Sunday, 19th August 2018

Recent News

ರಂಜಾನ್ ಸ್ಪೆಷಲ್ – ಬ್ರೆಡ್ ಚಿಕನ್ ರೋಲ್ ಮಾಡೋದು ಹೇಗೆ?

ಇದೇ ತಿಂಗಳು ರಂಜಾನ್ ಹಬ್ಬವಿದೆ. ಪ್ರತಿ ವರ್ಷ ರಂಜಾನ್ ಗೆ ಚಿಕನ್, ಬಿರಿಯಾನಿ, ಕಬಾಬ್, ಚಿಕನ್ ಫ್ರೈ ಮಾಡುತ್ತಾರೆ. ಪ್ರತಿವರ್ಷ ಒಂದೇ ತರಹದ ಅಡುಗೆ ಮಾಡಿ ನಿಮಗೂ ಬೇಸರವಾಗಿರಬಹುದು. ಹೀಗಾಗಿ ಈ ವರ್ಷ ರಂಜಾನ್ ಸ್ಪೆಷಲ್ ಅಡುಗೆ ಬ್ರೆಡ್ ಚಿಕನ್ ರೋಲ್ ಮಾಡುವ ವಿಧಾನ ಇಲ್ಲಿದೆ.

ಬೇಕಾಗುವ ಸಾಮಗ್ರಿಗಳು
1. ಬೋನ್ ಲೆಸ್ ಚಿಕನ್ – 300 ಗ್ರಾಂ
2. ಮೊಸರು – ಅರ್ಧ ಕಪ್
3. ಬೆಳ್ಳುಳ್ಳಿ ಪೇಸ್ಟ್ – 1 ಚಮಚ
4. ಕೆಂಪು ಮೆಣಸಿನಕಾಯಿ ತರಿ – 1 ಚಮಚ
5. ತಂದೂರಿ ಮಸಾಲ ಪುಡಿ – 1 ಚಮಚ
6. ಹಾಲಿನ ಗಟ್ಟಿ ಕೆನೆ
7. ಎಣ್ಣೆ – ಕರಿಯಲು
8. ಉಪ್ಪು – ರುಚಿಗೆ ತಕ್ಕಷ್ಟು
9. ಬ್ರೆಡ್ ಸ್ಲೈಸ್ – ಬೇಕಾದಷ್ಟು
10. ಮೊಟ್ಟೆ – 2
11. ಬ್ರೆಡ್ ಕ್ರಮ್ಸ್ – ಅರ್ಧ ಕಪ್

ಮಾಡುವ ವಿಧಾನ
* ಸಣ್ಣಗೆ ಕತ್ತರಿಸಿದ ಅಥವಾ ಕ್ಯೂಬ್ ಆಕಾರದಲ್ಲಿ ಕತ್ತರಿಸಿದ ಬೋನ್‍ಲೆಸ್ ಚಿಕನ್, ಮೊಸರು, ಬೆಳ್ಳುಳ್ಳಿ ಪೇಸ್ಟ್, ಉಪ್ಪು, ಕೆಂಪು ಮೆಣಸಿನಕಾಯಿ ತರಿ, ತಂದೂರಿ ಮಸಾಲಾ ಪುಡಿ ಎಲ್ಲವನ್ನು ಸೇರಿಸಿ ಕಲಸಿರಿ.
* ಕಲಸಿದ ಚಿಕನ್ ಮಸಾಲಾವನ್ನು 30 ನಿಮಿಷಗಳ ಕಾಲ ಮ್ಯಾರಿನೇಟ್ ಮಾಡಲು ಫೀಸರ್‍ನಲ್ಲಿಡಿ.
* ನಂತರ 1 ಪ್ಯಾನ್ ಗೆ 2 ಚಮಚ ಎಣ್ಣೆ ಹಾಕಿ ಮ್ಯಾರಿನೇಟ್ ಆದ ಚಿಕನ್ ಹಾಕಿ ಫ್ರೈ ಮಾಡಿ.
* ಬಳಿಕ ಬ್ರೆಡ್ ಸ್ಲೈಸ್ ನ ಅಂಚು ಕತ್ತರಿಸಿ ಸ್ವಲ್ಪ ಗಟ್ಟಿ ಕೆನೆಯನ್ನು ಸವರಿ ಫ್ರೈ ಮಾಡಿದ ಚಿಕನ್ ಫಿಲ್ ಮಾಡಿ ರೋಲ್ ಮಾಡಿ.
* 2 ಮೊಟ್ಟೆ ಒಡೆದು ಬೀಟ್ ಮಾಡಿ ಅದರಲ್ಲಿ ರೋಲ್ ಡಿಪ್ ಮಾಡಿ.
* ಬ್ರೆಡ್ ಕ್ರಮ್ಸ್ ನಲ್ಲಿ ಹೊರಳಿಸಿ ಕಾದ ಎಣ್ಣೆಯಲ್ಲಿ ಡೀಪ್ ಫ್ರೈ ಮಾಡಿ.
* ಸಾಸ್ ಅಥವಾ ಗ್ರೀನ್ ಚಟ್ನಿಯೊಂದಿಗೆ ಬ್ರೆಡ್ ಚಿಕನ್ ರೋಲ್ ಸವಿಯಿರಿ.

Leave a Reply

Your email address will not be published. Required fields are marked *