Saturday, 15th December 2018

Recent News

ಬಿಸಿ ಬಿಸಿ ರಾಗಿಮುದ್ದೆ, ನಾಟಿಕೋಳಿ ಸೇವಿಸಿದ್ರು ಸ್ಪರ್ಧಿಗಳು!

ಮೈಸೂರು: ವಿಶ್ವವಿಖ್ಯಾತ ನಾಡ ಹಬ್ಬ ಮೈಸೂರು ದಸರಾ ಮಹೋತ್ಸವದ ಅಂಗವಾಗಿ ಆಯೋಜಿಸಿರುವ ಆಹಾರ ಮೇಳದಲ್ಲಿ ಪ್ರತಿದಿನ ಒಂದೊಂದು ಸ್ಪರ್ಧೆ ನಡೆಸುತ್ತಿದ್ದು, ಜನರು ಸ್ಪರ್ಧೆಯಲ್ಲಿ ಪಾಲ್ಗೊಂಡು ಫುಲ್ ಎಂಜಾಯ್ ಮಾಡುತ್ತಿದ್ದಾರೆ.

ಸ್ಕೌಟ್ಸ್ ಅಂಡ್ ಗೈಡ್ಸ್ ಮೈದಾನದಲ್ಲಿ ಇಂದು ನಡೆದ ರಾಗಿ ಮುದ್ದೆ ಮತ್ತು ನಾಟಿ ಕೋಳಿ ತಿನ್ನೋ ಸ್ಪರ್ಧೆಯಲ್ಲಿ ಸ್ಪರ್ಧಿಗಳು ರಾಗಿ ಮುದ್ದೆಯನ್ನು ತಾ ಮುಂದು ತಾ ಮುಂದು ಎಂದು ತಿಂದರು. ಒಬ್ಬ ಸ್ಪರ್ಧಿಗೆ ನಾಲ್ಕು ಮುದ್ದೆ ನಾಟಿ ಕೋಳಿ ಸಾಂಬರ್ ಮತ್ತು ಮೂರು ಮಾಂಸದ ಪೀಸ್ ಗಳನ್ನು ನೀಡಲಾಗಿತ್ತು.

ಸ್ಪರ್ಧೆಯಲ್ಲಿ 10 ಮಂದಿಯನ್ನು ಲಾಟರಿ ಚೀಟಿ ಮೂಲಕ ಆಯ್ಕೆ ಮಾಡಲಾಗಿತ್ತು. ನೋಡು ನೋಡುತ್ತಿದ್ದ ಹಾಗೇ ಸ್ಪರ್ಧಿಗಳು ಮುದ್ದೆಯನ್ನು ನಾಟಿ ಕೋಳಿಗೆ ನೆಂಚಿಕೊಂಡು ಬಾಯಿ ಚಪ್ಪರಿಸಿದರೆ, ಮಾಂಸದ ಪೀಸ್ ಗಳನ್ನು ಮಸ್ತ್ ಆಗಿ ತಿಂದಿದ್ದಾರೆ. ಮೂರು ನಿಮಿಷದಲ್ಲಿ ಶ್ರೀರಂಗಪಟ್ಟಣ ಕೌಶಿಕ್ ರಾಗಿ ಮುದ್ದೆ ನಾಟಿ ಕೋಳಿ ತಿನ್ನೋ ಮೂಲಕ ಮೊದಲ ಸ್ಥಾನ ಪಡೆದರೆ, ಮೈಸೂರಿನ ಶಿವಾನಂದ್ ಮೂರುವರೆ ನಿಮಿಷದಲ್ಲಿ ತಿನ್ನೋ ಮೂಲಕ ಎರಡನೇ ಸ್ಥಾನ ಪಡೆದರು.

ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv

Leave a Reply

Your email address will not be published. Required fields are marked *