Connect with us

ಕತ್ತಲ ಕೋಣೆಯಲ್ಲಿ ಕೊರೊನಾ ಲಸಿಕೆ – ವೃದ್ಧರು, ಸಿಬ್ಬಂದಿ ಪರದಾಟ

ಕತ್ತಲ ಕೋಣೆಯಲ್ಲಿ ಕೊರೊನಾ ಲಸಿಕೆ – ವೃದ್ಧರು, ಸಿಬ್ಬಂದಿ ಪರದಾಟ

ಗದಗ: ಕೊರೊನಾ ಕರಾಳ ಕರಿ ಛಾಯೆಯ ಈ ಸಂದರ್ಭದಲ್ಲಿ ವ್ಯಾಕ್ಸಿನ್‍ಗಾಗಿ ನಗರದಲ್ಲಿ ಜನ ಪರದಾಡಿದರು. ಹಳೇ ಜಿಲ್ಲಾಸ್ಪತ್ರೆಯಲ್ಲಿನ ನಗರ ಪ್ರಾಥಮಿಕ ಆರೋಗ್ಯ ಕೇಂದ್ರ ಅವ್ಯವಸ್ಥೆ ಆಗರವಾಗಿತ್ತು.

ವಿದ್ಯುತ್ ಇಲ್ಲದಕ್ಕೆ ಲಸಿಕೆ ನೀಡುವ ಕೊಠಡಿಗಳು ಕತ್ತಲು ಕೋಣೆಗಳಾಗಿದ್ದವು. ಸುಮಾರು 2 ಗಂಟೆಗಳ ಕಾಲ ಲಸಿಕಾ ಕೇಂದ್ರಗಳಲ್ಲಿ ವಿದ್ಯುತ್, ಗಾಳಿ, ಬೆಳಕು ಇಲ್ಲದೆ ಕತ್ತಲು ಮಯವಾಗಿದ್ದವು.

ಲಸಿಕೆಗಾಗಿ ಸಾಕಷ್ಟು ಜನ ನೂರಾರು ಮೀಟರ್‍ವರೆಗೆ ಕ್ಯೂ ಸೇರಿದ್ದರು. ಆದರೂ 2 ಗಂಟೆ ಕಾಲ ಕತ್ತಲು ಕೋಣೆಯಲ್ಲಿ ಚುಚ್ಚುಮದ್ದು ನೀಡಲಾಯಿತು. ಬೇಸಿಗೆ ಈ ಸಂದರ್ಭದಲ್ಲಿ ತುಂಬಾನೇ ಸೆಕೆ ಆಗ್ತಿದ್ದರಿಂದ ಅಲ್ಲಿರುವ ವೃದ್ಧರು ಕೆಲಕಾಲ ಪರಿತಪಿಸಿದರು. ಕನಿಷ್ಠ ಜನರೇಟರ್ ವ್ಯವಸ್ಥೆ ಸಹ ಕಲ್ಪಿಸದ ಆರೋಗ್ಯ ಇಲಾಖೆ ಹಾಗೂ ಜಿಲ್ಲಾಡಳಿತ ವಿರುದ್ಧ ಸಾರ್ವಜನಿಕರು ಹಿಡಿಶಾಪ ಹಾಕಿದರು.

ಆರೋಗ್ಯ ಸಿಬ್ಬಂದಿ ಮೊಬೈಲ್ ಟಾರ್ಚ್ ಮೂಲಕ ಹೆಸರು, ವಿಳಾಸ ದಾಖಲಾತಿ ಮಾಡಿಕೊಂಡರು. ಹೊರಭಾಗದಲ್ಲಿ ಲಸಿಕೆ ಪಡೆಯಲು ನಾ ಮುಂದೆ ತಾ ಮುಂದೆ ಅಂತ ಮುಗಿಬಿದ್ದಿದ್ದರು. ಲಸಿಕೆ ಪಡೆಯುವ ಸಂದರ್ಭದಲ್ಲೂ ಜನ ಸಾಮಾಜಿಕ ಅಂತರ ಮರೆತಿದ್ದರು.

Advertisement
Advertisement