Connect with us

Corona

ದಂಡ ಕಟ್ಟಿ, ಉಚಿತ ಮಾಸ್ಕ್ ಪಡೆಯಿರಿ- ನಗರಸಭೆಯಿಂದ ಕಾರ್ಯಾಚರಣೆ

Published

on

ಯಾದಗಿರಿ: ಪಕ್ಕದ ಕಲಬುರಗಿಯಲ್ಲಿ ಕೊರೊನಾ ಪ್ರಕರಣಗಳು ಹೆಚ್ಚುತ್ತಿರುವ ಹಿನ್ನೆಲೆ, ಯಾದಗಿರಿ ನಗರಸಭೆ ಫುಲ್ ಅಲರ್ಟ್ ಆಗಿದೆ. ನಗರದ ಪ್ರಮುಖ ರಸ್ತೆಯಲ್ಲಿ ನಿಂತು ಮಾಸ್ಕ್ ಬಗ್ಗೆ ಅಧಿಕಾರಿಗಳು ಜಾಗೃತಿ ಮೂಡಿಸುತ್ತಿದ್ದಾರೆ. ಅಲ್ಲದೆ ಮಾಸ್ಕ್ ಧರಿಸದವರ ಕಡೆಯಿಂದ ದಂಡ ಕಟ್ಟಿಸಿಕೊಂಡು, ಉಚಿತವಾಗಿ ಮಾಸ್ಕ್ ನೀಡಲಾಗುತ್ತಿದೆ.

ಕರೊನಾ ಎರಡನೇ ಅಲೆ ಭೀತಿ ಹಿನ್ನೆಲೆ ಫೀಲ್ಡ್ ಗೆ ಇಳಿದಿರುವ ನಗರಸಭೆ ಕಮಿಷನರ್ ಬಿ.ಟಿ.ನಾಯಕ್, ಮಾಸ್ಕ್ ಇಲ್ಲದೆ ಸಂಚಾರ ಮಾಡುತ್ತಿರುವ ವಾಹನ ಸವಾರರನ್ನು ನಿಲ್ಲಿಸಿ, ದಂಡ ಕಟ್ಟಿಸಿಕೊಂಡು, ಜನರಿಗೆ ತಮ್ಮ ಕೈಯಿಂದ ಮಾಸ್ಕ್ ಹಾಕಲು ಮುಂದಾಗಿದ್ದಾರೆ.

ಮಾಸ್ಕ್ ಹಾಕಿಕೊಳ್ಳದೆ ಓಡಾಡುತ್ತಿರುವವರಿಗೆ 100 ರೂ. ದಂಡದ ಜೊತೆ ಉಚಿತ ಮಾಸ್ಕ್ ಸಹ ನೀಡಲಾಗುತ್ತಿದೆ. ಕೊರೊನಾ ಎರಡನೇ ಅಲೆ ಹಿನ್ನೆಲೆ ಕೈಗೊಂಡಿರುವ ಮುಂಜಾಗ್ರತಾ ಕ್ರಮಗಳ ಬಗ್ಗೆಯೂ ತಿಳಿಸಲಾಗುತ್ತಿದೆ. ನಗರದ ಬಸ್ ನಿಲ್ದಾಣ, ಗಂಜ್ ಪ್ರದೇಶ ಹಾಗೂ ಕೋರ್ಟ್ ಮುಂದೆ ಮಾಸ್ಕ್ ಡ್ರೈವ್ ನಡೆಯುತ್ತಿದೆ.

Click to comment

Leave a Reply

Your email address will not be published. Required fields are marked *