Thursday, 12th December 2019

Recent News

ಕೋಣದ ಜೊತೆ ಕಾದಾಟ – ಒಂದು ಹೆಜ್ಜೆ ಇಡಲು ಬಿಡದೇ ರಸ್ತೆಯಿಂದ ಓಡಿಸಿದ ನಾಯಿ

ಚಿಕ್ಕಮಗಳೂರು: ಜೀಪಿಗೆ ಅಡ್ಡ ಬಂದ ಕೋಣದ ಜೊತೆ ನಾಯಿ ಕಾದಾಟ ನಡೆಸಿದ ಘಟನೆಯೊಂದು ಚಿಕ್ಕಮಗಳೂರು ಜಿಲ್ಲೆಯ ಮೂಡಿಗೆರೆ ತಾಲೂಕಿನ ಜಾವಳಿ ಗ್ರಾಮದ ಕಾಫಿ ತೋಟದಲ್ಲಿ ನಡೆದಿದೆ.

ಮಾಲೀಕ ತನ್ನ ನಾಯಿಯ ಜೊತೆ ಕಾಫಿ ತೋಟಕ್ಕೆ ಹೋಗುತ್ತಿದ್ದರು. ಈ ವೇಳೆ ಜೀಪಿಗೆ ಕಾಡು ಕೋಣ ಅಡ್ಡ ಬಂದು ನಿಂತುಕೊಂಡಿದೆ. ಇದನ್ನು ನೋಡಿದ ನಾಯಿ ಆ ಕೋಣದ ಜೊತೆ ಕಾದಾಟ ನಡೆಸಿದೆ. ನಾಯಿ ಹಾಗೂ ಕೋಣದ ಕಾದಾಟ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದೆ.

ಕಾದಾಟದ ವೇಳೆ ನಾಯಿ ಕೋಣವನ್ನು ಒಂದು ಹೆಜ್ಜೆ ಮುಂದಿಡಲು ಬಿಡುತ್ತಿರಲಿಲ್ಲ. ಬಳಿಕ ನಾಯಿ ಹಾಗೂ ಕೋಣದ ಕಾದಾಟ ಹೆಚ್ಚಾಗುತ್ತಿರುವುದನ್ನು ನೋಡಿದ ಮಾಲೀಕ ನಾಯಿಯನ್ನು ವಾಪಸ್ ಕರೆದಿದ್ದಾರೆ. ಮಾಲೀಕ ಕರೆದರೂ ನಾಯಿ ಹಿಂದಿರುಗಲಿಲ್ಲ.

ನಾಯಿಯ ಕಾದಾಟ ನೋಡಿ ಕಾಡುಕೋಣ ಕೆಲ ಹೊತ್ತು ಮಂಕಾಗಿ ನಿಂತಿತ್ತು. ಬಳಿಕ ನಾಯಿ ಕಾಡುಕೋಣವನ್ನು ರಸ್ತೆಯಿಂದ ಓಡಿಸಿದೆ. ನಾಯಿ ಹಾಗೂ ಕಾಡುಕೋಣದ ಕಾದಾಟವನ್ನು ಮಾಲೀಕ ತನ್ನ ಮೊಬೈಲ್ ಕ್ಯಾಮೆರಾದಲ್ಲಿ ವಿಡಿಯೋ ಮಾಡಿದ್ದಾರೆ.

Leave a Reply

Your email address will not be published. Required fields are marked *