Connect with us

Crime

ಪಬ್ ಜಿ ಹುಚ್ಚು- ಅಜ್ಜನ 2.34 ಲಕ್ಷ ಪೆನ್ಶನ್ ಹಣ ಲಪಟಾಯಿಸಿದ ಮೊಮ್ಮಗ

Published

on

– 15 ವರ್ಷದ ಬಾಲಕನಿಂದ ಅಜ್ಜನಿಗೇ ಟೋಪಿ

ನವದೆಹಲಿ: ಪಬ್ ಜಿ ಗೇಮ್‍ಗಾಗಿ ಅಪ್ರಾಪ್ತ ಬಾಲಕ ತನ್ನ ಅಜ್ಜನ 2.34 ಲಕ್ಷ ರೂ. ಪೆನ್ಶನ್ ಹಣವನ್ನೇ ಲಪಟಾಯಿಸಿರುವ ಆಘಾತಕಾರಿ ಘಟನೆ ನಡೆದಿದೆ.

ದೆಹಲಿಯ ಸೈಬರ್ ಸೆಲ್ ಪೊಲೀಸರು ಪ್ರಕರಣ ಬೇಧಿಸಿದ್ದು, ಪಬ್ ಜಿ ಫಂಡ್‍ಗಾಗಿ 15 ವರ್ಷದ ಬಾಲಕ ತನ್ನ ಅಜ್ಜನ ಪೆನ್ಶನ್ ಖಾತೆಯಿಂದ 2.34 ಲಕ್ಷ ರೂ. ಹಣವನ್ನು ಪಬ್ ಜಿ ಫಂಡ್‍ಗಾಗಿ ವರ್ಗಾಯಿಸಿಕೊಂಡಿದ್ದಾನೆ. ಅಲ್ಲದೆ ಆ ಹಣದಲ್ಲಿ ತಿಂಗಳುಗಟ್ಟಲೆ ಪಬ್‍ಜಿ ಆಡಿದ್ದಾನೆ ಎಂದು ದೆಹಲಿಯ ಸೈಬರ್ ಸೆಲ್ ಪೊಲೀಸರು ಮಾಹಿತಿ ನೀಡಿದ್ದಾರೆ.

ನಿಮ್ಮ ಖಾತೆಯಿಂದ 2,500 ರೂ. ಕಡಿತವಾಗಿದ್ದು, ನಿಮ್ಮ ಅ9ಕೌಂಟ್ ಬ್ಯಾಲೆನ್ಸ್ 275 ರೂ. ಎಂದು ಬ್ಯಾಂಕ್‍ನಿಂದ ಅಜ್ಜನಿಗೆ ಮೆಸೇಜ್ ಬಂದಿದ್ದು, ತಕ್ಷಣವೇ ಅವರಿಗೆ ಆಶ್ಚರ್ಯವಾಗಿದೆ. ಅಯ್ಯೋ ನನ್ನ ಪೆನ್ಶನ್ ಖಾತೆಯ 2.34 ಲಕ್ಷ ರೂ.ಏನಾಯಿತು ಎಂದು ಗಾಬರಿಯಾಗಿದ್ದಾರೆ. ನಂತರ ತಕ್ಷಣವೇ ಈ ಕುರಿತು ಬ್ಯಾಂಕ್‍ನಲ್ಲಿ ವಿಚಾರಿಸಿದ್ದು, 2.34 ಲಕ್ಷ ರೂ. ಹೇಗೆ ಟ್ರಾನ್ಸ್‍ಫರ್ ಆಯಿತು ಎಂದು ಪ್ರಶ್ನಿಸಿದ್ದಾರೆ. ಈ ವೇಳೆ ಪ್ರಕರಣ ಬೆಳಕಿಗೆ ಬಂದಿದೆ.

ನಂತರ ಅಜ್ಜ ಹಣ ವರ್ಗಾವಣೆಯಾಗಿರುವ ಕುರಿತು ಪೊಲೀಸರಿಗೆ ದೂರು ನೀಡಿದ್ದು, ನಾನು ಯಾವುದೇ ರೀತಿಯ ನಗದು ವಹಿವಾಟು ನಡೆಸಿಲ್ಲ. ಅಲ್ಲದೆ ಯಾವುದೇ ಒಟಿಪಿ ಸಹ ನನಗೆ ಬಂದಿಲ್ಲ ಎಂದು ತಿಳಿಸಿದ್ದಾರೆ. ಇದಕ್ಕೆ ಪೊಲೀಸರು ಉತ್ತರಿಸಿ, ಕಳೆದ ಎರಡು ತಿಂಗಳ ಅವಧಿಯಲ್ಲಿ 2,34,497 ರೂ.ಗಳನ್ನು ನಿಮ್ಮ ಬ್ಯಾಂಕ್ ಖಾತೆಯಿಂದ ವರ್ಗಾಯಿಸಲಾಗಿದೆ ಎಂದು ತಿಳಿಸಿದ್ದಾರೆ.

ಪಂಕಜ್ ಕುಮಾರ್ (23) ಹೆಸರಿನ ಪೇಟಿಎಂ ಖಾತೆಯಿಂದ ಹಣ ವರ್ಗಾವಣೆಯಾಗಿರುವ ಕುರಿತು ಪೊಲೀಸರು ಪತ್ತೆ ಹಚ್ಚಿದ್ದಾರೆ. ನಂತರ ಸೈಬರ್ ಸೆಲ್ ಪೊಲೀಸರು ಪಂಕಜ್ ಕುಮಾರ್‍ನನ್ನು ಬಂಧಿಸಿ ವಿಚಾರನೆ ನಡೆಸಿದ್ದು, ನನ್ನ ಸ್ನೇಹಿತನೊಬ್ಬ ಪೇಟಿಎಂ ಪಾಸ್‍ವರ್ಡ್ ಹಾಗೂ ಐಡಿ ನೀಡಿ ಹಣ ವರ್ಗಾವಯಿಸುವಂತೆ ತಿಳಿಸಿದ ಎಂದು ವಿಚಾರಣೆ ವೇಳೆ ಹೇಳಿದ್ದಾನೆ.

ಈ ವೇಳೆ ಅಜ್ಜನ ಮೊಮ್ಮಗನೇ ಪಬ್‍ಜಿ ಆಡಲು ಪಂಕಜ್ ಕುಮಾರ್ ಖಾತೆ ಮೂಲಕ ಗೂಗಲ್ ಪೇ ನಲ್ಲಿ ಹಣ ಪಾವತಿಸಿರುವುದನ್ನು ಪೊಲೀಸರು ಪತ್ತೆಹಚ್ಚಿದ್ದಾರೆ. ನಂತರ 15 ವರ್ಷದ ಬಾಲಕ ಪೊಲೀಸರಿಗೆ ಶರಣಾಗಿದ್ದಾನೆ. ಪಬ್ ಜಿ ಆಡಲು ಅಜ್ಜ ಪೆನ್ಶನ್ ಖಾತೆಯಿಂದ ಹಣ ವರ್ಗಾಯಿಸಿರುವುದಾಗಿ ಹೇಳಿದ್ದಾನೆ. ಅಲ್ಲದೆ ಅಜ್ಜನ ಮೊಬೈಲ್‍ಗೆ ಬಂದ ಒಟಿಪಿ ಮೆಸೇಜ್ ಗಳನ್ನು ತಾನೇ ಡಿಲೀಟ್ ಮಾಡುತ್ತಿದ್ದ ಎಂದು ಹೇಳಿದ್ದಾನೆ.

Click to comment

Leave a Reply

Your email address will not be published. Required fields are marked *