Thursday, 14th November 2019

ಸಿಂಹದ ಆವರಣ ಪ್ರವೇಶಿಸಿ ಮೃಗಾಲಯದಲ್ಲಿ ವ್ಯಕ್ತಿಯ ಹೈಡ್ರಾಮಾ – ವಿಡಿಯೋ ನೋಡಿ

ನವದೆಹಲಿ: ವ್ಯಕ್ತಿಯೊಬ್ಬ ದೆಹಲಿ ಮೃಗಾಲಯದಲ್ಲಿ ಸಿಂಹವಿರುವ ಆವರಣಕ್ಕೆ ಹಾರಿದ್ದು, ಸಿಂಹದ ಬಳಿಯೇ ಹಲವು ನಿಮಿಷಗಳನ್ನು ಕಳೆದಿದ್ದಾನೆ.

ವ್ಯಕ್ತಿ ಮೃಗಾಲಯದಲ್ಲಿ ಸಿಂಹವಿರುವ ಆವರಣಕ್ಕೆ ಬಿದ್ದಿದ್ದು, ಸ್ವಲ್ಪ ಹೊತ್ತು ಆವರಣದ ಒಳಗಡೆಯೇ ಕಾಲ ಕಳೆದಿದ್ದಾನೆ. ಈ ವಿಡಿಯೋ ವೈರಲ್ ಆಗಿದ್ದು, ಎಲ್ಲೆಡೆ ಆಶ್ಚರ್ಯ ವ್ಯಕ್ತವಾಗುತ್ತಿದೆ. ದೆಹಲಿ ಮೃಗಾಲಯಕ್ಕೆ ತೆರಳಿದ ಈತ ಸಿಂಹವಿರುವ ಆವರಣಕ್ಕೆ ಜಿಗಿದು ಅದರ ಹತ್ತಿರವೇ ಕುಳಿತಿದ್ದಾನೆ. ಹಲವು ನಿಮಿಷಗಳನ್ನು ಅಲ್ಲಿಯೇ ಕಳೆದಿದ್ದು, ನಂತರ ವ್ಯಕ್ತಿಯನ್ನು ಮೃಗಾಲಯದ ಸಿಬ್ಬಂದಿ ಸುರಕ್ಷಿತವಾಗಿ ಹೊರಗೆ ಕರೆ ತಂದಿದ್ದಾರೆ.

ಸಿಂಹ ವ್ಯಕ್ತಿಯನ್ನು ನೋಡಿದರೂ ಸಹ ಏನೂ ಮಾಡಿಲ್ಲ, ಮಾನವ ಮತ್ತು ಪ್ರಾಣಿಗಳ ನಡುವೆ ನಡೆಯುತ್ತಿರುವ ಸಂಘರ್ಷಗಳ ಮಧ್ಯೆ ಸಿಂಹ ಏನೂ ಮಾಡದಿರುವುದು ಅಚ್ಚರಿಗೆ ಕಾರಣವಾಗಿದೆ.

ಆವರಣದೊಳಗೆ ಬಿದ್ದ ನಂತರ ವ್ಯಕ್ತಿ ಕೂಗಲು ಪ್ರಾರಂಭಿಸುತ್ತಾನೆ, ಆಗ ಅಲ್ಲಿದ್ದ ಸಾರ್ವಜನಿಕರು ಸಿಂಹದಿಂದ ದೂರ ಇರುವಂತೆ ಆತನಿಗೆ ಸೂಚಿಸುತ್ತಾರೆ. ಅಲ್ಲದೆ ಸಿಂಹವನ್ನೂ ವ್ಯಕ್ತಿಯಿಂದ ದೂರ ಉಳಿಯುವಂತೆ ನೋಡಿಕೊಳ್ಳಲು ಪ್ರಯತ್ನಿಸಿದ್ದಾರೆ. ಕೆಲವು ನಿಮಿಷಗಳ ನಂತರ ವ್ಯಕ್ತಿಯನ್ನು ಮೃಗಾಲಯದ ಅಧಿಕಾರಿಗಳು ರಕ್ಷಿಸಿ ಹೊರಗೆ ಕರೆ ತಂದಿದ್ದಾರೆ.

ಇತ್ತೀಚಿನ ಮಾಹಿತಿ ಪ್ರಕಾರ, ವ್ಯಕ್ತಿಯನ್ನು ಬಂಧಿಸಿ ಸಿಂಹದ ಆವರಣದೊಳಗೆ ಹೇಗೆ, ಏಕೆ ಹೋದ ಎಂಬುದರ ಕುರಿತು ಅಧಿಕಾರಿಗಳು ಹೆಚ್ಚಿನ ವಿಚಾರಣೆ ನಡೆಸುತ್ತಿದ್ದಾರೆ. ವಿಡಿಯೋದಲ್ಲಿರುವ ವ್ಯಕ್ತಿ ಬಿಹಾರ ಮೂಲದವನು ಹಾಗೂ ಪ್ರವಾಸಿಗನಾಗಿದ್ದ, ಈತನ ಹೆಸರು ರೆಹನ್ ಖಾನ್ ಎಂದು ಗುರುತಿಸಲಾಗಿದೆ.

Leave a Reply

Your email address will not be published. Required fields are marked *