Connect with us

International

ವಿಕಲಚೇತನ ಸಹೋದರಿಗೆ ಸಹಾಯ- ವಿಡಿಯೋ ನೋಡಿದ ನೆಟ್ಟಿಗರು ಫುಲ್ ಫಿದಾ

Published

on

ವಾಷಿಂಗ್ಟನ್: ಬಾಸ್ಕೆಟ್‍ಗೆ ಬಾಲ್ ಹಾಕಲು ಸಹೋದರನೊಬ್ಬ ತನ್ನ ತಂಗಿಗೆ ಸಹಾಯ ಮಾಡಿದ ವಿಡಿಯೋ ಒಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು, ನೆಟ್ಟಿಗರು ಬಾಲಕನ ಕೆಲಸಕ್ಕೆ ಭಾರೀ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

ಅಮೆರಿಕದ ಬ್ಯಾಸ್ಕೆಟ್‍ ಬಾಲ್ ಆಟಗಾರ ರೆಕ್ಸ್ ಚಾಪ್ಮನ್ ಈ ವೀಡಿಯೊವನ್ನು ಟ್ವೀಟ್ ಮಾಡಿ, “ಈ ಸಹೋದರ ತನ್ನ ಸಹೋದರಿಗೆ ಬಾಸ್ಕೆಟ್‍ಗೆ ಬಾಲ್ ಹಾಕಲು ಸಹಾಯ ಮಾಡಿದ್ದಾರೆ” ಎಂದು ಬರೆದುಕೊಂಡಿದ್ದಾರೆ.  ಇದನ್ನೂ ಓದಿ: ಅಂಗವಿಕಲ ಪೋರನ ಪ್ರತಿಭೆಗೆ ವಿವಿಎಸ್ ಲಕ್ಷ್ಮಣ್ ಸೆಲ್ಯೂಟ್

14 ಸೆಕೆಂಡುಗಳ ವಿಡಿಯೋದಲ್ಲಿ ಬಾಲಕ ಬಾಸ್ಕೆಟ್ ಪೋಲ್ ಹಿಡಿದು ಕೆಳಗೆ ಬಾಗಿಸುತ್ತಾನೆ. ಈ ಮೂಲಕ ವಿಕಲಚೇತನ ಸಹೋದರಿ ಬಾಸ್ಕೆಟ್‍ನಲ್ಲಿ ಬಾಲ್ ಹಾಕಲು ಶ್ರಮಿಸುತ್ತಾರೆ. ಸಹೋದರಿ ಬಾಸ್ಕೆಟ್‍ನಲ್ಲಿ ಬಾಲ್ ಹಾಕಿದಾಗ ಬಾಲಕ ಸಂಭ್ರಮ ಮುಗಿಲು ಮುಟ್ಟಿತ್ತು.

ರೆಕ್ಸ್ ಚಾಪ್ಮನ್ ಅವರು ಟ್ವೀಟ್ ಮಾಡಿದ ವಿಡಿಯೋ ಕೆಲವೇ ಕ್ಷಣದಲ್ಲಿ ವೈರಲ್ ಆಗಿದೆ. ಈ ವಿಡಿಯೋವನ್ನ 3.5 ಮಿಲಿಯನ್ ನೆಟ್ಟಿಗರು ವೀಕ್ಷಿಸಿದ್ದು, 43 ಸಾವಿರಕ್ಕೂ ಹೆಚ್ಚು ಜನರು ರಿಟ್ವೀಟ್ ಮಾಡಿದ್ದಾರೆ. ಕೆಲವರು ತಮ್ಮದೆ ರೀತಿಯಲ್ಲಿ ಪ್ರತಿಕ್ರಿಯೆ ನೀಡಿದ್ದಾರೆ.

ಅಂತರ್ಜಾಲದಲ್ಲಿ ಇದು ಇಂದಿನ ಅತ್ಯಂತ ಸುಂದರವಾದ ವಿಷಯ. ಇಂತಹ ಸಹೋದರ ಸಿಗಲು ಪುಣ್ಯ ಮಾಡಿರಬೇಕು. ಈ ದೃಶ್ಯ ಮನಸ್ಸಿಗೆ ತುಂಬಾ ಹತ್ತಿರವಾಗಿದೆ ಎಂದು ನೆಟ್ಟಿಗರೊಬ್ಬರು ಪ್ರತಿಕ್ರಿಯಿಸಿದ್ದಾರೆ. ಇನ್ನೂ ಕೆಲ ನೆಟ್ಟಿಗರು ಹೃದಯಸ್ಪರ್ಶಿ ವಿಡಿಯೋಗಳನ್ನು ರಿಟ್ವೀಟ್ ಮಾಡಿದ್ದಾರೆ.