Connect with us

Bengaluru City

ನಾನೇ 13ನೇ ಆರೋಪಿ, ರಾಗಿಣಿ ಜೊತೆ ಇದ್ದವನು-ಸಿಸಿಬಿ ಕಚೇರಿಗೆ ಓಡೋಡಿ ಬಂದ ವ್ಯಕ್ತಿ

Published

on

– ಕೈಯಲ್ಲಿ ಪ್ಲಾಸ್ಕ್ ಹಿಡಿದು ಡ್ರಗ್ಸ್ ನಶೆಯಲ್ಲಿ ಬಂದ?

ಬೆಂಗಳೂರು: ಸ್ಯಾಂಡಲ್‍ವುಡ್‍ನಲ್ಲಿ ಡ್ರಗ್ ಡೀಲ್ ಪ್ರಕರಣದಲ್ಲಿ ನಾನೇ 13ನೇ ಆರೋಪಿ ಎಂದು ವ್ಯಕ್ತಿಯೊಬ್ಬ ಪೊಲೀಸ್ ಠಾಣೆಗೆ ಬಂದು ಹೈಡ್ರಾಮಾ ಮಾಡಿದ್ದಾನೆ. ಇದನ್ನೂ ಓದಿ: ಮಾಜಿ ಸಚಿವ ಜೀವರಾಜ್‌ ಆಳ್ವಾ ಪುತ್ರ ಸೇರಿದಂತೆ 12 ಮಂದಿ ವಿರುದ್ಧ ಕೇಸ್‌ – ಯಾವೆಲ್ಲ ಸೆಕ್ಷನ್‌? ಶಿಕ್ಷೆ ಏನು?

ಅನಿರುದ್ಧ್ ಎಂಬಾತ ಸಿಸಿಬಿ ಕಚೇರಿಗೆ ಏಕಾಏಕಿ ಬಂದು ಸಿಸಿಬಿ ಮುಂದೆ ಹೈಡ್ರಾಮಾ ಮಾಡಿದ್ದಾನೆ. ಡ್ರಗ್ ಡೀಲ್ ಪ್ರಕರಣದಲ್ಲಿ ನಾನೇ 13 ನೇ ಆರೋಪಿ. ಅಲ್ಲದೇ ರಾಗಿಣಿ ಜೊತೆ ನಾನೇ ಇದ್ದದ್ದು ಎಂದು ಸಿಸಿಬಿ ಕಚೇರಿಗೆ ಓಡೋಡಿ ಬಂದು ಅನಿರುದ್ಧ ಸರೆಂಡರ್ ಆಗಿದ್ದಾನೆ.

ಅನಿರುದ್ಧ್ ಹೇಳಿಕೆಯಿಂದ ಅನುಮಾನಗೊಂಡ ಪೊಲೀಸರು ತಕ್ಷಣ ಅವನನ್ನು ವಿಚಾರಣೆಗೆ ಕರೆದುಕೊಂಡು ಹೋಗಿದ್ದಾರೆ. ಸದ್ಯಕ್ಕೆ ಡ್ರಗ್ಸ್ ಪ್ರಕರಣದಲ್ಲಿ 12 ಜನರ ವಿರುದ್ಧ ಮಾತ್ರ ಎಫ್‍ಐಆರ್ ದಾಖಲಾಗಿದೆ. ಆದರೆ ನಾನೇ 13ನೇ ಆರೋಪಿ ಎಂದು ಅನಿರುದ್ಧ್ ಬಂದಿದ್ದಾನೆ. ಅನಿರುದ್ಧ ಕೆಎ 02 ಕೆಫ್ 0641 ನಂಬರಿನ ಮೊಪೆಡ್‍ನಲ್ಲಿ ಬಂದಿದ್ದಾನೆ. ಜೊತೆಯಲ್ಲಿ ಟೀ ಮಾರುವ ಫ್ಲಾಸ್ಕ್ ಕೂಡ ತಂದಿದ್ದಾನೆ. ಹೀಗಾಗಿ ವ್ಯಕ್ತಿಯ ನಡೆಯಿಂದ ಅನುಮಾನ ಮೂಡಿದೆ.

ಸಿಸಿಬಿ ಕಚೇರಿಗೆ ಓಡೋಡಿ ಬಂದ ಅನಿರುದ್ಧ್ ಜಯನಗರ ಆರ್‌ಟಿಒ ಕಚೇರಿಯ ಎಸ್‍ಡಿಎ ನೌಕರನಾಗಿ ಕೆಲಸ ಮಾಡುತ್ತಿದ್ದಾನೆ. ರಾಗಿಣಿ ಆಪ್ತ ರವಿಶಂಕರ್ ಗೆಳೆಯನೇ ಅನಿರುದ್ಧ ಆಗಿದ್ದು, ಇದೇ ಆರ್‌ಟಿಒ ಕಚೇರಿಯಲ್ಲಿ ರವಿಶಂಕರ್ ಎಸ್‍ಡಿಎ ಆಗಿದ್ದನು. ಪೊಲೀಸ್ ಕಚೇರಿಗೆ ಬಂದಿದ್ದ ಅನಿರುದ್ಧ್ ಡ್ರಗ್ಸ್ ನಶೆಯಲ್ಲಿದ್ದ ಎನ್ನಲಾಗಿದೆ.

Click to comment

Leave a Reply

Your email address will not be published. Required fields are marked *