ಕನ್ನಡ ಸಿನಿಮಾ ರಂಗದಲ್ಲಿ ಅದ್ಭುತವಾದ ಒಂದು ಯಶಸ್ಸಿಗಾಗಿ ಕಾಯುತ್ತಿರುವ ಯಶಸ್ ಸೂರ್ಯ (Yashas Surya) , ಇದೀಗ ತಮ್ಮ ಹೆಸರನ್ನು ಬದಲಾಯಿಸಿಕೊಂಡಿದ್ದಾರೆ. ಗರಡಿ ಸಿನಿಮಾದಿಂದ ಅವರು ಕೇವಲ ಸೂರ್ಯನಾಗಿ ಉಳಿಯಲಿದ್ದಾರೆ. ಅಷ್ಟಕ್ಕೂ ಈ ಹೆಸರನ್ನು ಬದಲಾಯಿಸಿದ್ದು ನಟ ದರ್ಶನ್ ಎನ್ನುವುದು ವಿಶೇಷ.
ಗರಡಿ ಸಿನಿಮಾದಲ್ಲಿ ಸೂರ್ಯ, ಗರಡಿ ಸೂರಿ ಪಾತ್ರವನ್ನು ನಿರ್ವಹಿಸಿದ್ದಾರೆ. ಸಿನಿಮಾದಲ್ಲಿ ಅವರನ್ನು ಎಲ್ಲರೂ ಗರಡಿ ಸೂರಿ ಅಂತಾನೇ ಕರೆಯುತ್ತಾರಂತೆ. ಸಿನಿಮಾದಾಚೆಯೂ ತಮಗೆ ಗರಡಿ ಸೂರ್ಯ ಎಂದು ಕರೆಯಿಸಿಕೊಳ್ಳಲು ಇಷ್ಟವೆಂದು ಅವರು ಹೇಳಿಕೊಂಡಿದ್ದಾರೆ. ಇನ್ಮುಂದೆ ತಮ್ಮ ಹೆಸರಿನ ಮುಂದೆ ಯಶಸ್ ಎನ್ನುವ ಪದವು ಇರುವುದಿಲ್ಲವೆಂದು ನಟ ತಿಳಿಸಿದ್ದಾರೆ.
ಯೋಗರಾಜ್ ಭಟ್ ನಿರ್ದೇಶನದಲ್ಲಿ ಮೂಡಿ ಬಂದಿರುವ ಗರಡಿ (Garadi) ಸಿನಿಮಾದಲ್ಲಿ ಸೂರ್ಯ (Surya), ಪ್ರಮುಖವಾದ ಪಾತ್ರವೊಂದನ್ನು ನಿಭಾಯಿಸಿದ್ದಾರೆ. ದರ್ಶನ್ (Darshan), ಬಿ.ಸಿ.ಪಾಟೀಲ್ ಸೇರಿದಂತೆ ಹಲವಾರು ಹೆಸರಾಂತ ಕಲಾವಿದರು ತಾರಾಗಣದಲ್ಲಿ ಇದ್ದಾರೆ. ಹೊಸ ಹುಡುಗರನ್ನು ಗೆಲ್ಲಿಸಿದ ಯೋಗರಾಜ್ ಭಟ್ಟರು, ಸೂರ್ಯಗೂ ಯಶಸ್ಸು ತಂದು ಕೊಡುತ್ತಾರಾ ಕಾದು ನೋಡಬೇಕು.
ಯುಗ ಯುಗಗಳೇ ಸಾಗಲಿ ಸಿನಿಮಾದಿಂದ ಬಣ್ಣದ ಪ್ರಪಂಚಕ್ಕೆ ಕಾಲಿಟ್ಟ ಸೂರ್ಯ, ಆನಂತರ ಅನೇಕ ಚಿತ್ರಗಳಲ್ಲಿ ನಟಿಸಿದ್ದಾರೆ. ಸ್ಟಾರ್ ನಟರ ಜೊತೆಯೂ ತೆರೆ ಹಂಚಿಕೊಂಡಿದ್ದಾರೆ. ಆದರೆ, ಹೇಳಿಕೊಳ್ಳುವಂತಹ ಯಶಸ್ಸು ಅವರಿಗೆ ದಕ್ಕಿಲ್ಲ. ಗರಡಿ ಮೂಲಕ ಮತ್ತೊಮ್ಮೆ ಅವರು ಅದೃಷ್ಟ ಪರೀಕ್ಷೆಗೆ ಮುಂದಾಗಿದ್ದಾರೆ.
Web Stories
