Connect with us

Bengaluru City

ಗೇಮ್ ಲೆಕ್ಕಾಚಾರ ಅರ್ಥಮಾಡಿಕೊಳ್ಳೋದ್ರಲ್ಲಿ ಶುಭಾ ಪೂಂಜಾ ಪಂಟ್ರಾ?

Published

on

ಬಿಗ್‍ಬಾಸ್ ರಿಯಾಲಿಟಿ ಶೋನಲ್ಲಿ ಸದಾ ಲವಲವಿಕೆಯಿಂದ ಮನೆಯಲ್ಲಿ ಇರುವ ಸ್ಪರ್ಧಿ ಎಂದರೆ ಶುಭಾ ಪೂಂಜಾ. ಟಾಸ್ಕ್‌ನಲ್ಲಿ  ಕೆಲವು ಬಾರಿ ಹಿನ್ನಡೆ ಸಾಧಿಸಿದರು. ಮನೆಯ ಎಲ್ಲಾ ಸದಸ್ಯರಿಗೂ ಹಾಗೂ ವೀಕ್ಷಕರಿಗೂ ಮನರಂಜನೆ ನೀಡುವುದರಲ್ಲಿ ಒಂದು ಹೆಜ್ಜೆ ಮುಂದೆಯೇ ಇದ್ದಾರೆ.

ನಿನ್ನೆ ವಾರದ ಕಥೆ ಕಿಚ್ಚನ ಜೊತೆ ಸಂಚಿಕೆಯಲ್ಲಿ ಕಿಚ್ಚ ಸುದೀಪ್, ಗೇಮ್‍ನ ಲೆಕ್ಕಾಚಾರ ಅರ್ಥಮಾಡಿಕೊಳ್ಳುವುದರಲ್ಲಿ ಶುಭಾ ಪೂಂಜಾ ಎತ್ತಿದ ಕೈ, ಹೀಗಂತಾ ನಿಧಿ ಹಾಗೂ ದಿವ್ಯಾ ಸುರೇಶ್ ಅಂದುಕೊಂಡಿದ್ದಾರೆ. ಅಂದರೆ ಲೆಕ್ಕಾಚಾರ ಹೇಳಬೇಕಾದ್ರೂ ನಿಮ್ಮ ಎಕ್ಸ್‍ಪ್ರೆಷನ್ ಒನ್ ಮಿಲಿಯನ್ ಡಾಲರ್ ವರ್ಥ್. ನನಗೆ ಗೊತ್ತಿತ್ತು, ನಾನು ಹೇಳಿದ್ದೆ ಎನ್ನುತ್ತೀರಾ. ಆಗ ಇನ್ನೊಬ್ಬರು ಇದು ನಿಮಗೆ ಗೊತ್ತಿತ್ತಾ? ಇದೆಲ್ಲಾ ನಡೆತಿದ್ಯಾ ಎಂದಾಗ, ಹೌದು ಎಂದು ತಲೆ ಅಲ್ಲಡಿಸುತ್ತೀರಾ. ಇದಾದ ಬಳಿಕ ನಾವೆಲ್ಲರೂ ಬಿಗ್‍ಬಾಸ್ ಜೊತೆ ಕುಳಿತುಕೊಂಡು ನಾವು ಕರೆಕ್ಟ್ ಹಾ ಅಥವಾ ಅವರಾ ಅಂತಾ ಚರ್ಚೆ ಮಾಡಿದ್ದೇವೆ ಎಂದು ಹಾಸ್ಯ ಮಾಡುತ್ತಾ ಕಿಚ್ಚ ಶುಭ ಕಾಲೆಳೆಯುತ್ತಾರೆ.

ಪ್ರತಿ ಸೀಸನ್‍ನಲ್ಲಿ ಈ ರೀತಿ ಯಾರಾದರೂ ಒಬ್ಬರು ಸಿಗುತ್ತಾರೆ ಅವರನ್ನು ನಾವು ಅನಾಲಿಸಿಸ್ಟ್ ಎಂದು ಕರೆಯುತ್ತೇವೆ. ನೀವು ದಿವ್ಯಾ ಸುರೇಶ್, ನಿಧಿ ಕುಳಿತುಕೊಂಡು ಮಾತನಾಡುತ್ತಿರುತ್ತೀರಾ. ಇಬ್ಬರು ಮಹಿಳಾ ಕಂಟೆಸ್ಟೆಂಟ್ ಬಂದಿದ್ದಾರೆ ಎಂದರೆ ಈ ವಾರ ಮನೆಯಿಂದ ಹುಡುಗಿಯೇ ಹೊರಹೋಗುವುದು ಎಂದು ಹೇಳುತ್ತೀರಾ, ಈ ವೇಳೆ ಇದು ನಿಮಗೆ ಗೊತ್ತಾ? ಅಂದಾಗ, ಹೌದು ಎಂದು ತಲೆ ಅಲ್ಲಡಿಸುತ್ತೀರಾ.

ಸೋ ಈ ವಾರ ಯಾರು ಹೋಗುತ್ತಾರೆ ಎಂದು ಕಿಚ್ಚ ಶುಭಾರನ್ನು ಕೇಳುತ್ತಾರೆ. ಆಗ ಅದು ಹಾಗಲ್ಲ ಸರ್ ಎಂದು ಮುಖ ಮಚ್ಚಿಕೊಂಡು ನಗುತ್ತಾ ಶುಭ ಹೇಳುತ್ತಾರೆ. ಇಲ್ಲ ಇಲ್ಲ ಇಬ್ಬರು ಭಕ್ತಾದಿಗಳು ನಿಮ್ಮ ಮಾತನ್ನು ಕೇಳಿ ಆಶ್ರಮ ಕಟ್ಟಿಕೊಂಡಿದ್ದಾರೆ. ಈಗ ಆ ಫೌಂಡೆಷನ್‍ನನ್ನು ಅಲ್ಲಾಡಿಸಬೇಡಿ ಎಂದು ಕಿಚ್ಚ ವ್ಯಂಗ್ಯ ಮಾಡುತ್ತಾರೆ.

ಆಗ ಶುಭ ಯಾರು ಹೋಗುತ್ತಾರೆ ಎಂದು ನನಗೆ ಗೊತ್ತಿಲ್ಲ. ಹಾಗೇ ಅನಿಸಿತು, ನಮಗೆಲ್ಲಾ ಅಳು ಬಂತು ಎಂದು ಹೇಳುತ್ತಾರೆ. ನಂತರ ಕಿಚ್ಚ ಶಂಕರ್‍ರವರು ಹೋಗಿದ್ದಕ್ಕೆ ಮತ್ತೋರ್ವ ಗಂಡಸರು ಬಂದರು. ಇದೀಗ ಇಬ್ಬರು ಹುಡುಗಿಯರು ಬಂದಿದ್ದಾರೆ. ಹಾಗಾಗಿ ಒಬ್ಬ ಹುಡುಗಿ ಹೋಗುತ್ತಾರೆ ಎಂಬ ಶುಭಾ ಲೆಕ್ಕಾಚಾರವನ್ನು ನೀವು ಸಿರಿಯಸ್ ಆಗಿ ತೆಗೆದುಕೊಂಡ್ರಾ ಎಂದು ನಿಧಿಗೆ ಕಿಚ್ಚ ಕೇಳುತ್ತಾರೆ.

ಆಗ ನಿಧಿ ನಾನು ಆ ವೇಳೆ ಅತ್ತುಬಿಟ್ಟೆ ಯಾಕೆಂದರೆ ಒಂದು ವೇಳೆ ನಾನು ಎಲಿಮಿನೇಟ್ ಆದರೆ ಎಲ್ಲರನ್ನು ಮಿಸ್ ಮಾಡಿಕೊಳ್ಳುತ್ತೇನೆ ಎಂದರು.

Click to comment

Leave a Reply

Your email address will not be published. Required fields are marked *