ಬೆಂಗಳೂರು: ನಗರದ ಮತ್ತಿಕೆರೆಯಲ್ಲಿ ಅಪರೂಪದ ಬಿಳಿ ನಾಗರಹಾವಿನ ಮರಿ ಪತ್ತೆಯಾಗಿದೆ. ಬೆಂಗಳೂರಿನ ಮಟ್ಟಿಗೆ ಇದು ಮೊದಲ ಬಿಳಿ ನಾಗರ ಅಂತ ಹೇಳಲಾಗುತ್ತಿದೆ.
ಹಾವು ಮತ್ತಿಕೆರೆ ಮನೆಯೊಂದರ ಕಾಂಪೌಂಡ್ ಪಕ್ಕದಲ್ಲಿ ಕಾಣಿಸಿಕೊಂಡಿತ್ತು. ಸಂಪೂರ್ಣ ದೇಹ ಬೆಳ್ಳಗಿರುವ ನಾಗರ ಹಾವಿನ ಕಣ್ಣು ಕೆಂಪಾಗಿದೆ. ಹಿಂದೆ ಪಿಂಕ್ ಕಲರ್ ನ ನಾಗರ ನಾಮ ಕಾಣಿಸುತ್ತದೆ. ಬಿಬಿಎಂಪಿ ವನ್ಯಜೀವಿ ಘಟಕದ ಸ್ವಯಂ ಸೇವಕ ರಾಜೇಶ್ ಈ ಬಿಳಿ ನಾಗರಹಾವಿನ ಮರಿಯನ್ನು ರಕ್ಷಣೆ ಮಾಡಿದ್ದಾರೆ.
ರಕ್ಷಣೆ ಮಾಡಿದ ಬಳಿಕ ಹಾವಿನ ಮರಿಯನ್ನ ಅರಣ್ಯ ಪ್ರದೇಶಕ್ಕೆ ಬಿಡಲಾಗಿದೆ. ಬೆಂಗಳೂರಲ್ಲಿ ಇಂತಹ ಅಪರೂಪದ ಹಾವು ಪತ್ತೆಯಾಗುತ್ತಿದೆ ಅಂದರೆ ನಮ್ಮ ಪರಿಸರ ಇಂತಹ ಜೀವಿಗಳಿಗೆ ಅನುಕೂಲಕರವಾಗಿದೆ. ಹಾಗಾಗಿ ಬೆಂಗಳೂರಿನಲ್ಲಿ ಪರಿಸರ ಉಳಿದರೆ ಇಂತಹ ಇನ್ನಷ್ಟು ಅದ್ಭುತಗಳನ್ನ ನಾವು ನೋಡಬಹುದು ಅನ್ನೋದು ರಾಜೇಶ್ ಅವರ ಅಭಿಪ್ರಾಯವಾಗಿದೆ.
