Connect with us

Bengaluru City

ಬೆಂಗಳೂರು ಸಿಗ್ನಲ್‍ನಲ್ಲೇ ಜೋಡಿಯ ಅಶ್ಲೀಲ ವರ್ತನೆ – ಮದ್ಯದ ನಶೆಯಲ್ಲಿ ಮುತ್ತಿನ ಗಮ್ಮತ್ತು

Published

on

ಬೆಂಗಳೂರು: ಸಿಲಿಕಾನ್ ಸಿಟಿಯ ಆಧುನಿಕತೆಯ ಭರಾಟೆಯಲ್ಲಿ ಅನಾಗರಿಕತೆ ವಿಜೃಂಭಿಸುತ್ತಿದೆ. ಇದಕ್ಕೆ ಸಾಕ್ಷಿ ಬೆಂಗಳೂರಿನ ಸೆಂಟ್ ಜಾನ್ ಆಸ್ಪತ್ರೆ ಸಮೀಪದ ಸಿಗ್ನಲ್‍ನಲ್ಲಿ ನಡೆದಿರುವ ಘಟನೆ.

ಸಾರ್ವಜನಿಕ ಸ್ಥಳದಲ್ಲೇ ಅಸಭ್ಯ, ಅಶ್ಲೀಲ ವರ್ತನೆ ಮಾಡಿರುವ ಜೋಡಿ, ಸಿಗ್ನಲ್‍ನಲ್ಲಿ ನಿಂತ ಕಾರ್‍ನಲ್ಲಿ ಮತ್ತೇರಿಸಿ ಮುತ್ತು ನೀಡಿದ್ದಾರೆ. ಎಲ್ಲರೂ ನೋಡುತ್ತಿರುವಾಗ ಒಬ್ಬರಿಗೊಬ್ಬರು ಮುತ್ತು ಕೊಡುತ್ತಾ, ಮದ್ಯಪಾನ ಮಾಡುತ್ತಾ, ಸಿಗರೇಟು ಸೇದುತ್ತಾ ಅಸಭ್ಯವಾಗಿ ವರ್ತಿಸಿದ್ದಾರೆ.

ಡ್ರಗ್ ನಶೆಯಲ್ಲಿದ್ದ ಯುವಕ ಪಕ್ಕದ ಕಾರ್‍ನಲ್ಲಿದ್ದ ಮಹಿಳೆಗೆ ಮದ್ಯದ ಬಾಟಲಿ ತೋರಿಸಿದ್ದಾನೆ. ಇಬ್ಬರ ವರ್ತನೆಯಿಂದ ನೊಂದ ಸುನಂದ ಎಂಬವರು ಹಲಸೂರು ಠಾಣೆಗೆ ದೂರು ಕೊಟ್ಟಿದ್ದಾರೆ. ಆದರೆ ಪೊಲೀಸರು ಎನ್‍ಸಿಆರ್(ಗಂಭೀರವಲ್ಲದ ಕೃತ್ಯ) ಕೇಸ್ ದಾಖಲಿಸಿಕೊಂಡು ಸುಮ್ಮನಾಗಿದ್ದಾರೆ.

ನನ್ನ ಮಕ್ಕಳನ್ನ ಶಾಲೆಯಿಂದ ಮನೆಗೆ ಕರೆದುಕೊಂಡು ಹೋಗುವಾಗ ಈ ಹಲಸೂರು ಸಿಗ್ನಲ್ ನಲ್ಲಿ ನಿಂತಿದ್ದೆ. ಅಲ್ಲಿ ಕಾರಿನಲ್ಲಿ ಕುಡಿದು ಅಸಭ್ಯವಾಗಿ ವರ್ತಿಸುತ್ತಿರುವುದನ್ನು ನೋಡಿ ನನಗೆ ಬೇಸರವಾಯಿತು. ಇದನೆಲ್ಲ ವಿಡಿಯೋ ಮಾಡಿ ಹಲಸೂರು ಪೊಲೀಸರಿಗೆ ದೂರು ನೀಡಿದ್ದೆ. ಆದರೆ ಕೇಸ್ ದಾಖಲಿಸಿಕೊಂಡು ಎನ್‍ಸಿಆರ್ ಮಾಡಿ ಪೊಲೀಸರು ಹಾಗೆ ಸುಮ್ಮನಾಗಿದ್ದಾರೆ ಎಂದು ಸುನಂದ ಪಬ್ಲಿಕ್ ಟಿವಿಗೆ ಪ್ರತಿಕ್ರಿಯಿಸಿದ್ದಾರೆ.

https://youtu.be/iNcHMsguZ6w

https://youtu.be/zDdndMWPBtA

Click to comment

Leave a Reply

Your email address will not be published. Required fields are marked *

www.publictv.in