Sunday, 15th December 2019

100ಕ್ಕೆ ಕರೆ ಮಾಡಿ ಪೊಲೀಸರಲ್ಲಿ ಮದ್ಯ ತರಲು ಹೇಳಿದ ಭೂಪ

ಭೋಪಾಲ್: ಪೊಲೀಸ್ ಠಾಣೆಗೆ ಕರೆ ಮಾಡಿ ಕುಡುಕನೊಬ್ಬ ತನಗೆ ಮದ್ಯ ತಂದು ಕೊಡಿ ಎಂದು ಆರ್ಡರ್ ಮಾಡಿದ ವಿಡಿಯೋ ವೈರಲ್ ಆಗಿದೆ. ಯಾವುದೇ ಭಯವಿಲ್ಲದೆ ಧೈರ್ಯವಾಗಿ ಖಾಕಿಗೇ ಕುಡುಕ ಆರ್ಡರ್ ಮಾಡಿರುವ ಪರಿಗೆ ನೆಟ್ಟಿಗರು ಸಖತ್ ಟ್ರೋಲ್ ಮಾಡುತ್ತಿದ್ದಾರೆ.

ಮಧ್ಯಪ್ರದೇಶದ ಕೊಟಾರ್ ಪ್ರದೇಶದ ನಿವಾಸಿ ಸಚಿನ್ ಮದ್ಯದ ನಶೆಯಲ್ಲಿ 100ಕ್ಕೆ ಕರೆ ಮಾಡಿ ಪೊಲೀಸರಿಗೆ ಮದ್ಯ ಕೊಡಿಸಿ ಎಂದಿದ್ದಾನೆ. ಆತನ ಮಾತು ಕೇಳಿ ಸ್ಥಳಕ್ಕೆ ಹೋದ ಪೊಲೀಸರಿಗೆ ಆತ ಧೈರ್ಯದಿಂದ ಉತ್ತರಿಸಿದ ಪರಿಗೆ ಸ್ವತಃ ಪೊಲೀಸರೇ ನಕ್ಕಿದ್ದಾರೆ. ಕುಡುಕ ಪೊಲೀಸರ ಬಳಿ ನನಗೆ ಮದ್ಯ ಕೊಡುತ್ತಿಲ್ಲ. ಏನಾದರೂ ಮಾಡಿ ಮದ್ಯ ಕೊಡಿಸಿ. ನಾನು ಯಾರ ಮೇಲೂ ದೂರು ಕೊಡುವುದಿಲ್ಲ. ನನಗೆ ಮದ್ಯ ಬೇಕು ಅಷ್ಟೆ ಎಂದು ಪೊಲೀಸರ ಎದುರೇ ಹೇಳಿದ್ದಾನೆ.

ವಿಡಿಯೋದಲ್ಲಿ ಕುಡುಕ ಮದ್ಯದ ಅಂಗಡಿ ಮುಂದೆ ನಿಂತು ಪೊಲೀಸರಿಗೆ ಎಣ್ಣೆ ಕೊಡಿಸಿ ಎಂದು ಆರ್ಡರ್ ಮಾಡಿದ್ದಾನೆ. ಇದನ್ನು ಸ್ವತಃ ಪೊಲೀಸರೇ ಮೊಬೈಲ್‍ನಲ್ಲಿ ಸೆರೆ ಹಿಡಿದಿದ್ದಾರೆ. ಎಷ್ಟು ಬೆಳಗ್ಗೆ ಯಾಕೆ ಕುಡಿಯುತ್ತಿದ್ದೀಯಾ? ಇದೇ ಮದ್ಯ ಅಂಗಡಿಯಲ್ಲೇ ಯಾಕೆ ಕುಡಿಯಬೇಕು ನೀನು ಎಂದು ಪ್ರಶ್ನಿಸಿರುವುದು ವಿಡಿಯೋದಲ್ಲಿ ಸೆರೆಯಾಗಿದೆ.

ಇದಕ್ಕೆ ಉತ್ತರಿಸಿದ ಕುಡುಕ, ಇದು ನನ್ನ ತಾತನ ಅಂಗಡಿ ಇಲ್ಲಿ ನಾನು ಹಣ ಕೊಟ್ಟು ಕುಡಿಯಲು ಬಂದರೂ ಅವರು ನನಗೆ ಮದ್ಯ ಕೊಡುವುದಿಲ್ಲ. ಮೊಮ್ಮಗ ಮದ್ಯ ಕುಡಿಯಬಾರದು ಎಂದು ಹೇಳುತ್ತಾರೆ. ಅದಕ್ಕೆ ಬೆಳಗ್ಗೆ ಇಲ್ಲೇ ಹತ್ತಿರವಿರುವ ಅಂಗಡಿಯಲ್ಲಿ ಕುಡಿದು ಬಂದೆ. ಈಗ ನನಗೆ ಕುಡಿಯಬೇಕು, ಮದ್ಯ ಕೊಡಿಸಿ ಅಷ್ಟೇ ಎಂದು ಆರ್ಡರ್ ಮಾಡಿದ್ದಾನೆ.

ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಸಖತ್ ವೈರಲ್ ಆಗಿದ್ದು, ಕುಡುಕನ ಧೈರ್ಯಕ್ಕೆ ನೆಟ್ಟಿಗರು ಫಿದಾ ಆಗಿದ್ದಾರೆ. ಮದ್ಯ ಒಳಗೆ ಹೋದರೆ ಎಂಥಹ ವ್ಯಕ್ತಿಗಾದರೂ ಧೈರ್ಯ ಬರುತ್ತದೆ. ಪೊಲೀಸರು ಆಗಿದ್ದರೇನು? ಯಾರಾದರೇನು? ಕಾನ್ಫಿಂಡೆನ್ಸ್ ನಲ್ಲಿ ಇರುತ್ತಾರೆ ಎಂದು ಕಾಲೆಳೆದಿದ್ದಾರೆ.

Leave a Reply

Your email address will not be published. Required fields are marked *