Connect with us

Corona

ಆಸ್ಪತ್ರೆಯಲ್ಲಿ 320 ಡೋಸ್ ಇರೋ ಕೊರೊನಾ ಲಸಿಕೆ ಕಾಣೆ..!

Published

on

ಜೈಪುರ: ಮಹಾಮಾರಿ ಕೊರೊನಾಗೆ ಈಗಾಗಲೇ ಲಸಿಕೆ ಬಂದಿದ್ದು, ದೇಶಾದ್ಯಂತ ಪಡೆದುಕೊಳ್ಳಲಾಗುತ್ತಿದೆ. ಆದರೆ ಇದೀಗ ಈ ಲಸಿಕೆಯ ಮೇಲೂ ಕಳ್ಳರ ಕಣ್ಣು ಬಿದ್ದಿದೆ.

ಹೌದು. ಜೈಪುರದ ಶಾಸ್ತ್ರಿನಗರದಲ್ಲಿರುವ ಕಾನ್ವಟಿಯಾ ಸರ್ಕಾರಿ ಆಸ್ಪತ್ರೆಯಲ್ಲಿ ಲಸಿಕೆ ಕಳ್ಳತನ ಪ್ರಕರಣ ನಡೆದಿರುವುದು ಬೆಳಕಿಗೆ ಬಂದಿದೆ. ಆಸ್ಪತ್ರೆಯ ಕೋಲ್ಡ್ ಸ್ಟೋರೇಜ್ ನಿಂದ ಲಸಿಕಾ ಕೇಂದ್ರಕ್ಕೆ ಸಾಗಿಸುವ ವೇಳೆ ಕೋವಾಕ್ಸಿನ್ ಕಳ್ಳತನ ನಡೆದಿದೆ ಎಂದು ಹೇಳಲಾಗುತ್ತಿದೆ.

ಏಪ್ರಿಲ್ 12ರಂದು ಸಂಜೆ ಪರಿಶೀಲಿಸಿದಾಗ ಅದರಲ್ಲಿ ಕೋವಾಕ್ಸಿನ್ ನ 32 ವಯಲ್ ಗಳು ಕಾಣೆಯಾಗಿರುವುದು ಬೆಳಕಿಗೆ ಬಂದಿದೆ. ಒಮದು ವಯಲ್ ನಲ್ಲಿ 10 ಡೋಸ್ ಲಸಿಕೆ ಇರುತ್ತದೆ. ಹೀಗಾಗಿ 320 ಡೋಸ್ ಗಳ ಲಸಿಕೆ ನಷ್ಟವಾಗಿದೆ ಎಂದು ಆಸ್ಪತ್ರೆಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

ಲಸಿಕೆ ಕಾಣೆಯಾಗಿರುವ ಬಗ್ಗೆ ಪೊಲೀಸರಿಗೆ ದೂರು ನಿಡಲಾಗಿದ್ದು, ಸೂಕ್ತ ತನಿಖೆ ನಡೆಸಲು ಮನವಿ ಮಾಡಲಾಗಿದೆ ಎಂದು ಆರೋಗ್ಯಾಧಿಕಾರಿ ಹೇಳಿದ್ದಾರೆ.

Click to comment

Leave a Reply

Your email address will not be published. Required fields are marked *