Connect with us

Districts

ದುಬಾರೆಯಲ್ಲಿದ್ದ ಆನೆಯ ಕಣ್ಣಿಗೆ ಕಡ್ಡಿ ಬಡಿದು ಕುರುಡ – ಸೊಂಡಿಲೇ ಈಗ ರಾಮನಿಗೆ ಆಧಾರ

Published

on

– ಕಣ್ಣೀರು ತರಿಸುತ್ತೆ ದೈತ್ಯ ಜೀವಿಯ ಪರದಾಟ

ಮಡಿಕೇರಿ: ಆನೆ ನಡೆದದ್ದೇ ದಾರಿ ಅನ್ನೋ ಗಾದೆ ಮಾತಿದೆ. ಅದರಲ್ಲೂ ಅಜಾನುಬಾಹುವಿನಂತ ದೇಹ, ನೋಡಿದರೆ ಎದೆನಡುಗಂತಹ ಅಷ್ಟು ಉದ್ದದ ಕೋರೆಯ ಇಂತಹ ಆನೆಗಳು ನಡೆದರೆ, ನಡೆದದ್ದೇ ದಾರಿಯಾಗದೇ ಇರದು. ಅಜಾನುಬಾಹು ಸಾಕಾನೆಗೆ ಎರಡು ಕಣ್ಣು ಕಾಣದೇ ಅಹಾರ ತಿನ್ನುಲು ಪರದಾಡುವ ಪರಿಸ್ಥಿತಿ ನಿರ್ಮಾಣವಾಗಿದೆ.

ದೊಡ್ಡ ಗಾತ್ರದ ದೇಹ, ಊಹೆಗೂ ಮೀರಿದ ಕೋರೆ ಹೊಂದಿರುವ ಆನೆ ಹೆಸರು ರಾಮ. ರಾಮನಂತೆ ಸೌಮ್ಯ ಸ್ವಭಾವದವನು 65 ರ ಹರೆಯದ ಈ ಆನೆ. ಕೊಡಗು ಜಿಲ್ಲೆಯ ವಿಶ್ವ ಪ್ರಸಿದ್ಧ ದುಬಾರೆ ಸಾಕಾನೆ ಶಿಬಿರದಲ್ಲಿ ಈ ಆನೆ ಇದೆ. ತನ್ನ ಅಜಾನುಬಾಹು ದೇಹದಿಂದಲೇ ನಿತ್ಯ ದುಬಾರೆ ಸಾಕಾನೆ ಶಿಬಿರಕ್ಕೆ ಬರುವ ಸಾವಿರಾರು ಪ್ರವಾಸಿಗರ ಕಣ್ಮನ ಕೋರೈಸಿ ಮುದ ನೀಡುವ ಈ ಆನೆಗೆ ಎರಡು ಕಣ್ಣು ಕಾಣೋದೇ ಇಲ್ಲ.

ಈ ಆನೆಯನ್ನು 2002 ರಲ್ಲಿ ಸೆರೆ ಹಿಡಿದು ದುಬಾರೆ ಸಾಕಾನೆ ಶಿಬಿರದಲ್ಲಿ ಪಳಗಿಸಿ ರಾಮ ಎಂದು ಹೆಸರಿಡಲಾಗಿತ್ತು. ಅದನ್ನು ಸೆರೆ ಹಿಡಿದಾಗಲೇ ಅದರ ಒಂದು ಕಣ್ಣು ಕಾಣುತ್ತಿರಲಿಲ್ಲ. ಒಂದೇ ಕಣ್ಣಿನಿಂದಲೇ ಗಜಗಾಂಭೀರ್ಯವಾಗಿ ಓಡಾಡಿಕೊಂಡಿದ್ದ ರಾಮನಿಗೆ ಹತ್ತು ವರ್ಷ ಎನ್ನುವಷ್ಟರಲ್ಲಿ ಶಿಬಿರದಲ್ಲಿ ಇರುವಾಗಲೇ ಕಡ್ಡಿಯೊಡೆದು ಇದ್ದ ಮತ್ತೊಂದು ಕಣ್ಣು ಕಾಣದಂತಾಗಿ ಶಾಶ್ವತ ಕುರುಡು ಆವರಿಸಿತು. ಅಂದಿನಿಂದ ಈ ಅಜಾನುಬಾನು ಆನೆ ಅಕ್ಷರಶಃ ಮಗುವಿನಂತಾಗಿದೆ. ಈಗ ಸೊಂಡಿಲ ಸಹಾಯದಿಂದಲೇ ಓಡಾಡುವ ಈ ಆನೆ ಚಿಕ್ಕ ಮರಿಯಾನೆ ಬಂದರೂ ಹೆದರಿ ನಿಲ್ಲುತ್ತದೆ. ಹೀಗಾಗಿಯೇ ಅದನ್ನು ಎಲ್ಲಿಯೂ ಹೊರಗೆ ಕರೆದೊಯ್ಯವುದಿಲ್ಲ. ಶಿಬಿರದಲ್ಲಿ ಜೋಪಾನವಾಗಿ ನೋಡಿಕೊಳ್ಳಲಾಗುತ್ತಿದೆ.

Click to comment

Leave a Reply

Your email address will not be published. Required fields are marked *

www.publictv.in