Connect with us

Bollywood

ಆರ್ ಜೆ ಕಪಾಳಕ್ಕೆ ಬಾರಿಸಿದ ನಟ ಅರ್ಜುನ್ ಕಪೂರ್

Published

on

-ಆರ್ ಜೆ ಪ್ರಶ್ನೆಗೆ ನಿಗಿ ನಿಗಿ ಕೆಂಡವಾದ ನಟ

ಮುಂಬೈ: ಬಾಲಿವುಡ್ ನಟ ಅರ್ಜುನ್ ಕಪೂರ್ ಆರ್ ಜೆ ಕಪಾಳಕ್ಕೆ ಹೊಡೆದಿರುವ ಹಳೆಯ ವಿಡಿಯೋ ವೈರಲ್ ಆಗಿದ್ದು, ಸೋಶಿಯಲ್ ಮೀಡಿಯಾದಲ್ಲಿ ಚರ್ಚೆಗೆ ಗ್ರಾಸವಾಗಿದೆ.

ಆರ್ ಜೆ ಕೇಳಿದ ಪ್ರಶ್ನೆಗೆ ಕೋಪಗೊಂಡ ಅರ್ಜುನ್ ಕಪೂರ್ ಕಪಾಳಕ್ಕೆ ಬಾರಿಸುತ್ತಾರೆ. ಏನಿದು ಪ್ರಶ್ನೆ, ಕ್ಯಾಮೆರಾ ಬಂದ್ ಮಾಡಿ ಎಂದು ಕೂಗ್ತಾರೆ. ಹೊರ ಹೋಗುವಾಗ ಕ್ಯಾಮೆರಾ ಸಹ ಬೀಳಿಸಿದ್ದಾರೆ. ಮಾರುಕಟ್ಟೆಯಲ್ಲಿ ನಿಮ್ಮ ಕ್ಯಾರೆಕ್ಟರ್ ಮಾರಾಟ ಆಗ್ತಿಲ್ಲವಾ? ಅದಕ್ಕೆ ಹುಡುಗಿಯರ ಕ್ಯಾರೆಕ್ಟರ್ ಮಾಡ್ತಿದ್ದೀರಾ ಎಂದು ಆರ್ ಜೆ ಪ್ರಶ್ನೆ ಮಾಡಿದ್ದಾರೆ. ಕ್ಯಾಮೆರಾಗಳ ಮುಂದೆ ನಿಂತಿದ್ದರೂ ಅರ್ಜುನ್ ಆರ್‍ಜೆ ಮೇಲೆ ಹಲ್ಲೆ ನಡೆಸಿದ್ದಾರೆ.

ಪ್ರಶ್ನೆ ಸರಿ ಇಲ್ಲದಿದ್ರೆ ಸಂದರ್ಶನದಿಂದ ಹೊರ ಬರಬಹುದಿತ್ತು. ಹೀಗೆ ಹಲ್ಲೆ ನಡೆಸೋದು ಎಷ್ಟು ಸರಿ ಎಂದು ಕೆಲ ನೆಟ್ಟಿಗರು ಪ್ರಶ್ನೆ ಮಾಡಿದ್ದಾರೆ. ಮತ್ತೊಂದು ಕಡೆ ಅರ್ಜುನ್ ಕೆಲ ಅಭಿಮಾನಿಗಳು, ನಟನ ವರ್ತನೆಯನ್ನು ಸಮರ್ಥಿಸಿಕೊಂಡಿದ್ದಾರೆ. ಮತ್ತೆ ಕೆಲವರು ಇದು ಸ್ಕ್ರಿಪ್ಟೆಡ್ ಡ್ರಾಮಾ ಅಂತ ಬರೆದು ಇಲ್ಲಿಯೂ ಸಹ ಅರ್ಜುನ್ ನಟನೆ ಸರಿ ಮಾಡಿಲ್ಲ ಎಂದು ಕಮೆಂಟ್ ಮಾಡಿದ್ದಾರೆ. ಇನ್‍ಬಾಲಿವುಡ್ ಪೇಜ್ ನಲ್ಲಿ ವಿಡಿಯೋ ಅಪ್ಲೋಡ್ ಮಾಡಲಾಗಿದ್ದು, ಎರಡು ಗಂಟೆಯಲ್ಲಿ 10 ಸಾವಿರಕ್ಕೂ ಅಧಿಕ ವ್ಯೂವ್ ಪಡೆದುಕೊಂಡಿದೆ.

View this post on Instagram

😜👋

A post shared by Bollywood 1M💙 (@lnbollywood) on

Click to comment

Leave a Reply

Your email address will not be published. Required fields are marked *