Connect with us

Latest

ಅಂಗೈ ಮೇಲೆ ವೀರ ಯೋಧನನ್ನ ಬರಮಾಡ್ಕೊಂಡ ಗ್ರಾಮಸ್ಥರು

Published

on

– ಸೈನಿಕನಿಗೆ ಅದ್ಧೂರಿ ಸ್ವಾಗತ

ಭೋಪಾಲ್: ನಿವೃತ್ತಿಹೊಂದಿ ಊರಿಗೆ ವಾಪಸ್ ಬಂದಿರುವ ವೀರ ಯೋಧರ ಪಾದ ಮಣ್ಣಿಗೆ ತಾಗದಂತೆ ಅಂಗೈ ನೆಲಕ್ಕೂರಿ ಮಧ್ಯಪ್ರದೇಶ ಜಿರಾನ್ ಗ್ರಾಮಸ್ಥರು ಅದ್ಧೂರಿಯಾಗಿ ಸ್ವಾಗತಿಸಿದ್ದಾರೆ.

ನಿವೃತ್ತ ಯೋಧರಾದ ನಾಯಕ್ ವಿಜಯ್ ಬಿ ಸಿಂಗ್ ಭಾರತೀಯ ಸೇನೆಯಲ್ಲಿ 17 ವರ್ಷ ಸೇವೆಸಲ್ಲಿಸಿದ್ದಾರೆ. ನೀವೃತ್ತಿ ಹೊಂದಿ ತನ್ನ ತವರಿಗೆ ಮರಳಿದಾಗ ಊರಿನ ಗ್ರಾಮಸ್ಥರು ಅತ್ಯಂತ ಪ್ರೀತಿಯ ಮತ್ತು ಭವ್ಯವಾದ ಸ್ವಾಗತವನ್ನು ಕೋರಿದ್ದಾರೆ.

ವಿಜಯ್ ಬಿ ಸಿಂಗ್ ಬರುತ್ತಾರೆ ಎಂಬ ವಿಚಾರವನ್ನು ತಿಳಿದ ಗ್ರಾಮಸ್ಥರು ಸ್ವಾಗತಕ್ಕೆ ಭಾರೀ ಸಿದ್ಧತೆ ಮಾಡಿಕೊಂಡಿದ್ದರು. ಮನೆಗೆ ಯೋಧ ಬರುತ್ತಿದ್ದಂತೆ ಅವರ ಕಾಲುಗಳನ್ನು ನೆಲಕ್ಕೆ ತಾಗದಂತೆ ಗ್ರಾಮಸ್ಥರು ತಮ್ಮ ಅಂಗೈಯನ್ನು ನೆಲಕ್ಕೆ ಊರಿ ಅದರ ಮೇಲೆ ಅವರ ಪಾದಗಳನ್ನು ಇಟ್ಟು ಗೌರವಪೂರ್ವಕವಾಗಿ ಸಂತೋಷದಿಂದ ಸ್ವಾಗತಿಸಿದ್ದಾರೆ.

ನಿಜಕ್ಕೂ ನನಗೆ ತುಂಬಾ ಸಂತೋಷವಾಗುತ್ತಿದೆ. ನನಗೆ ಹೆಮ್ಮೆಯ ವಿಚಾರವಾಗಿದೆ. ಭಾರತೀಯ ಸೇನೆಯಲ್ಲಿ 17 ವರ್ಷ 26 ದಿನ ಸೇವೆಯನ್ನು ಸಲ್ಲಿಸಿದ್ದೇನೆ. ನಾನು ಬಂದಾಗಲೆಲ್ಲ ನನ್ನ ಹೊತ್ತೊಯ್ದು ದೇವಸ್ಥಾನದಲ್ಲಿ ಆಶೀರ್ವದಿಸುತ್ತಾರೆ. ನನಗೆ ತುಂಬಾ ಸಂತೋಷವಾಗುತ್ತಿದೆ ಎಂದು ಯೋಧರಾದ ನಾಯಕ್ ವಿಜಯ್ ಹೇಳಿದ್ದಾರೆ.

 

Click to comment

Leave a Reply

Your email address will not be published. Required fields are marked *