Connect with us

Bengaluru City

ದಿವ್ಯಾ ಉರುಡುಗಗೇ ಬಂತು ಅಮ್ಮನಿಂದ ಸಂದೇಶ!

Published

on

ಬಿಗ್‍ಬಾಸ್ ಕಾರ್ಯಕ್ರಮ ಆರಂಭವಾಗಿ ನಾಲ್ಕನೇ ವಾರದತ್ತ ಸಾಗುತ್ತಿದೆ. ಸದ್ಯ ನಿನ್ನೆ ವಾರದ ಕಥೆ ಕಿಚ್ಚ ಸುದೀಪ ಜೊತೆ ಸಂಚಿಕೆ ನಡೆಯಿತು.

ಈ ವೇಳೆ ದಿವ್ಯಾ ಉರುಡುಗಗೆ ಅವರ ತಾಯಿ ವಿಶ್ ಮಾಡಿದ್ದಾರೆ. ಮೊದಲಿಗೆ ‘ಶಿಲೆಗಳು ಸಂಗೀತವ ಹಾಡಿದೆ’ ಎಂಬ ಗೀತೆ ಹಾಡಿದ ಅವರು, ಹಾಯ್ ಪುಟ್ಟಿ ನಾವು ದಿನ ಟಿವಿಯಲ್ಲಿ ನಿನ್ನ ನೋಡಲು ಒಂಬತ್ತುವರೆ ಯಾವಾಗ ಆಗುತ್ತೆ ಎಂದು ಕಾಯ್ತಾ ಕುಳಿತುಕೊಂಡಿರುತ್ತೇವೆ. ಈ ಬಾರಿ ಸಿದ್ಧಪುರ ಮಾರಿಕಾಂಬ ಜಾತ್ರೆ 30ನೇ ತಾರೀಖಿನಿಂದ ಆರಂಭವಾಗುತ್ತಿದ್ದು, ಅದಕ್ಕೆ ನಿನ್ನ ತಮ್ಮ ದರ್ಶನ್, ಅಕ್ಕ ಇಲ್ಲ. ಆದ್ದರಿಂದ ನಾನು ಬರುವುದೇ ಇಲ್ಲ ಎಂದು ಹೇಳುತ್ತಿದ್ದಾನೆ. ಆದರೂ ಕೂಡ ಹೋಗಲೆಬೇಕಾಗಿದೆ. ನಿನ್ನನ್ನು ಬಹಳ ಮಿಸ್ ಮಾಡಿಕೊಳ್ಳುತ್ತಿದ್ದೀವಿ. ಸ್ಕೂಲ್‍ನಲ್ಲಿ ನೀನು ಸ್ಪೋಟ್ರ್ಸ್ ನಲ್ಲಿರುವಾಗ ಒಂದು ಬಾರಿಯೂ ನಾವು ಮಿಸ್ ಮಾಡದೇ ಬಂದು ನಿನಗೆ ಸಪೋರ್ಟ್ ಮಾಡುತ್ತಿದ್ದೇವು. ಆ ಹಳೆಯ ನೆನಪುಗಳನ್ನು ನೀನು ಮತ್ತೆ ಬಿಗ್‍ಬಾಸ್ ವೇದಿಕೆಯ ಮೂಲಕ ತರಿಸುತ್ತಿದ್ದಿಯಾ. ನಾವು ಮಾತನಾಡಿದಷ್ಟು ಮಾತು ಮುಂದುವರೆಯುತ್ತಲೇ ಇರುತ್ತದೆ. ಮಾತನಾಡಲು ಬಹಳ ಇದೆ. ಸದ್ಯಕ್ಕೆ ನಿನ್ನನ್ನು ಫಿನಾಲೆನಲ್ಲಿ ನೋಡಬೇಕು ಎಂಬ ಆಸೆ ಇದೆ. ಚೆನ್ನಾಗಿ ಆಡು ಎಂದು ಶುಭ ಹಾರೈಸಿದ್ರು.

ಈ ವೇಳೆ ದಿವ್ಯಾ ಉರುಡುಗ ಭಾವುಕರಾಗಿ ಅಳುತ್ತಾರೆ. ಅಮ್ಮ-ಮಗಳ ಭಾಂದವ್ಯ ನೋಡಿ ಮನೆಮಂದಿಯೆಲ್ಲಾ ಚಪ್ಪಾಳೆ ತಟ್ಟುತ್ತಾ, ಮೇಕಪ್ ಹೋಗುತ್ತೆ ಎಂದು ಹಾಸ್ಯ ಮಾಡುತ್ತಾ ದಿವ್ಯಾ ಉರುಡುಗಗೆ ಸಮಾಧಾನ ಪಡಿಸಿದರು. ಬಳಿಕ ದಿವ್ಯಾ ಉರುಡುಗ ಕ್ಯಾಮೆರಾ ಮುಂದೆ ಬಂದು ಬಿಗ್‍ಬಾಸ್‍ಗೆ ಖುಷಿಯಿಂದ ಧನ್ಯವಾದ ತಿಳಿಸಿದರು.

ನಂತರ ಸುದೀಪ್ ಈ ಬಗ್ಗೆ ದಿವ್ಯಾ ಉರುಡುಗಗೆ ಕೇಳಿದಾಗ, ನಮ್ಮ ಅಮ್ಮ ಹಾಡು ಹೇಳುವುದನ್ನು ಎಲ್ಲರಿಗೂ ಕೇಳಿಸಬೇಕು ಎಂಬ ಆಸೆ ಇತ್ತು. ಇಂದು ಮನೆಯವರೆಲ್ಲರೂ ಕೇಳಿಸಿಕೊಂಡರು ನನಗೆ ಸಖತ್ ಖುಷಿಯಾಗುತ್ತಿದೆ ಎಂದು ಸಂತಸ ವ್ಯಕ್ತಪಡಿಸುತ್ತಾರೆ.

Click to comment

Leave a Reply

Your email address will not be published. Required fields are marked *