Connect with us

Bengaluru City

ಎಕೋ ವಾಯ್ಸ್ ಮೂಲಕ ವೈಷ್ಣವಿ ಬಗ್ಗೆ ಶಮಂತ್ ಹೇಳಿದ್ದೇನು?

Published

on

ಬಿಗ್‍ಬಾಸ್ ಕಾರ್ಯಕ್ರಮಕ್ಕೆ ಎಂಟ್ರಿ ಕೊಟ್ಟ ಟ್ಯಾಲೆಂಟೆಡ್ ವ್ಯಕ್ತಿಗಳಲ್ಲಿ ಬ್ರೋ ಗೌಡ ಶಮಂತ್ ಕೂಡ ಒಬ್ಬರು. ದೊಡ್ಮನೆಯಲ್ಲಿ ಹೊಸ ಅಲೆಯನ್ನು ಎಬ್ಬಿಸುತ್ತಾರೆ ಎಂದು ಕಾಯುತ್ತಿದ್ದ ಅಭಿಮಾನಿಗಳಿಗೆ ನಿರಾಸೆ ಮೂಡಿಸಿದ್ದರೂ ತಮ್ಮ ಪ್ರತಿಭೆ ಮೂಲಕ ಅಭಿಮಾನಿಗಳನ್ನು ರಂಜಿಸುತ್ತಲೇ ಬರುತ್ತಿದ್ದಾರೆ.

ಇತ್ತೀಚೆಗೆ ಮನೆಯಲ್ಲಿ ಎಕೋ ವಾಯ್ಸ್ ಪ್ರದರ್ಶನ ನೀಡಿದ್ದ ಶಮಂತ್. ಇದೀಗ ಬಿಗ್‍ಬಾಸ್ ಮನೆಯಲ್ಲಿ ಎಲ್ಲರ ಗಮನವನ್ನು ತಮ್ಮತ್ತ ಸೆಳೆದುಕೊಳ್ಳುತ್ತಿದ್ದಾರೆ. ಅಲ್ಲದೆ ಕಳೆದ ವಾರ, ವಾರದ ಕಥೆ ಕಿಚ್ಚನ ಜೊತೆ ಸಂಚಿಕೆಯಲ್ಲಿ ಕೂಡ ಕಿಚ್ಚ ಸುದೀಪ್ ಶಮಂತ್ ಗೌಡಗೆ ಎಕೋ ವಾಯ್ಸ್ ಪ್ರದರ್ಶಿಸುವಂತೆ ಕೇಳಿದ್ದರು. ಈ ವೇಳೆ ಕಿಚ್ಚನ ಎದುರಿಗೆ ಎಕೋ ವಾಯ್ಸ್ ತರಹ ಮಾತನಾಡಿದ ಶಮಂತ್ ಟ್ಯಾಲೆಂಟ್ ಕಂಡು ಕಿಚ್ಚ ಚಪ್ಪಾಳೆ ತಟ್ಟಿ, ಮೆಚ್ಚುಗೆ ವ್ಯಕ್ತಪಡಿಸಿದ್ದರು.

ಸದ್ಯ ಬಿಗ್‍ಬಾಸ್ ನೀಡಿರುವ ಗಡಿಗೋಪುರ ಟಾಸ್ಕ್‍ನಲ್ಲಿ ಗೆಲ್ಲಲು ಮನೆಮಂದಿ ಹರಸಾಹಸ ಪಡುತ್ತಿದ್ದಾರೆ. ಈ ಮಧ್ಯೆ ಅನುಬಂಧ ತಂಡದ ದಿವ್ಯಾ ಸುರೇಶ್ ಹಾಗೂ ಜಾತ್ರೆ ಗ್ಯಾಂಗ್‍ನ ವೈಷ್ಣವಿ ಗೌಡ ಸ್ವಿಮ್ಮಿಂಗ್ ಪೂಲ್‍ನ ಮಧ್ಯೆ ಕುರ್ಚಿ ಮೇಲೆ ನಿಂತು ನೀನಾ ನಾನಾ ಎಂದು ಗೆಲ್ಲಲೇಬೇಕೆಂದು ಪಣತೊಟ್ಟು ಮಧ್ಯರಾತ್ರಿಯೆಲ್ಲ ನಿಂತಿದ್ದರು. ಈ ವೇಳೆ ಇಬ್ಬರು ಸ್ಪರ್ಧಿಗಳಿಗೂ ಶಮಂತ್ ತಮ್ಮ ಎಕೋ ವಾಯ್ಸ್‍ನಲ್ಲಿ ಕಮೆಂಟ್ ಕೊಡುವ ಮೂಲಕ ಪ್ರೋತ್ಸಾಹ ನೀಡಿದ್ದಾರೆ.

“ವೈಷ್ಣವಿ ಹಾಗೂ ದಿವ್ಯಾ, ನೀರಿನ ಮಧ್ಯದಲ್ಲಿ ಒಂದು ಫ್ಲಾಟ್‍ಫಾರ್ಮ್ ಮೇಲೆ ಕುಳಿತುಕೊಂಡು, ತಮ್ಮ ಶಕ್ತಿ ಯುಕ್ತಿ ಪ್ರದರ್ಶನವನ್ನು ಮಾಡುತ್ತಿದ್ದಾರೆ. ಮಧ್ಯರಾತ್ರಿಯಾಗಲಿ ಬೆಳಗ್ಗೆಯಾಗಲಿ, ಅವರು ನಿಂತೇ ನಿಲ್ತೀವಿ, ಗೆದ್ದೆ ಗೆಲ್ತೀವಿ ಎಂದು ಹಠ ಹಿಡಿದಿದ್ದಾರೆ” ಎಂದು ಹೇಳುವಾಗ, ವೈಷ್ಣವಿ ಬ್ರೋ ಗೌಡ ಕಮೆಂಟ್‍ಗೆ ಸ್ಲೋ ಮೋಷನ್‍ನಲ್ಲಿ ಡ್ಯಾನ್ಸ್ ಮಾಡುತ್ತಿರುತ್ತಾರೆ. ಆಗ ಶಮಂತ್,”ನೃತ್ಯ ಮಾಡಿಕೊಂಡೇ ನಿಲ್ಲುತ್ತೇನೆ ಎಂದು ವೈಷ್ಣವಿ ಗೌಡ ಪಣ ತೊಟ್ಟಿದ್ದಾರೆ ಹಾಗೂ ಪುಲ್‍ಓವರ್‍ನನ್ನು ತೊಟ್ಟಿದ್ದಾರೆ. ಟೋಪಿಯನ್ನು ತೊಟ್ಟಿದ್ದಾರೆ. ಬರೀ ಕಾಲಿನಲ್ಲಿ ನಿಂತಿದ್ದಾರೆ. ಗ್ರೀನ್ ಕಲರ್ ಬಟ್ಟೆಯನ್ನು ಧರಿಸಿದ್ದಾರೆ” ಎಂದು ವೈಷ್ಣವಿಯನ್ನು ಬಣ್ಣಿಸುತ್ತಾರೆ.

ಹೀಗೆ ಶಮಂತ್ ದಿವ್ಯಾ ಹಾಗೂ ವೈಷ್ಣವಿ ಆಟಕ್ಕೆ ಎಕೋ ವಾಯ್ಸ್ ಮೂಲಕ ಕಮೆಂಟ್ ಮಾಡುತ್ತಾ ಮನರಂಜನೆ ನೀಡಿದರು.

Click to comment

Leave a Reply

Your email address will not be published. Required fields are marked *