Connect with us

Bollywood

ಕಂಗನಾ ಮನೆಯ ಸುತ್ತಮುತ್ತ ಗುಂಡಿನ ಸದ್ದು

Published

on

-ನಾನು ಹೆದರಲ್ಲ ಎಂದ ಕಂಗನಾ

ಶಿಮ್ಲಾ: ಬಾಲಿವುಡ್ ಕ್ವೀನ್ ಕಂಗನಾ ರಣಾವತ್ ಮನೆಯ ಬಳಿ ಶುಕ್ರವಾರ ರಾತ್ರಿ ಗುಂಡಿನ ಸದ್ದು ಕೇಳಿದ್ದು, ಈ ಸಂಬಂಧ ಮನಾಲಿಯ ಸ್ಥಳೀಯ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಲಾಗಿದೆ. ಕಂಗನಾ ಆಪ್ತರು ದೂರು ದಾಖಲಿಸುತ್ತಿದ್ದಂತೆ ಪೊಲೀಸರು ಸ್ಥಳಕ್ಕಾಗಮಿಸಿ ಪರಿಶೀಲನೆ ನಡೆಸಿದ್ದು, ಯಾವುದೇ ಸುಳಿತು ದೊರೆತಿಲ್ಲ. ಸುಶಾಂತ್ ಪ್ರಕರಣಕ್ಕೆ ಸಂಬಂಧಿಸಿದಂತೆ ತಮ್ಮನ್ನು ಬೆದರಿಸಲು ಕಿಡಿಗೇಡಿಗಳು ಈ ರೀತಿ ಮಾಡಿದ್ದಾರೆ ಎಂದು ಕಂಗನಾ ಆರೋಪಿಸಿದ್ದಾರೆ.

ರಾತ್ರಿ ಸುಮಾರು 11.30ಕ್ಕೆ ಬೆಡ್ ರೂಮಿನಲ್ಲಿದ್ದಾಗ ಪಟಾಕಿ ಸಿಡಿಸಿದ ಹಾಗೆ ಸದ್ದು ಕೇಳಿಸಿತು. ಮೊದಲಿಗೆ ಪಟಾಕಿ ಎಂದು ಸುಮ್ಮನಾದೆ. ಎರಡನೇ ಬಾರಿ ಸದ್ದು ಕೇಳಿದಾಗ ಇದು ಗುಂಡಿನ ಶಬ್ಧ ಎಂದು ಖಚಿತವಾಯ್ತು. ಆದರೆ ಮನಾಲಿಗೆ ಪ್ರವಾಸಿಗರು ಭೇಟಿ ನೀಡುತ್ತಿಲ್ಲ. ಹಾಗಾಗಿ ಈ ಶಬ್ಧ ಏನು ಅಂತ ತಿಳಿದುಕೊಳ್ಳಲು ಮನೆಯ ಸೆಕ್ಯೂರಿಟಿಯನ್ನ ಕೇಳಿದ್ರೆ ಬಹುಶಃ ಗುಂಡಿನ ಸದ್ದು ಇರಬಹುದು ಎಂದು ಹೇಳಿದೆ. ಸೆಕ್ಯೂರಿಗೆ ಇದುವರೆಗೂ ಗುಂಡಿನ ಸದ್ದು ಕೇಳಿಲ್ಲ. ಸೇಬು ತೋಟದ ಮಾಲೀಕರು ಪ್ರಾಣಿಗಳನ್ನು ಓಡಿಸಲು ಕೆಲವೊಮ್ಮೆ ಗುಂಡು ಚಲಾಯಿಸುತ್ತಾರೆ. ಬೆಳಗ್ಗೆ ಅವರನ್ನು ಕೇಳಿದಾಗ ತಾವು ಗುಂಡು ಹಾರಿಸಿಲ್ಲ ಎಂದರು. ಎಂಟು ಸೆಕೆಂಡ್ ಅಂತರದಲ್ಲಿ ಮನೆಯ ಬಳಿ ಎರಡು ಗುಂಡು ಹಾರಿಸಲಾಗಿದೆ ಎಂದು ಕಂಗನಾ ರಣಾವತ್ ಹೇಳಿಕೆ ದಾಖಲಿಸಿದ್ದಾರೆ.

ದೇಶದಲ್ಲಿ ಗುಂಡಾ ವರ್ತನೆ ಬಹಿರಂಗವಾಗಿ ನಡೆಯುತ್ತಿದೆ. ಇಂತಹ ಧಮ್ಕಿಗಳಿಂದ ನಾನು ಪ್ರಶ್ನೆ ಮಾಡೋದನ್ನ ನಿಲ್ಲಿಸಲ್ಲ. ಕೆಲವರು ಸ್ಥಳೀಯರನ್ನ ಬಳಸಿಕೊಂಡು ಕೆಲಸ ಮಾಡಿರುವ ಸಾಧ್ಯತೆಗಳಿವೆ. ಸುಶಾಂತ್ ಸಹ ಇಂತಹ ಬೆದರಿಕೆಗಳಿಂದಲೇ ಇಂದು ನಮ್ಮೊಂದಿಗೆ ಇಲ್ಲ. ನನ್ನ ಹೆಜ್ಜೆಯನ್ನು ಹಿಂದೆ ತೆಗೆದುಕೊಳ್ಳುವದಿಲ್ಲ ಎಂದು ಕಂಗನಾ ಕಿಡಿಕಾರಿದ್ದಾರೆ.

Click to comment

Leave a Reply

Your email address will not be published. Required fields are marked *