ಮುಂಬೈ: ಬಾಲಿವುಡ್ ನಲ್ಲಿ ತನ್ನ ಮಾದಕ ಮೈ ಮಾಟದಿಂದ ಎಲ್ಲರನ್ನು ಸೆಳೆಯುತ್ತಿರುವ ಹಾಟ್ ಆ್ಯಂಡ್ ಸೆಕ್ಸಿ ಬೆಡಗಿ ಸನ್ನಿ ಲಿಯೋನ್. ಆದರೆ ಈಗ ಸನ್ನಿಗೆ ಸೆಡ್ಡು ಹೊಡೆಯಲು ಬೇಫಿಕ್ರೆ ಬೆಡಗಿ ವಾಣಿ ಕಪೂರ್ ರೆಡಿಯಾಗಿದ್ದಾರೆ.
ಸದ್ಯ ವಾಣಿ ಕಪೂರ್ `ಯಶ್ ರಾಜ್ ಫಿಲ್ಮಂ` ಬ್ಯಾನರ್ ನಲ್ಲಿ ತಯಾರುಗುತ್ತಿರುವ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಯಶ್ ರಾಜ್ ಫಿಲ್ಮ್ಸ್ ಸೋಮವಾರ ಯೂಟ್ಯೂಬ್ ನಲ್ಲಿ `ಮೈ ಯಾರ್ ಮನಾನಾ ನಿ’ ಹಾಡಿನ ವಿಡಿಯೋವನ್ನು ಅಪ್ಲೋಡ್ ಮಾಡಿಕೊಂಡಿದೆ. ವಿಡಿಯೋದಲ್ಲಿ ವಾಣಿ ಕಪೂರ್ ತಮ್ಮ ಹಾಟ್ ಡ್ಯಾನ್ಸ್ ಮೂವ್ ಗಳಿಂದ ಪಡ್ಡೆ ಹುಡಗರು ನಿದ್ದೆ ಕೆಡುವಂತೆ ಮಾಡಿದ್ದಾರೆ. ‘ಮೈ ಯಾರ್ ಮನಾನಾ ನಿ’ ಹಾಡು ಗಾಯಕಿ ಯಶಿತಾ ಶರ್ಮಾ ಅವರ ಕಂಠಸಿರಿಯಲ್ಲಿ ಮೂಡಿ ಬಂದಿದೆ.
ವಿಡಿಯೋದಲ್ಲಿ ವಾಣಿಯ ಡ್ಯಾನ್ಸ್ ನೋಡಿದಾಗ ಧೂಮ್-3 ಸಿನಿಮಾದಲ್ಲಿಯ ಕತ್ರಿನಾ ಕೈಫ್ ಹೆಜ್ಜೆ ಹಾಕಿದ್ದ `ಕಮಲಿ ಕಮಲಿ’ ಸಾಂಗ್ ನೆನಪಾಗುತ್ತದೆ. ಕಮಲಿಯಾಗಿ ಕಾಣಿಸಿಕೊಂಡಿದ್ದ ಕತ್ರಿನಾ ಸಹ ಅಷ್ಟೇ ಗ್ರೇಸ್ ಫುಲ್ ಆಗಿ ತಮ್ಮ ಮಾದಕತೆಯ ಡ್ಯಾನ್ಸ್ ನಿಂದ ಅಭಿಮಾನಿಗಳನ್ನು ರಂಜಿಸಿದ್ದರು. ಈಗ ಅದೇ ಹಾದಿಯಲ್ಲಿ ವಾಣಿ ಕಪೂರ್ ಡ್ಯಾನ್ಸ್ ಮಾಡುವ ಮೂಲಕ ತಾವು ನಟಿ ಹಾಗು ಒಳ್ಳೆಯ ಡ್ಯಾನ್ಸರ್ ಎಂಬುದನ್ನು ತೋರಿಸಿಕೊಟ್ಟಿದ್ದಾರೆ.
ಸನ್ನಿ ವರ್ಸ್‍ಸ್ ವಾಣಿ: ಜಿಸ್ಮ್-2 ಸಿನಿಮಾದ ಮೂಲಕ ಬಾಲಿವುಡ್ ಗೆ ಎಂಟ್ರಿ ನೀಡಿದಾಗಿನಿಂದಲೂ ಸನ್ನಿ ಐಟಂ ಹಾಡುಗಳಿಗಾಗಿ ಅತಿ ಹೆಚ್ಚು ಬೇಡಿಕೆಯನ್ನು ಹೊಂದಿದ್ದಾರೆ. ಬೇಬಿ ಡೋಲ್, ಪಿಂಕ್ ಲಿಪ್ಸ್, ಲೈಲಾ, ಟ್ರಿಪ್ಪಿ ಟ್ರಪ್ಪಿ ಮುಂತಾದ ಹಾಡುಗಳಿಂದ ಸನ್ನಿ ಲಿಯೋನ್ ತಮ್ಮದೇ ಅಭಿಮಾನಿಗಳನ್ನು ಹೊಂದಿದ್ದಾರೆ. ಇತ್ತ `ಶುದ್ಧ ದೇಸಿ ರೋಮ್ಯಾನ್ಸ್` ಚಿತ್ರದ ಮೂಲಕ ತಮ್ಮ ಸಿನಿ ಜರ್ನಿ ಆರಂಭಿಸಿದ ವಾಣಿ ಸಹ ತಮ್ಮ ನಟನೆ ಮತ್ತು ಡ್ಯಾನ್ಸ್ ಮೂಲಕ ಗುರುತಿಸಿಕೊಂಡಿದ್ದಾರೆ. ಬೇಫಿಕ್ರೆ ಸಿನಿಮಾದಲ್ಲಿ ಸಿಕ್ಕಾಪಟ್ಟೆ ಬೋಲ್ಡ್ ಆಗಿ ಕಾಣಿಸಿದ್ದ ವಾಣಿ ಈಗ ಮತ್ತೊಮ್ಮೆ ಹಾಟ್ ಆಗಿ ಮಿಂಚುತ್ತಿದ್ದಾರೆ.
ಯಶ್ ರಾಜ್ ಬ್ಯಾನರ್ ಅಡಿಯಲ್ಲಿ ನಿರ್ಮಾಣವಾಗುತ್ತಿರುವ ಸಿನಿಮಾದಲ್ಲಿ ಹೃತಿಕ್ ರೋಶನ್ ಮತ್ತು ಟೈಗರ್ ಶ್ರಾಫ್ ರೊಂದಿಗೆ ವಾಣಿ ಬಣ್ಣ ಹಚ್ಚಲಿದ್ದಾರೆ. ಕಳೆದ ಕೆಲವು ವರ್ಷಗಳಿಂದ ಸನ್ನಿ ಲಿಯೋನ್ ಬಾಲಿವುಡ್ ನ ಹಾಟ್ ಬೆಡಗಿ ಎಂದು ಕರೆಸಿಕೊಳ್ಳುತ್ತಿದ್ದಾರೆ. ಆದರೆ ಈ ಪಟ್ಟವನ್ನು ವಾಣಿ ಕಪೂರ್ ಕದಿಯಲಿದ್ದಾರೆ ಎಂದು ಬಾಲಿವುಡ್ ಅಂಗಳದಲ್ಲಿ ಸುದ್ದಿಯೊಂದು ಹರಿದಾಡುತ್ತಿದೆ.
