Connect with us

Bollywood

12 ವರ್ಷದ ಸಮಸ್ಯೆಯನ್ನ 11 ಗಂಟೆಯಲ್ಲಿ ಪರಿಹರಿಸಿದ ಸೋನು ಸೂದ್

Published

on

ಮುಂಬೈ: ಬಾಲಿವುಡ್ ನಟ ಸೋನು ಸೂದ್ ಅಭಿಮಾನಿಯ 12 ವರ್ಷದ ಸಮಸ್ಯೆಗೆ ಕೇವಲ 11 ಗಂಟೆಯಲ್ಲಿ ಪರಿಹಾರ ಒದಗಿಸಿದ್ದಾರೆ.

ಸೋನು ಸೂದ್ ಕೇವಲ ಓರ್ವ ಕಲಾವಿದನಾಗಿ ಇಂದು ಗುರುತಿಸಿಕೊಂಡಿಲ್ಲ. ಕತ್ತಲೆಯಲ್ಲಿ ಜೀವನ ನೀಡುತ್ತಿದ್ದ ಅದೆಷ್ಟೋ ಜನರಿಗೆ ಬೆಳಕು ನೀಡಿದ್ದಾರೆ. ಅದರಂತೆ ಲಾಕ್‍ಡೌನ್ ವೇಳೆ ಕೆಲಸವೂ ಇಲ್ಲದೇ ಊರಿಗೆ ಹೋಗಲಾರದೇ ರಸ್ತೆಯಲ್ಲಿ ನಿಂತು ಕಣ್ಣೀರು ಹಾಕುತ್ತಿದ್ದ ಜನರಿಗೆ ಶ್ರವಣಕುಮಾರ್ ಆಗಿದ್ದು ಇದೇ ಸೋನು ಸೂದ್. ಸೋಶಿಯಲ್ ಮೀಡಿಯಾದಲ್ಲಿ ಸದಾ ಸಕ್ರಿಯರಾಗಿರುವ ಸೋನು ಸೂದ್ ಅಭಿಮಾನಿಯ 12 ವರ್ಷದ ಸಮಸ್ಯೆಗೆ ಪರಿಹಾರ ನೀಡಿದ್ದಾರೆ.

ಸೋನು ಸೂದ್ ಅಭಿಮಾನಿ ಅಮನ್‍ಜಿತ್ ನರ ದೌರ್ಬಲ್ಯದಿಂದಾಗಿ ಮಾತನಾಡಲು ಸಾಧ್ಯವಾಗದ ಸ್ಥಿತಿ ತಲುಪಿದ್ದರು. ವಿಷಯ ತಿಳಿದ ಸೋನು ಸೂದ್, ನಿಮ್ಮ 12 ವರ್ಷದ ಕಷ್ಟ ದೂರವಾಯ್ತು ಎಂದು ತಿಳಿದುಕೊಳ್ಳಿ. ನೀವು ಚಿಕಿತ್ಸೆಗಾಗಿನವೆಂಬರ್ 20ರಂದು ಪ್ರಯಾಣಿಸುತ್ತಿದ್ದೀರಿ. ನವೆಂಬರ್ 24ರಂದು ನಿಮ್ಮ ಶಸ್ತ್ರಚಿಕಿತ್ಸೆ ನಡೆಸಯಲಿದೆ ಎಂದು ಮಾಹಿತಿ ನೀಡಿದ್ದರು.

ಶಸ್ತ್ರಚಿಕಿತ್ಸೆ ಬಳಿಕ ಟ್ವೀಟ್ ಮಾಡಿರುವ ವೈದ್ಯ ಅಶ್ವನಿಕುಮಾರ್, ಅಮನ್‍ಜಿತ್ ಗುಣಮುಖರಾಗುತ್ತಿದ್ದಾರೆ. 11 ಗಂಟೆಯ ದೀರ್ಘ ಶಸ್ತ್ರ ಚಿಕಿತ್ಸೆಯಿಂದಾಗಿ ಅಮನ್‍ಜಿತ್ ಆರೋಗ್ಯದಲ್ಲಿ ಚೇತರಿಕೆ ಕಂಡಿದೆ. ನಿಮ್ಮ ಕಾಳಜಿ ಮತ್ತು ಪ್ರೀತಿಗೆ ಧನ್ಯವಾದಗಳು ಎಂದು ಬರೆದು ಸೋನು ಸೂದ್ ಅವರಿಗೆ ಟ್ಯಾಗ್ ಮಾಡಿದ್ದರು. ವೈದ್ಯರ ಟ್ವೀಟ್ ಗೆ ಪ್ರತಿಕ್ರಿಯಿಸಿರುವ ಸೋನು ಸೂದ್, ಇದು ಇವತ್ತಿನ ಶುಭ ಸುದ್ದಿ. 12 ವರ್ಷದ ಸಮಸ್ಯೆ 11 ಗಂಟೆಯಲ್ಲಿ ಪರಿಹಾರವಾಗಿದೆ ಎಂದು ವೈದ್ಯರಿಗೆ ಧನ್ಯವಾದ ತಿಳಿಸಿದ್ದಾರೆ.

Click to comment

Leave a Reply

Your email address will not be published. Required fields are marked *

www.publictv.in