ಚೆನ್ನೈ: ಇತ್ತೀಚೆಗೆ ಟೀಂ ಇಂಡಿಯಾ ಮಾಜಿ ನಾಯಕ ಎಂಎಸ್ ಧೋನಿ ಪುತ್ರಿ ಝೀವಾ ಧೋನಿ ಸಾಮಾಜಿಕ ಜಾಲತಾಣದಲ್ಲಿ ತಂದೆಯೊಂದಿಗೆ ಸಖತ್ ಸದ್ದು ಮಾಡುತ್ತಿದ್ದು, ಈ ಬಾರಿ ಪಂತ್‍ರೊಂದಿನ ವಿಡಿಯೋ ವೈರಲ್ ಆಗಿದೆ.
ಯುವ ಆಟಗಾರ ರಿಷಬ್ ಪಂತ್ಗೆ ಝೀವಾ ಹಿಂದಿ ಭಾಷೆಯ ವರ್ಣಮಾಲೆ ಹೇಳಿಕೊಡುತ್ತಿದ್ದು, ಅ, ಆ, ಇ, ಈ ಎಂದು ಪಂತ್ಗೆ ಹೇಳಿಕೊಟ್ಟಿದ್ದಾಳೆ. ಇದಕ್ಕೆ ಪಂತ್ ಕೂಡ ಧನ್ಯವಾದ ಮೇಡಂ ಎಂದಿದ್ದಾರೆ. ಈ ವಿಡಿಯೋವನ್ನು ಝೀವಾ ಸಿಂಗ್ ಧೋನಿ ಇನ್‍ಸ್ಟಾಗ್ರಾಮ್‍ನಲ್ಲಿ ಪೋಸ್ಟ್ ಮಾಡಲಾಗಿದೆ.
2019ರ ಐಪಿಎಲ್ ಟೂರ್ನಿಯಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ಫೈನಲ್ ಪ್ರವೇಶ ಮಾಡಿದ ಒಂದು ದಿನದ ಬಳಿಕ ವಿಡಿಯೋ ಆಪ್‍ಲೋಡ್ ಮಾಡಲಾಗಿದೆ. 8ನೇ ಬಾರಿಗೆ ಫೈನಲ್ ಪ್ರವೇಶ ಮಾಡಿದ ಸಾಧನೆಯನ್ನು ಚೆನ್ನೈ ಮಾಡಿದ್ದು, ಭಾನುವಾರ ನಡೆಯಲಿರುವ ಪಂದ್ಯದಲ್ಲಿ ಚೆನ್ನೈ, ಮುಂಬೈ ತಂಡವನ್ನು ಎದುರಿಸಲಿದೆ. ಇದುವರೆಗೂ ಇತ್ತಂಡಗಳು ಮೂರು ಬಾರಿ ಫೈನಲ್ ಪಂದ್ಯದಲ್ಲಿ ಎದುರಾಗಿದೆ. ಇದರಲ್ಲಿ 2 ಬಾರಿ ಮುಂಬೈ ಗೆಲುವು ಪಡೆದಿದ್ದರೆ, ಚೆನ್ನೈ ಒಮ್ಮೆ ಗೆಲುವು ಪಡೆದಿತ್ತು.
