ಹೈದರಾಬಾದ್: ಶಿಕ್ಷಣ ಕ್ಷೇತ್ರದಲ್ಲಿ ಗುರುತಿಸಿಕೊಂಡ ವ್ಯಕ್ತಿಯೊಬ್ಬ ಬೇರೆಯವರಿಗೆ ಮಾದರಿ ಆಗುವುದರ ಬದಲು ಕಳಂಕವಾಗಿದ್ದಾನೆ. ಹೌದು, ಪತಿರಾಯನೊಬ್ಬ ತನಗಿಂತ ಚಿಕ್ಕ ವಯಸ್ಸಿನ ಯುವಕರೊಂದಿಗೆ ಸೆಕ್ಸ್ ನಲ್ಲಿ ತೊಡಗಿದ್ದಾಗ ಪತ್ನಿಯ ಕೈಗೆ ರೆಡ್ ಹ್ಯಾಂಡ್ ಆಗಿ ಸಿಕ್ಕಿದ್ದಾನೆ.
ಅಂಕುಶ್ ಎಂಬಾತನೇ ಯುವಕರೊಂದಿಗೆ ಸೆಕ್ಸ್ ನಲ್ಲಿ ತೊಡಗಿದ್ದಾಗ ಸಿಕ್ಕಿಬಿದ್ದ ಸಲಿಂಗಿ ಪತಿ. ಅಂಕುಶ್ ಹೈದರಾಬಾದ್ ನಗರದ ಅರುಣಾ ಶಿಕ್ಷಣ ಸಂಸ್ಥೆಯ ವ್ಯವಸ್ಥಾಪಕ ನಿರ್ದೇಶಕನಾಗಿ ಕೆಲಸ ಮಾಡಿಕೊಂಡಿದ್ದು, ಪತ್ನಿಯೊಂದಿಗೆ ಸೈದಾಬಾದ್ ನ ಪುಸಲಬಸ್ಥಿ ಏರಿಯಾದಲ್ಲಿ ವಾಸವಾಗಿದ್ದನು. ನಗರದ ಕುಕಟಪಲ್ಲಿಯಲ್ಲಿ ಬಾಡಿಗೆಗೆ ಫ್ಲ್ಯಾಟ್ ಪಡೆದುಕೊಂಡು ಯುವಕರೊಂದಿಗೆ ಲೈಂಗಿಕ ಕ್ರಿಯೆಯಲ್ಲಿ ತೊಡಗುತ್ತಿದ್ದನು.
ಅಂಕುಶ್ ಮೂಲತಃ ಜಹೀರಾಬಾದ್ ನಿವಾಸಿಯಾಗಿದ್ದು, 2014ರಲ್ಲಿ ದೀಪಿಕಾ ಎಂಬವರನ್ನು ಮದುವೆ ಆಗಿದ್ದನು. ಮದುವೆ ನಂತರ ಸೈದಾಬಾದ್ ನಲ್ಲಿ ಪತ್ನಿಯೊಂದಿಗೆ ವಾಸವಾಗಿದ್ದನು. ನನ್ನ ಪತಿ ಯುವಕರೊಂದಿಗೆ ಸೆಕ್ಸ್ ನಲ್ಲಿ ಭಾಗಿಯಾಗುತ್ತಾ ಸಲಿಂಗಿ(ಗೇ)ಯಾಗಿ ಬದಲಾಗಿದ್ದಾನೆ. ಕುಕಟಪಲ್ಲಿಯಲ್ಲಿರುವ ಬಾಡಿಗೆ ಫ್ಲ್ಯಾಟ್ ನಲ್ಲಿ ಯುವಕರೊಂದಿಗೆ ಸೆಕ್ಸ್ ನಲ್ಲಿ ತೊಡಗಿದ್ದಾಗ ನನ್ನ ಕೈಗೆ ಸಿಕ್ಕಿದ್ದಾನೆ. ಈ ಕುರಿತು ಪತಿಯನ್ನು ಪತ್ನಿ ದೀಪಿಕಾ ಪ್ರಶ್ನಿಸಿದಾಗ ಆಕೆಯನ್ನು ನಿರ್ಜನ ಸ್ಥಳಕ್ಕೆ ಕರೆದುಕೊಂಡು ಹೋಗಿ ಬಂಧಿಯಾಗಿ ಇರಿಸಿದ್ದನು. ಅಲ್ಲದೇ ತನ್ನ ಪತಿ ನನಗೆ ಮಾನಸಿಕವಾಗಿಯೂ ಮತ್ತು ದೈಹಿಕವಾಗಿಯೂ ಕಿರುಕುಳ ನೀಡುತ್ತಿದ್ದಾನೆ ಎಂದು ದೀಪಿಕಾ ಆರೋಪಿಸುತ್ತಿದ್ದಾರೆ.
ಹಲವಾರು ಸಂದರ್ಭಗಳಲ್ಲಿ ಅಂಕುಶ್ ಪೋಷಕರು ಮತ್ತು ಸೋದರ ಸಂಬಂಧಿಗಳು ನನ್ನ ಜೊತೆ ಅಸಭ್ಯವಾಗಿ ವರ್ತಿಸಿದ್ದಾರೆ. ಹತ್ತು ದಿನಗಳ ಹಿಂದೆ ಈ ಬಗ್ಗೆ ಸೈದಾಬಾದ್ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದೇನೆ. ಆದರೆ ಇದೂವರೆಗೂ ಪೊಲೀಸರು ಪತಿ ಮತ್ತು ಆತನ ಪೋಷಕರ ವಿರುದ್ಧ ಯಾವುದೇ ಕ್ರಮವನ್ನು ಕೈಗೊಂಡಿಲ್ಲ ಎಂದು ದೀಪಿಕಾ ಪೊಲೀಸರ ವಿರುದ್ಧ ಆಕ್ರೋಶ ಹೊರಹಾಕಿದ್ದಾರೆ.
