Monday, 17th June 2019

ಹಸಿಬಿಸಿ ದೃಶ್ಯಗಳ ಡಿಗ್ರಿ ಕಾಲೇಜ್ – ಭಾರೀ ಚರ್ಚೆಗೆ ಕಾರಣವಾಯ್ತು ಟ್ರೈಲರ್

ಹೈದರಾಬಾದ್: ಕಾಲೇಜು ವಿದ್ಯಾರ್ಥಿಗಳ ಕಥೆಯನ್ನಾಧರಿಸಿ ಹಲವು ಚಿತ್ರಗಳು ಈಗಾಗಲೇ ಎಲ್ಲ ಭಾಷೆಗಳಲ್ಲಿ ಹಲವು ಸಿನಿಮಾಗಳು ಬಿಡುಗಡೆಗೊಂಡಿವೆ. ಬಹುತೇಕ ಸಿನಿಮಾಗಳು ಯುವ ಪೀಳಿಗೆಯ ಕಾಲೇಜು ವಿದ್ಯಾರ್ಥಿಗಳು ನೋಡಿ ಮೆಚ್ಚುಗೆ ವ್ಯಕ್ತವಾಗಿದೆ. ಇದೀಗ ಹದಿಹರೆಯದ ಡಿಗ್ರಿ ಕಾಲೇಜಿನ ವಿದ್ಯಾರ್ಥಿಗಳ ತೆಲುಗು ಸಿನಿಮಾ ಬಿಡುಗಡೆಯಾಗಲು ಸಿದ್ಧಗೊಂಡಿದ್ದು, ಟ್ರೈಲರ್ ಸದ್ದು ಸಿಕ್ಕಾಪಟ್ಟೆ ಜೋರಾಗಿದೆ.

ತೆಲುಗಿನ ಹೊಸ ಕಲಾವಿದರನ್ನು ಒಳಗೊಂಡ ‘ಡಿಗ್ರಿ ಕಾಲೇಜ್’ ಚಿತ್ರದ ಟ್ರೈಲರ್ ಔಟ್ ಆಗಿದ್ದು, ಹಸಿಬಿಸಿ ದೃಶ್ಯಗಳು ಪಡ್ಡೆಹುಡುಗರನ್ನ ಸೆಳೆಯುತ್ತಿವೆ. ಇದೊಂದು ನೈಜ ಕಥೆಯಾಧಾರಿತ ಸಿನಿಮಾ ಎನ್ನಲಾಗುತ್ತಿದ್ದು, ಆಕರ್ಷಣೆಯ ಪ್ರೇಮ ಸಲ್ಲಾಪ, ಭವಿಷ್ಯದ ಕಲ್ಪನೆಯಿಲ್ಲದೇ ಲವ್ ಕಥೆಯಲ್ಲಿ ಬೀಳುವ ವಿದ್ಯಾರ್ಥಿಗಳು. ಒಂದು ಜೋಡಿಯ ಸುತ್ತ ಸಾಗುವ ಕಥೆ, ಜೋಡಿಯ ಪ್ರೇಮಕ್ಕೆ ಸಾಥ್ ನೀಡುವ ಗೆಳೆಯರು, ಪೋಷಕರ ವಿರೋಧ ಹೀಗೆ ಎಲ್ಲವನ್ನು ಟ್ರೈಲರ್ ಒಳಗೊಂಡಿದೆ.

ವರುಣ್, ಶ್ರೀ ದಿವ್ಯಾ, ದುವ್ವಸಿ ಮೋಹನ್, ಜಯವಾಣಿ, ಶ್ರೀನಿವಾಸ್ ಮದನ್ ಮತ್ತು ಆರ್‍ಕೆ ಹೀಗೆ ಹೊಸಬರನ್ನು ಒಳಗೊಂಡ ದೊಡ್ಡ ತಾರಾಗಣ ಡಿಗ್ರಿ ಕಾಲೇಜ್‍ನಲ್ಲಿದೆ. ನರಸಿಂಹ ನಂದಿ ನಿರ್ದೇಶನ, ಶ್ರೀ ಲಕ್ಷ್ಮಿ ನರಸಿಂಹ ಸಿನಿಮಾ ಬ್ಯಾನರ್ ನಲ್ಲಿ ಸಿನಿಮಾ ಮೂಡಿ ಬಂದಿದೆ.

ಬಿಡುಗಡೆಯಾದ ಮೂರು ದಿನಗಳಲ್ಲಿ 9 ಲಕ್ಷಕ್ಕೂ ಅಧಿಕ ವ್ಯೂವ್, 7 ಸಾವಿರಕ್ಕೂ ಅಧಿಕ ಲೈಕ್ಸ್ ಪಡೆದುಕೊಂಡಿದೆ. ಸಿನಿಮಾದ ಟ್ರೈಲರ್ ಟಾಲಿವುಡ್ ಅಂಗಳದಲ್ಲಿ ಹೊಸ ಚರ್ಚೆಗೆ ಕಾರಣವಾಗಿದೆ. ಇದೂವರೆಗೂ ಇಂತಹ ಹಾಟ್ ಸಿನಿಮಾ ಬಂದಿಲ್ಲ ಎಂಬ ಮಾತುಗಳು ತೆಲುಗು ಸಿನಿ ಅಂಗಳದಲ್ಲಿ ಕೇಳಿ ಬರುತ್ತಿವೆ.

Leave a Reply

Your email address will not be published. Required fields are marked *