ಫಿಲಾಸಫಿ, ರಚಿತಾ ರಾಮ್ ಕಾಣಿಸಿಕೊಂಡಿದ್ದ ಹಾಟ್ ಸನ್ನಿವೇಶಗಳೆಲ್ಲವೂ ಐ ಲವ್ ಯೂ ಬಗ್ಗೆ ಸೃಷ್ಟಿಸಿದ್ದ ಕ್ರೇಜ್ ಸಣ್ಣ ಮಟ್ಟದ್ದಲ್ಲ. ಆದರೆ ಈ ಬಾರಿ ಚಂದ್ರು ಫ್ಯಾಮಿಲಿ ಪ್ರೇಕ್ಷಕರನ್ನು ಹೇಗೆ ಹಿಡಿದಿಡುತ್ತಾರೆಂಬ ಸಂದೇಹ ಎಲ್ಲರನ್ನೂ ಕಾಡಿತ್ತು. ಆದರೆ ಇದೀಗ ಫ್ಯಾಮಿಲಿ ಆಡಿಯನ್ಸ್ ಐ ಲವ್ ಯೂಗೆ ಮನಸೋತಿರುವ ವಾತಾವರಣ ಕಂಡು ಅಂಥಾ ಸಂದೇಹಗಳೆಲ್ಲವೂ ಅಚ್ಚರಿಯಾಗಿ ರೂಪಾಂತರಗೊಂಡಿವೆ.

ಇದಕ್ಕೆ ಕಾರಣವಾಗಿರೋದು ಆರ್ ಚಂದ್ರು ಅವರು ಕಥೆಯಲ್ಲಿಯೇ ಬೆರೆಸಿರೋ ಕಲಾತ್ಮಕ ಜಾಣ್ಮೆ. ಈ ಮೂಲಕ ಎಲ್ಲ ವರ್ಗದ ಪ್ರೇಕ್ಷಕರನ್ನೂ ಸಂತೃಪ್ತಗೊಳಿಸಬೇಕೆಂಬ ಇರಾದೆಯಿಂದಲೇ ಅವರ ಐ ಲವ್ ಯೂ ಚಿತ್ರವನ್ನು ರೂಪಿಸಿದ್ದಾರೆ. ಬರೀ ಪ್ರೀತಿ ಪ್ರೇಮಗಳ ಸುತ್ತ ಮಾತ್ರ ಸುತ್ತಿದ್ದರೆ ಇಂಥಾದ್ದೊಂದು ಗೆಲುವು ದಾಖಲಿಸೋದು ಕಷ್ಟವಾಗುತ್ತಿತ್ತೇನೋ. ಆದರೆ ಚಂದ್ರು ಪ್ರೀತಿಯ ಭಾವಗಳ ಜೊತೆಗೆ ಬದುಕಿನ ವಾಸ್ತವವನ್ನು ಮುಖಾಮುಖಿಯಾಗುವಂತೆ ಮಾಡಿದ್ದಾರೆ. ಈ ಮೂಲಕವೇ ಎಲ್ಲರ ಬದುಕಿಗೂ ಅನ್ವಯವಾಗುವಂಥಾ ಸಂದೇಶವನ್ನೂ ರವಾನಿಸಿದ್ದಾರೆ. ಇದರ ಫಲವಾಗಿ ಫ್ಯಾಮಿಲಿ ಸಮೇತ ಸಿನಿಮಾ ನೋಡಿದ ಪ್ರೇಕ್ಷಕರೆಲ್ಲ ಖುಷಿಗೊಂಡಿದ್ದಾರೆ.

Leave a Reply

Your email address will not be published. Required fields are marked *