Tuesday, 26th March 2019

ಪೆಟ್ರೋಲ್‍ಗಿಂತ ವೈಮಾನಿಕ ಇಂಧನ ಬೆಲೆ ಈಗ ಅಗ್ಗ!

ನವದೆಹಲಿ: ಸಾಧಾರಣವಾಗಿ ವಿಮಾನಗಳಲ್ಲಿ ಬಳಸುವ ಇಂಧನ ದರ ಜಾಸ್ತಿ ಎನ್ನುವ ಅಭಿಪ್ರಾಯವಿದೆ. ಆದರೆ ಈಗ ಪೆಟ್ರೋಲ್ ಬೆಲೆಗೆ ಹೋಲಿಸಿದರೆ ವೈಮಾನಿಕ ಇಂಧನದ ದರ ಕಡಿಮೆಯಿದೆ.

ಹೌದು, ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ತೈಲ ಬೆಲೆ ಕುಸಿಯುತ್ತಿರುವ ಹಿನ್ನೆಲೆಯಲ್ಲಿ ತೈಲ ಕಂಪನಿಗಳು ವೈಮಾನಿಕ ಇಂಧನ ದರವನ್ನು ಶೇ.14.7 ರಷ್ಟು ಕಡಿತಗೊಳಿಸಿವೆ.

9,990 ರೂ. ಕಡಿತಗೊಂಡ ಪರಿಣಾಮ ಒಂದು ಸಾವಿರ ಲೀಟರ್(1 ಕಿಲೋ ಲೀಟರ್) ಏವಿಯೇಷನ್ ಟರ್ಬೈನ್ ಫ್ಯುಯೆಲ್(ಎಟಿಎಫ್) ಬೆಲೆ ಈಗ 58,060.97 ರೂ.ಗೆ ಇಳಿಕೆಯಾಗಿದೆ. ಅಂದರೆ ಒಂದು ಲೀಟರ್ ಗೆ 58.6 ರೂ. ಆಗಿದೆ.

ತೈಲ ಕಂಪನಿಗಳು ಪೆಟ್ರೋಲ್ ಮತ್ತು ಡೀಸೆಲ್ ಬೆಲೆ ಪ್ರತಿನಿತ್ಯ ಪರಿಷ್ಕರಿಸುತ್ತಿದ್ದರೆ, ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಕಚ್ಚಾ ತೈಲದ ದರ ಮತ್ತು ಡಾಲರ್, ರೂಪಾಯಿ ಮೌಲ್ಯವನ್ನು ಪರಿಗಣಿಸಿ ಪ್ರತಿ ತಿಂಗಳ ಮೊದಲ ದಿನದಂದು ಎಟಿಎಫ್ ಬೆಲೆ ಪರಿಷ್ಕರಿಸಲಾಗುತ್ತದೆ.

ಡಿಸೆಂಬರ್ 1 ರಂದು ವೈಮಾನಿಕ ಇಂಧನ ದರ ಶೇ.10.9 ರಷ್ಟು ಕಡಿಮೆಯಾದ ಪರಿಣಾಮ ಒಂದು ಕಿಲೋಲೀಟರ್ ಎಟಿಎಫ್ ಬೆಲೆ 8,327.83 ರೂ. ಇಳಿಕೆಯಾಗಿತ್ತು.

ಪ್ರಸ್ತುತ ಬೆಂಗಳೂರಿನಲ್ಲಿ ಪ್ರತಿ ಲೀಟರ್ ಪೆಟ್ರೋಲ್ ಬೆಲೆ 69.21 ರೂ. ಇದ್ದರೆ ಡೀಸೆಲ್ ಬೆಲೆ 63.01 ರೂ. ಇದೆ.

ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv, ಪಬ್ಲಿಕ್ ಟಿವಿ ಆ್ಯಪ್ ಡೌನ್‍ಲೋಡ್ ಮಾಡಿ: play.google.com/publictv

Leave a Reply

Your email address will not be published. Required fields are marked *