Connect with us

ದೇಶದ ಹಿರಿಯ ಮಹಿಳೆಗೆ ಲಸಿಕೆ – ಬೆಂಗಳೂರಿನ 103 ವರ್ಷದ ವೃದ್ಧೆಗೆ ಡೋಸ್

ದೇಶದ ಹಿರಿಯ ಮಹಿಳೆಗೆ ಲಸಿಕೆ – ಬೆಂಗಳೂರಿನ 103 ವರ್ಷದ ವೃದ್ಧೆಗೆ ಡೋಸ್

ಬೆಂಗಳೂರು: 103 ವರ್ಷದ ವೃದ್ಧೆಯೊಬ್ಬರು  ಬೆಂಗಳೂರಿನ ಖಾಸಗಿ ಆಸ್ಪತ್ರೆಯಲ್ಲಿ ಕೊರೊನಾ ಲಸಿಕೆಯ ಮೊದಲ ಡೋಸ್‌  ಪಡೆದಿದ್ದಾರೆ.

ಜೆ.ಕಾಮೇಶ್ವರಿ ಅವರು ಬನ್ನೇರುಘಟ್ಟ ರಸ್ತೆಯಲ್ಲಿರುವ ಅಪೋಲೋ ಆಸ್ಪತ್ರೆಯಲ್ಲಿ ಲಸಿಕೆ ಪಡೆಯುವ ಮೂಲಕ ಕೋವಿಡ್ 19 ಲಸಿಕೆ ಪಡೆದ ಭಾರತದ ಹಿರಿಯ ಮಹಿಳೆ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ.

ರಾಷ್ಟ್ರಾದ್ಯಂತ ಕೋವಿಡ್-19 ಲಸಿಕೆಯನ್ನು 2.40 ಕೋಟಿ ಮಂದಿಗೆ ನೀಡಲಾಗಿದೆ ಎಂದು ಮಂಗಳವಾರ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವಾಲಯ ತಿಳಿಸಿದೆ. ಅಲ್ಲದೆ ಮಾರ್ಚ್ 1 ರಿಂದ ಸಾರ್ವಜನಿಕರಿಗೆ ಲಸಿಕೆ ವಿತರಣೆ ಆರಂಭಿಸುತ್ತಿದ್ದಂತೆ ಕೇಂದ್ರ ಸರ್ಕಾರ ರಾಜ್ಯಾದ್ಯಂತ ಕೋವಿಡ್ ವ್ಯಾಕ್ಸಿನೇಷನ್ ಡ್ರೈವ್‍ಗಳ ಸಂಖ್ಯೆಯನ್ನು ಇದೀಗ ಹೆಚ್ಚಿಸುತ್ತಿದೆ.

ಮೂರನೇ ಹಂತದಲ್ಲಿ 60 ವರ್ಷಕ್ಕಿಂತ ಮೇಲ್ಪಟ್ಟವರು ಹಾಗೂ 45 ವರ್ಷಕ್ಕಿಂತ ಮೇಲ್ಪಟ್ಟು ರೋಗದಿಂದ ಬಳಲುತ್ತಿರುವ ಮಂದಿ ಲಸಿಕೆ ಪಡೆಯಬಹುದಾಗಿದೆ.

Advertisement
Advertisement
Advertisement