ಹೈದರಾಬಾದ್: ಯುವಕನೊಬ್ಬ ಕಾಲೇಜಿನಲ್ಲೇ ಯುವತಿಗೆ ಪೆಟ್ರೋಲ್ ಸುರಿದು ಬೆಂಕಿ ಹಚ್ಚಿದ ಘಟನೆ ಆಂಧ್ರ ಪ್ರದೇಶದ ವರಾಂಗಲ್ ಜಿಲ್ಲೆಯ ಸಂಗೇಮ್ ಮಂದಲ್‍ನಲ್ಲಿ ನಡೆದಿದೆ.
ಅನ್ವೇಶ್ ಯುವತಿಗೆ ಬೆಂಕಿ ಹಚ್ಚಿದ ಯುವಕ. ಅನ್ವೇಶ್ ವ್ಗಾದೇಹಿ ಕಾಲೇಜಿನಲ್ಲಿ ಕೊನೆಯ ವರ್ಷ ಬಿಕಾಂ ಓದುತ್ತಿದ್ದನು. ಅದೇ ಕಾಲೇಜಿನಲ್ಲಿ ಯುವತಿ ರವೇಲಿ ಕೊನೆಯ ವರ್ಷ ಬಿಎಸ್‍ಸಿ ಓದುತ್ತಿದ್ದಳು. ಅನ್ವೇಶ್, ರವೇಲಿಯನ್ನು ಪ್ರೀತಿಸುತ್ತಿದ್ದು, ತನ್ನ ಪ್ರೀತಿಯನ್ನು ರವೇಲಿ ಬಳಿ ಹೇಳಿಕೊಂಡಿದ್ದಾನೆ.
ಬುಧವಾರ ರವೇಲಿ, ಅನ್ವೇಶ್‍ನ ಪ್ರೀತಿಯನ್ನು ನಿರಾಕರಿಸಿದ್ದಳು. ಇದರಿಂದ ಕೋಪಗೊಂಡ ಅನ್ವೇಶ್ ಆಕೆಯ ಮೇಲೆ ಪೆಟ್ರೋಲ್ ಸುರಿದು ಬೆಂಕಿ ಹಚ್ಚಿದ್ದಾನೆ. ಗಾಯಗೊಂಡ ಯುವತಿಯನ್ನು ಎಂಜಿಎಂ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗುತ್ತಿದೆ. ಬೆಂಕಿಯಿಂದ ಯುವತಿ ದೇಹ ಶೇ. 80 ರಷ್ಟು ಸುಟ್ಟಿದೆ ಎಂದು ವೈದ್ಯರು ತಿಳಿಸಿದ್ದಾರೆ.
ರವೇಲಿ ತಂದೆ ಟಿ. ಸುಧಾಕರ್ ರಾವ್ ರೈತರಾಗಿದ್ದು, ಮಗಳು ರವೇಲಿ ಹಾಸ್ಟೆಲ್‍ನಲ್ಲಿ ವಾಸಿಸುತ್ತಿದ್ದಳು. ರವೇಲಿ ತನ್ನ ತಂದೆಗೆ ಕರೆ ಮಾಡಿದಾಗ ಅನ್ವೇಶ್ ಬಗ್ಗೆ ಯಾವುದೇ ಮಾಹಿತಿ ನೀಡಲಿಲ್ಲ. ಹಾಗಾಗಿ ಅವರ ತಂದೆಗೆ ಈ ಘಟನೆ ಬಗ್ಗೆ ಗೊತ್ತಿಲ್ಲ ಎಂದು ಹೇಳಿದ್ದಾರೆ.
ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv , ಪಬ್ಲಿಕ್ ಟಿವಿ ಆ್ಯಪ್ ಡೌನ್‍ಲೋಡ್ ಮಾಡಿ: play.google.com/publictv
