Connect with us

Latest

ಪೌರ ಕಾರ್ಮಿಕ ಸಹೋದರರ ಕಂಠಕ್ಕೆ ಆನಂದ್ ಮಹೀಂದ್ರಾ ಫಿದಾ

Published

on

ನವದೆಹಲಿ: ಪೌರ ಕಾರ್ಮಿಕ ಸಹೋದರಿಬ್ಬರು ತಮ್ಮ ಮಧುರ ಕಂಠದಿಂದ ಹಾಡಿರುವ ಹಾಡು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಇದನ್ನು ಗಮನಿಸಿರುವ ಮಹೀಂದ್ರಾ ಗ್ರೂಪ್ ಮುಖ್ಯಸ್ಥ ಆನಂದ್ ಮಹೀಂದ್ರಾ ಇವರಿಬ್ಬರ ಹಾಡಿಗೆ ಫಿದಾ ಆಗಿದ್ದಾರೆ.

ದೆಹಲಿಯ ನ್ಯೂ ಫ್ರೆಂಡ್ಸ್ ಕಾಲೊನಿಯ ಇಬ್ಬರು ಸಹೋದರರಾದ ಹಫೀಜ್ ಮತ್ತು ಹಬೀಬರ್ ಪೌರ ಕಾರ್ಮಿಕರಾಗಿ ಕೆಲಸ ನಿರ್ವಹಿಸುತ್ತ ಹಾಡುಗಳನ್ನು ಹಾಡುವ ಹವ್ಯಾಸ ಬೆಳೆಸಿಕೊಂಡಿದ್ದರು. ಹಫೀಜ್ ಮತ್ತು ಹಬೀಬರ್ ಮಧುರವಾಗಿ ಹಾಡುವುದನ್ನು ವೀಡಿಯೋ ಮಾಡಿ ರೋಹಿತ್ ಖಟ್ಟರ್ ಸಾಮಾಜಿಕ ಜಾಲತಾಣದಲ್ಲಿ ಹಾಕಿಕೊಂಡಿದ್ದರು. ಇದನ್ನು ಗಮನಿಸಿರುವ ಆನಂದ್ ಮಹೀಂದ್ರಾ ಈ ಇಬ್ಬರು ಯುವಕರ ಧ್ವನಿಗೆ ಮಾರುಹೋಗಿ ಮುಂದಿನ ಸಂಗೀತ ಶಿಕ್ಷಣಕ್ಕೆ ಸಹಕರಿಸುವುದಾಗಿ ಹೇಳಿಕೊಂಡಿದ್ದಾರೆ.

ಆನಂದ್ ಮಹೀಂದ್ರಾ ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಹಫೀಜ್ ಮತ್ತು ಹಬೀಬರ್ ಅಣ್ಣ ತಮ್ಮಂದಿರಿಬ್ಬರೂ ಹಾಡುವ ಹಾಡನ್ನು ಟ್ವೀಟ್ ಮಾಡಿ ನನ್ನ ಸ್ನೇಹಿತರಾದ ರೋಹಿತ್ ಖಟ್ಟರ್ ಟ್ವಿಟ್ಟರ್ ನಲ್ಲಿ ಈ ಯುವಕರಿಬ್ಬರ ವೀಡಿಯೋ ಪೋಸ್ಟ್ ಮಾಡಿದ್ದಾರೆ. ಇದನ್ನು ಗಮನಿಸಿದಾಗ ಹಫೀಜ್ ಮತ್ತು ಹಬೀಬರ್ ಕಸ ಸಂಗ್ರಹ ಮಾಡುವ ಕೆಲಸ ನಿರ್ವಹಿಸುತ್ತಿದ್ದಾರೆ. ಆದರೆ ಅವರ ಪ್ರತಿಭೆಗೆ ಯಾವುದೇ ಮಿತಿಯಿಲ್ಲ ಎಂದು ಬರೆದುಕೊಂಡಿದ್ದಾರೆ.

ಇದರೊಂದಿಗೆ ಇನ್ನೊಂದು ಟ್ವೀಟ್ ಮಾಡಿರುವ ಆನಂದ್ ಮಹೀಂದ್ರಾ, ಸಹೋದರಿಬ್ಬರ ಪ್ರತಿಭೆ ಅಮೋಘವಾಗಿದ್ದು, ರೋಹಿತ್ ಮತ್ತು ನಾನು ಇವರಿಬ್ಬರಿಗೆ ಸಹಾಯ ಮಾಡುತ್ತೇವೆ. ದೆಹಲಿಯ ಆಸುಪಾಸಿನಲ್ಲಿರುವ ಉತ್ತಮವಾದ ಸಂಗೀತ ಶಿಕ್ಷಕರು ಅಥವಾ ಧ್ವನಿ ತರಬೇತುದಾರರು ಹಫೀಜ್ ಮತ್ತು ಹಬೀಬರ್ ಅವರ ದಿನದ ಕೆಲಸ ಮುಗಿದ ಮೇಲೆ ಸಂಜೆ ಹೊತ್ತು ತರಬೇತಿ ಕೊಟ್ಟಿದ್ದರೆ ಅವರ ಮುಂದಿನ ಸಂಗೀತ ಸಾಧನೆಗೆ ಸಹಾಯವಾಗುತ್ತಿತ್ತು ಎಂದಿದ್ದಾರೆ.

ವೀಡಿಯೋದಲ್ಲಿ ಹಫೀಜ್ ಮತ್ತು ಹಬೀಬರ್ 1969ರಲ್ಲಿ ಬಿಡುಗಡೆಯಾದ ಅನ್ಮೋಲ್ ಮೋತಿ ಮತ್ತು 2010ರಲ್ಲಿ ಬಿಡುಗಡೆಗೊಂಡ ಶಾರುಖ್ ಖಾನ್ ಅವರ ಮೈ ನೇಮ್ ಇಸ್ ಖಾನ್ ಚಿತ್ರದ ‘ಸಜ್ದಾ’ ಹಾಡನ್ನು ಹಾಡುತ್ತಿದ್ದಾರೆ.

Click to comment

Leave a Reply

Your email address will not be published. Required fields are marked *