Connect with us

Bengaluru City

ತಂಪಾದ ಸೌತೆಕಾಯಿ ಮಜ್ಜಿಗೆ ಹುಳಿ ಮಾಡುವ ಸುಲಭ ವಿಧಾನ

Published

on

ಬಿಸಿಲ ಬೇಗೆಗೆ ತಂಪಾದ ಆಹಾರವನ್ನು ಸೇವಿಸಬೇಕು ಎನ್ನಿಸುತ್ತದೆ. ಮಧ್ಯಾಹ್ನದ ವೇಳೆ ಬಿಸಿಲು ಹೆಚ್ಚಾಗಿರುತ್ತದೆ. ಈ ವೇಳೆ ರೈಸ್ ಜೊತೆಗೆ ಏನು ಮಾಡುವುದು ಎಂದು ಯೋಚಿಸುವವರಿಗೆ ತುಂಬಾ ಸುಲಭವಾಗಿ ಆರೋಗ್ಯಕರವಾದ ಮತ್ತು ತಂಪಾದ ಸೌತೆಕಾಯಿ ಮಜ್ಜಿಗೆ ಹುಳಿ ಮಾಡುವ ಸುಲಭ ವಿಧಾನ ಇಲ್ಲಿದೆ.

ಬೇಕಾಗುವ ಸಾಮಗ್ರಿಗಳು:
* ಸೌತೆಕಾಯಿ-2
* ಮೊಸರು- 1 ಕಪ್
* ತೆಂಗಿನಕಾಯಿ-1ಕಪ್
* ಹಸಿಮೆಣಸಿನಕಾಯಿ-4 ರಿಂದ 5
* ಕೊತ್ತಂಬರಿ
* ಕರಿಬೇವು
* ಸಾಸಿವೆ -1 ಸ್ಪೂನ್
* ಅಡುಗೆ ಎಣ್ಣೆ- 4 ಸ್ಪೂನ್
* ನೆನಸಿಟ್ಟ ಕಡ್ಲೆಬೆಳೆ – 2ಟೀ ಸ್ಪೂನ್
* ಅರಿಶಿಣ- 1 ಸ್ಪೂನ್
* ಜೀರಿಗೆ- 1 ಸ್ಪೂನ್
* ಇಂಗು -ಚಿಟಿಕೆ
* ರುಚಿಗೆ ತಕ್ಕಷ್ಟು ಉಪ್ಪು

ಮಾಡುವ ವಿಧಾನ:

* ಒಂದು ಪಾತ್ರೆಯಲ್ಲಿ ನೀರು ಸೌತೆಕಾಯಿ ಹಾಕಿ ಚೆನ್ನಾಗಿ ಬೇಯಲು ಬಿಡಬೇಕು.
* ನಂತರ ಒಂದು ಮಿಕ್ಸಿ ಜಾರಿಗೆ ತೆಂಗಿನಕಾಯಿ, ಹಸಿಮೆಣಸಿನಕಾಯಿ, ನೆನೆಸಿಟ್ಟ ಕಡ್ಲೆಬೇಳೆ, ಜೀರಿಗೆ, ಅರಿಶಿಣ, ಕೊತ್ತಂಬರಿಯನ್ನು ಹಾಕಿ ನುಣ್ಣಗೆ ರುಬ್ಬಿಕೊಳ್ಳಬೇಕು.

* ನಂತರ ಒಂದು ಪಾತ್ರೆಗೆ ಅಡುಗೆ ಎಣ್ಣೆಯನ್ನು ಹಾಕಿ ಬಿಸಿ ಮಾಡಬೇಕು. ಬಿಸಿಯಾದ ಎಣ್ಣೆಗೆ ಸಾಸಿವೆ ಮತ್ತು ಕರಿಬೇವು, ಇಂಗು ಹಾಕಿ ಪ್ರೈ ಮಾಡಬೇಕು.
* ಈ ಬಾಣಲೆಗೆ ಈಗಾಗಲೇ ರುಬ್ಬಿ ತಯಾರಿಸಿರುವ ಮಸಾಲೆಯನ್ನು ಹಾಕಬೇಕು. ಹಸಿವಾಸನೆ ಹೋಗುವವರೆಗೆ ಪ್ರೈ ಮಾಡಬೇಕು.

* ಈ ಒಗ್ಗರಣೆ ಪಾತ್ರೆಗೆ ಈ ಮೊದಲೇ ಬೇಯಿಸಿದ ಸೌತೆಕಾಯಿಯನ್ನು ಹಾಕಿ ಮಸಾಲೆಯೊಂದಿಗೆ ಚೆನ್ನಾಗಿ ಮಿಶ್ರಣ ಮಾಡಬೇಕು.
* ಸಾಂಬಾರ್ ಚೆನ್ನಾಗಿ ಬೇಯಿಸಿದ ನಂತರ ಇದಕ್ಕೆ ಮೊಸರನ್ನು ಹಾಕಿ ಮಿಶ್ರಣ ಮಾಡಿ ಬೇಕಾದಷ್ಟು ಉಪ್ಪನ್ನು ಹಾಕಬೇಕು. ಈಗ ರುಚಿಯಾದ ಮತ್ತು ತಂಪಾದ ಸೌತೆಕಾಯಿ ಹುಳಿ ಸಿದ್ಧವಾಗುತ್ತದೆ.

Click to comment

Leave a Reply

Your email address will not be published. Required fields are marked *