ಬೆಂಗಳೂರು: ರಾಕಿಂಗ್ ಸ್ಟಾರ್ ಯಶ್ ನಟನೆಯ ಕೆಜಿಎಫ್-2 ಬಿಡುಗಡೆಗೆ ಇನ್ನೂ ಮೂರು ದಿನವಷ್ಟೇ ಬಾಕಿ ಇದೆ. ಈ ಹಿನ್ನೆಲೆಯಲ್ಲಿ ಯಶ್ ಅಭಿಮಾನಿಗಳು ಕೆಜಿಎಫ್ ವೆಲ್‍ಕಂಗೆ ಭರ್ಜರಿ ಸಿದ್ಧತೆ ಮಾಡಿಕೊಳ್ಳುತ್ತಿದ್ದಾರೆ.
ಕಟೌಟ್‍ಗಳಿಗೆ ಹೂವಿನ ಅಲಂಕಾರ, ಥಿಯೇಟರ್‍ಗಳಲ್ಲಿ ಸಿದ್ಧತೆ ನಡೆಸುತ್ತಿದ್ದಾರೆ. ಇತ್ತ ಟಿಕೆಟ್ ಬುಕ್ಕಿಂಗ್ ಆರಂಭವಾಗಿದ್ದು, ಬಹುತೇಕ ಕಡೆಗಳಲ್ಲಿ ಟಿಕೆಟ್ ಸೋಲ್ಡೌಟ್ ಆಗಿದೆ. ಕೆಜಿಎಫ್-2 ಸಿನಿಮಾ 1000 ಕೋಟಿ ಕ್ಲಬ್ ಸೇರುವ ಲೆಕ್ಕಾಚಾರದಲ್ಲಿದೆ. ಒಟ್ಟಿನಲ್ಲಿ ಕನ್ನಡ ಚಿತ್ರರಂಗದಲ್ಲೇ ಹೊಸ ಇತಿಹಾಸ ಸೃಷ್ಟಿಸುವತ್ತ ರಾಕಿಭಾಯ್ ಮುನ್ನುಗ್ಗುತ್ತಿದ್ದಾರೆ. ಇದನ್ನೂ ಓದಿ: ‘ಅಣ್ಣಾವ್ರ ನಾಡು’: ಡಾ.ರಾಜ್ ಕುಮಾರ್ ನೆನೆದ ರಾಕಿಂಗ್ ಸ್ಟಾರ್ ಯಶ್
ಕೆಜಿಎಎಫ್-2 ಚಿತ್ರ ವೀಕ್ಷಣೆಗೆ ಮಹಿಳಾ ಅಭಿಮಾನಿಗಳು ಕೂಡ ಕಾತರರಾಗಿದ್ದಾರೆ. ಕೆಜಿಎಫ್ ಫಸ್ಟ್ ಡೇ ಫಸ್ಟ್ ಶೋ ಟಿಕೆಟ್ ಸೋಲ್ಡೌಟ್ ಆಗಿದೆ. ಅಖಿಲ ಕರ್ನಾಟಕ ಯಶ್ ಮಹಿಳಾ ಅಭಿಮಾನಿಗಳು ಕೆಂಗೇರಿಯ ವೆಂಕಟೇಶ್ವರ ಥಿಯೇಟರ್ ನಲ್ಲಿ ಇಡೀ ಶೋ ಟಿಕೆಟ್ ಖರೀದಿ ಮಾಡಿದ್ದಾರೆ. ಗುರುವಾರ ಬೆಳಗ್ಗೆ 10 ಗಂಟೆ ಶೋಗೆ ಲೇಡಿ ಫ್ಯಾನ್ಸ್ 2,06,500 ರೂಪಾಯಿ ಮೌಲ್ಯದ ಟಿಕೆಟ್ ಕಾಯ್ದಿರಿಸಿದ್ದಾರೆ. ಇದನ್ನೂ ಓದಿ: ಆರ್‌ಸಿಬಿ ತಂಡದ ಜೊತೆ ಕೈ ಜೋಡಿಸಿದ ಹೊಂಬಾಳೆ ಫಿಲ್ಮ್ಸ್
ಕೆಜಿಎಫ್-2 ವೆಲ್‍ಕಂಗೆ ವಿಶ್ವದಾದ್ಯಂತ ಕಾತರರಾಗಿದ್ದಾರೆ. ಅಮೆರಿಕದಲ್ಲಿ ಏಪ್ರಿಲ್ 13ಕ್ಕೆ ಕೆಜಿಎಫ್ ಬಿಡುಗಡೆಯಾಗಲಿದೆ. ಅದ್ಧೂರಿ ವೀಡಿಯೋ ಮೂಲಕ ಚಿತ್ರಕ್ಕೆ ಭರ್ಜರಿ ವೆಲ್‍ಕಂ ಮಾಡಲಾಗುತ್ತಿದೆ. ದಲ್ಲಾಸ್‍ನಲ್ಲಿ ಯಶ್ ಫ್ಯಾನ್ಸ್ ಸಲಾಂ ರಾಕಿಭಾಯ್ ಎನ್ನುತ್ತಿದ್ದಾರೆ. ನ್ಯೂಯಾರ್ಕ್‍ನಲ್ಲಿ ಎಲ್‍ಇಡಿ ಟ್ರಕ್‍ನಲ್ಲಿ ಕೆಜಿಎಫ್ ಟ್ರೇಲರ್ ಹಾಕಲಾಗುತ್ತಿದೆ. ಇದನ್ನೂ ಓದಿ: ಕೆಜಿಎಫ್ 2 : ಐದೂ ಭಾಷೆಯಲ್ಲೂ ಡಬ್ ಮಾಡಿದ ಏಕೈಕ ಕಲಾವಿದ ಪ್ರಕಾಶ್ ರೈ
ಇತ್ತ ಮುಂಬೈನಲ್ಲೂ ಯಶ್ ಕೆಜಿಎಫ್ ಹವಾ ಕ್ರಿಯೇಟ್ ಆಗಿದೆ. ಮುಂಬೈ ರೈಲ್ವೆ ಸ್ಟೇಷನ್‍ನಲ್ಲಿ ಕೆಜಿಎಫ್ ಬಿಗ್ ಪೋಸ್ಟರ್ ಹಾಕಲಾಗಿದೆ. ಏಪ್ರಿಲ್ 14ಕ್ಕೆ ಮುಂಬೈನಲ್ಲೂ ಕೆಜಿಎಫ್ ತೆರೆ ಕಾಣಲಿದೆ. ಒಟ್ಟಿನಲ್ಲಿ ಈ ಹಿಂದೆ ಕನ್ನಡ ಸಿನಿಮಾ ಬೇರೆನೇ ಲೆವೆಲ್‍ಗೆ ಹೋಗುತ್ತೆ ಎಂದು ಯಶ್ ಕಾರ್ಯಕ್ರಮವೊಂದರಲ್ಲಿ ಹೇಳಿದ್ದರು. ಈ ಮಾತು ನಿಜವಾಗುವುದಂತು ಸತ್ಯ. ಈ ಬಾರಿ ಕೆಜಿಎಫ್ 2 ಸಿನಿಮಾ ದಾಖಲೆ ಮೇಲೆ ದಾಖಲೆ ಬರೆಯುತ್ತಿದೆ.
