Monday, 10th December 2018

ಹೈವೇಯಲ್ಲೇ ಕೈಬೀಸಿ ಕರೆಯುತ್ತಿವೆ ವಿದೇಶಿ ಬಾನಾಡಿಗಳು

ಬೆಂಗಳೂರು: ಸಾಮಾನ್ಯವಾಗಿ ನಾವೆಲ್ಲ ನಾನಾ ಜಾತಿಯ ಪಕ್ಷಿ ಸಂಕುಲವನ್ನು ನೋಡಬೇಕು ಅಂದಾಕ್ಷಣ ಪ್ರವಾಸಕ್ಕೆ ತೆರಳುತ್ತೇವೆ. ಅದರಲ್ಲೂ ವಿದೇಶಿ ಪಕ್ಷಿಗಳ ಸೈಡ್ ಸೀನಿಂಗ್ ನೋಡಲು ರಂಗನತಿಟ್ಟು ಅಂತ ಥಟ್ ಅಂತ ನಮ್ಮ ಕಣ್ಣ ಮುಂದೆ ಬರುತ್ತದೆ. ಆದರೆ ಬೆಂಗಳೂರಿಗೆ ಸಮೀಪವಿರುವ ಕೆರೆಯಲ್ಲೇ ಈ ಬಾನಾಡಿಗಳು ಕಲರವ ಕಂಡುಬಂದಿದೆ.

ಬೆಂಗಳೂರು ಹೊರವಲಯ ನೆಲಮಂಗಲ ಸಮೀಪದ, ತುಮಕೂರು-ಬೆಂಗಳೂರು ರಾಷ್ಟ್ರೀಯ ಹೆದ್ದಾರಿಗೆ ಹೊಂದಿಕೊಂಡಿರುವ ದಾಸನಪುರ ಕೆರೆಯಲ್ಲಿ ಬಾನಾಡಿ ಪಕ್ಷಿಗಳು ಕಂಡುಬಂದಿವೆ. ಯುರೇಷಿಯನ್ ಕೂಟ್ ಎಂಬ ಜಾತಿಗೆ ಸೇರಿರುವ ಈ ಪಕ್ಷಿಗಳು, ಯುರೋಪ್ ಹಾಗೂ ಏಷ್ಯಾ ಖಂಡದಲ್ಲಿ ಕಂಡುಬರುವ ಅಪರೂಪದ ಪಕ್ಷಿಗಳಾಗಿವೆ.

ರಾಜಾದ್ಯಂತ ಮುಂಗಾರು ಪ್ರಾರಂಭವಾಗಿ ಉತ್ತಮ ಮಳೆಯಾಗುತ್ತಿದ್ದು, ಬಹುತೇಕ ಎಲ್ಲಾ ಜಲಾಶಯಗಳು ಮೈತುಂಬಿ ಹರಿಯುತ್ತಿವೆ. ಇತ್ತ ಯುರೋಪ್ ಹಾಗೂ ಏಷ್ಯಾ ಖಂಡದಲ್ಲಿ ಅತೀ ಹೆಚ್ಚಾಗಿ ಕಂಡು ಬರುವ ಅಪರೂಪದ ಪಕ್ಷಿಗಳ ಕಲರವ, ಕಂಡುಬರುತ್ತಿದ್ದು ಪ್ರವಾಸಿಗರನ್ನು ಕೈಬೀಸಿ ಕರೆಯುತ್ತಿದೆ.

ಈ ಪಕ್ಷಿಗಳನ್ನು ಕಂಡು ಪ್ರವಾಸಿಗರಲ್ಲಿ ಸಂತಸವನ್ನ ಉಂಟು ಮಾಡುವುದರ ಜೊತೆಗೆ ತನ್ನತ್ತ ಸೆಳೆಯುವಂತೆ ಮಾಡಿವೆ. ಬಾನಾಡಿಗಳ ಹಿಂಡು ಈ ಕೆರೆಯಲ್ಲಿ ಗುಂಪು ಗುಂಪಾಗಿ ತನ್ನ ನರ್ತನದ ಮೂಲಕ, ಮೀನುಗಳನ್ನು ಹಿಡಿಯುತ್ತಿರುವ ದೃಶ್ಯಗಳು ಪಕ್ಷಿ ಪ್ರೇಮಿಗಳನ್ನ ಕೈಬೀಸಿ ಕರೆಯುತ್ತಿದೆ.

ಕೆರೆಯ ನೀರಿನಲ್ಲಿ ಈ ಬಾನಾಡಿಗಳು ಒಂದು ಹಾಡಿಗೆ ತಾಳ ಹಾಕುವಂತೆ ಒಂದು ಕಡೆಯಿಂದ ಮತ್ತೊಂದೆಡೆಗೆ ಚಲಿಸಿ, ಅವುಗಳ ಭಾವನೆಗೆ ತಕ್ಕಂತೆ ಇರುವುದನ್ನ ನೋಡುವುದೇ ಉಲ್ಲಾಸ. ತುಮಕೂರು-ಬೆಂಗಳೂರು ರಾಷ್ಟ್ರೀಯ ಹೆದ್ದಾರಿ ಪಕ್ಕದಲ್ಲಿನ ಈ ಎಲ್ಲಾ ದೃಶ್ಯಗಳನ್ನ ನೋಡುವುದೇ ಚಂದ ಎಂದು ಸ್ಥಳೀಯ ಹನುಮಂತರಾಜು ಹೇಳಿದ್ದಾರೆ.

Leave a Reply

Your email address will not be published. Required fields are marked *