Connect with us

ರಾಜೀವ್ ತಲೆಗೂದಲ ಮೇಲೆ ಬಿತ್ತು ಲ್ಯಾಗ್ ಮಂಜು ಕಣ್ಣು!

ರಾಜೀವ್ ತಲೆಗೂದಲ ಮೇಲೆ ಬಿತ್ತು ಲ್ಯಾಗ್ ಮಂಜು ಕಣ್ಣು!

ಬಿಗ್‍ಬಾಸ್ ಕಾರ್ಯಕ್ರಮದಲ್ಲಿ ಮನೆಯ ಸದಸ್ಯರಿಗೆ, ಪಿಸಿಕಲ್ ಟಾಸ್ಕ್, ಕ್ವೀಜ್ ಹೀಗೆ ಹಲವು ರೀತಿಯ ಟಾಸ್ಕ್‍ಗಳನ್ನು ನೀಡಿರುವುದನ್ನು ನೋಡಿದ್ದೇವೆ. ಅಲ್ಲದೆ ಈ ಹಿಂದಿನ ಸೀಸನ್‍ಗಳಲ್ಲಿ ಕೂದಲಿನ ಮೇಲೆ ಪ್ರೀತಿ ಇಟ್ಟುಕೊಂಡಿದ್ದ ಕೆಲ ಸದಸ್ಯರ ಹೇರ್ ಕಟ್ ಮಾಡಿಸಿರುವುದನ್ನು ನೋಡಿದ್ದೇವೆ. ಸದ್ಯ ಬಿಗ್‍ಬಾಸ್ ಸೀಸನ್-8ರಲ್ಲಿ ಮನೆಯ ಎಲ್ಲಾ ಪುರುಷ ಸದಸ್ಯರಲ್ಲಿ ಹೆಚ್ಚು ತಲೆಕೂದಲು ಹೊಂದಿರುವವರು ಎಂದರೆ ರಾಜೀವ್.

ಲಾಂಗ್ ಹೇರ್ ಬೆಳೆಸಿಕೊಂಡು ಸಖತ್ ಸ್ಟೈಲಿಶ್ ಆಗಿ ಬಿಗ್‍ಬಾಸ್ ಮನೆಗೆ ಎಂಟ್ರಿ ಕೊಟ್ಟವರು ರಾಜೀವ್. ಕೂದಲು ಬಗ್ಗೆ ಅದೇನೋ ಒಂದು ರೀತಿಯ ಪ್ರೀತಿ ಹೊಂದಿದ್ದಾರೆ ಎಂದರೆ ತಪ್ಪಾಗಲಾರದು. ನಿನ್ನೆ ರಾಜೀವ್ ಜುಟ್ಟು ಬಿಟ್ಟುಕೊಂಡು ಮನೆಯಲ್ಲಿ ಓಡಾಡುತ್ತಿರುತ್ತಾರೆ. ಇದನ್ನು ನೋಡಿ ಮಂಜು ಬಿಗ್‍ಬಾಸ್‍ಗೆ ಪರೋಕ್ಷವಾಗಿ ರಾಜೀವ್ ಕೂದಲಿಗೆ ಕತ್ತರಿ ಹಾಕಿಸುವಂತೆ ಕ್ಲೂ ನೀಡಿದ್ದಾರೆ.

ಅಣ್ಣ ಈ ಟೈಮ್‍ನಲ್ಲಿ ಕೂದಲು ಜಾಸ್ತಿ ಇರಬಾರದು. ಯಾಕೆಂದರೆ ನಾವು ತಿನ್ನುವ ಊಟವನ್ನೆಲ್ಲಾ ಕೂದಲೇ ಹೆಚ್ಚಾಗಿ ತಿನ್ನುತ್ತದೆ ಎನ್ನುತ್ತಾರೆ. ಆಗ ರಾಜೀವ್ ಹೋದರೆ ಹೋಗಲಿ ಬಿಡು ಎಂದು ಹೇಳುತ್ತಾರೆ. ಈ ವೇಳೆ ಮಂಜು ಬಿಗ್‍ಬಾಸ್ ನಾನು ನಿಮಗೊಂದು ರಿಕ್ವೆಸ್ಟ್ ಮಾಡುತ್ತೇನೆ. ನಮ್ಮಣ್ಣ ಬಹಳ ಸಣ್ಣ ಆಗುತ್ತಿದ್ದಾರೆ. ಆಗ ರಾಜೀವ್ ಮಂಜು ಬೇಡ ಏನು ಹೇಳಬೇಡ ಪ್ಲೀಸ್ ಸುಮ್ಮನಿದ್ದು ಬಿಡು, ಕೂದಲು ಬಗ್ಗೆ ಏನು ಮಾಡಬೇಡ. ಬಿಗ್‍ಬಾಸ್ ಜೊತೆ ಯಾಕೋ ಜಗಳ ಮಾಡುತ್ತಿದ್ದೀಯಾ ಎಂದು ತಲೆ ಮೇಲೆ ಕೈ ಹಿಡಿದುಕೊಳ್ಳುತ್ತಾರೆ. ಅದಕ್ಕೆ ಮಂಜು ಇಲ್ಲ ಅಣ್ಣ ಬರೀ ಹೇಳಿದ್ದಷ್ಟೇ ಎನ್ನುತ್ತಾ, ಚೆನ್ನಾಗಿರುವುದಿಲ್ಲ ಬಿಗ್‍ಬಾಸ್ ನಮ್ಮ ಅಣ್ಣನ ಕೂದಲಿಗೆ ಏನಾದರೂ ಮಾಡಿದರೇ ಎಂದು ಕೈ ಸನ್ನೆ ಮೂಲಕ ಕತ್ತರಿಸುವಂತೆ ಕ್ಯಾಮೆರಾ ಮುಂದೆ ಹಾಸ್ಯಮಯವಾಗಿ ಅವಾಜ್ ಹಾಕುತ್ತಾರೆ.

ಈ ವೇಳೆ ಮನೆ ಮಂದಿಯೆಲ್ಲಾ ರಾಜೀವ್ ನಿಮ್ಮ ಕೂದಲು ಕತ್ತರಿಸಲೆಂದು ಮಂಜು ಬಿಗ್‍ಬಾಸ್‍ಗೆ ಫಿಟ್ಟಿಂಗ್ ಹಾಕಿಕೊಡುತ್ತಿದ್ದಾರೆ ಎಂದು ಹೇಳುತ್ತಾರೆ. ಅಲ್ಲದೆ ಇತ್ತೀಚೆಗಷ್ಟೇ ರಾಜೀವ್ ಮಡದಿ ಕ್ಯಾಪ್ಟನ್ ಆದಾಗ ವಾಯ್ಸ್ ರೆಕಾರ್ಡರ್ ಕಳಿಸುವ ಮೂಲಕ ವಿಶ್ ಮಾಡಿದ್ದರು. ಈ ವೇಳೆ ನೀವು ಕೂದಲನ್ನು ಕೆಳಗೆ ಕಟ್ಟುತ್ತಿದ್ದೀರಾ, ಅದು ನಿಮಗೆ ಚೆನ್ನಾಗಿ ಕಾಣಿಸುತ್ತಿಲ್ಲ. ಮನೆಯಲ್ಲಿ ಹೇಗೆ ಕೂದಲನ್ನು ಮೇಲೆ ಕಟ್ಟುತ್ತಿದ್ರೋ ಹಾಗೇ ಬಿಗ್‍ಬಾಸ್ ಮನೆಯಲ್ಲಿ ಕೂಡ ಕೂದಲನ್ನು ಮೇಲಕ್ಕೆ ಕಟ್ಟಿಕೊಳ್ಳಿ ಎಂದು ತಿಳಿಸಿದ್ದರು.

ಈ ಹಿಂದೆ ಬಿಗ್‍ಬಾಸ್ ಸೀಸನ್-3ರಲ್ಲಿ ನಟ ಚಂದನ್‍ರವರ ಹೇರ್ ಟ್ರೀಮ್ ಮಾಡಿಸಲಾಗಿತ್ತು. ಅಲ್ಲದೆ ಬಿಗ್‍ಬಾಸ್ ಸೀಸನ್-7ರಲ್ಲಿ ಬಿಗ್‍ಬಿಸ್ ದೀಪಿಕಾ ದಾಸ್‍ಗೆ ಶೈನಿ ಶೆಟ್ಟಿ ಗಡ್ಡ ತೆಗೆಸುವಂತೆ ಟಾಸ್ಕ್ ನೀಡಿದ್ದರು.

Advertisement
Advertisement