Connect with us

Latest

ಕೊಳಾಯಿ ತೆರೆದು ನೀರು ಕುಡಿದ ಚುರುಕು ಕಾಗೆ – ವೀಡಿಯೋ ವೈರಲ್

Published

on

ಮಕ್ಕಳು ಚಿಕ್ಕವರಿದ್ದಾಗ ಕಾಗೆಯೊಂದು ತನ್ನ ದಣಿವನ್ನು ತೀರಿಸಿಕೊಳ್ಳಲು ಅರ್ಧ ನೀರು ತುಂಬಿರುವ ಬಿಂದಿಗಿಗೆಗೆ ಪುಟ್ಟಪುಟ್ಟ ಕಲ್ಲುಗಳನ್ನು ಹಾಕಿ ನೀರು ಮೇಲೆ ಬಂದ ನಂತರ ಕುಡಿದಿರುವ ಕಥೆಯನ್ನು ನಾವು ಕೇಳಿದ್ದೇವೆ. ಆದರೆ 21ನೇ ಶತಮಾನದ ಕಾಗೆಯೊಂದು ತನ್ನ ಬಾಯಾರಿಕೆಯನ್ನು ನೀಗಿಸಿಕೊಳ್ಳಲು ತನ್ನ ಬುದ್ಧಿವಂತಿಕೆ ಉಪಯೋಗಿಸಿಕೊಂಡಿದೆ.

ಭಾರತೀಯ ಅರಣ್ಯ ಸೇವಾ ಅಧಿಕಾರಿ ಸುಸಂತಾ ನಂದಾ ಎಂಬವರು ಶುಕ್ರವಾರ ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ‘ನುರಿತ ಕಾಗೆ’ ಎಂಬ ಕ್ಯಾಪ್ಷನ್ ಜೊತೆಗೆ ವೀಡಿಯೋವೊಂದನ್ನು ಶೇರ್ ಮಾಡಿಕೊಂಡಿದ್ದಾರೆ.

ಈ ವೀಡಿಯೋದಲ್ಲಿ ಕಾಗೆ ಹಾರಿಕೊಂಡು ಬಂದು ನೀರಿನ ಕೊಳಾಯಿ ಮೇಲೆ ಕುಳಿತುಕೊಂಡು, ತನ್ನ ಕೊಕ್ಕಿನ ಸಹಾಯದಿಂದ ಕೊಳಾಯಿಯನ್ನು ನಿಧಾನವಾಗಿ ಒತ್ತುವ ಮೂಲಕ ತೆರೆಯುತ್ತದೆ. ಬಳಿಕ ಆರಾಮವಾಗಿ ಕೊಳಾಯಿಂದ ಬರುವ ನೀರನ್ನು ಕುಡಿಯುತ್ತದೆ.

ಸದ್ಯ ಈ ವೀಡಿಯೋ ವೈರಲ್ ಆಗುತ್ತಿದ್ದಂತೆಯೇ ಒಂದು ಗಂಟೆಯೊಳಗೆ ಸುಮಾರು ಸಾವಿರಕ್ಕೂ ಅಧಿಕ ಬಾರಿ ವೀಕ್ಷಣೆಯಾಗಿದ್ದು, ಹಲವಾರು ಕಮೆಂಟ್‍ಗಳು ಹರಿದು ಬರುತ್ತಿದೆ. ಕೆಲವರು ಕಾಗೆಯ ಬುದ್ಧಿವಂತಿಕೆಗೆ ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದರೆ, ಇನ್ನೂ ಕೆಲವರು ಕೊಳಾಯಿಯನ್ನು ಸರಿಯಾಗಿ ಮುಚ್ಚಿಲ್ಲ ಎಂದು ಕಾಮೆಂಟ್ ಮಾಡುತ್ತಿದ್ದಾರೆ.

Click to comment

Leave a Reply

Your email address will not be published. Required fields are marked *