ವಾಷಿಂಗ್ಟನ್: ವೆಡ್ಡಿಂಗ್ ಕೇಕ್ ಬೀಳಿಸಿ ದಂಪತಿಗೆ ಸಪ್ಲೈಯರ್ ಶಾಕ್ ಕೊಟ್ಟ ವೀಡಿಯೋ ಈಗ ಸೋಶಿಯಲ್ ವೀಡಿಯಾದಲ್ಲಿ ಸಖತ್ ವೈರಲ್ ಆಗುತ್ತಿದ್ದು, ನೆಟ್ಟಿಗರು ವೀಡಿಯೋ ನೋಡಿ ಸಖತ್ ಎಂಜಾಯ್ ಮಾಡುತ್ತಿದ್ದಾರೆ
ಕ್ರಿಶ್ಚಿಯನ್ನ ಸಂಪ್ರದಾಯದಲ್ಲಿ ಯಾವುದೇ ಶುಭ ಕಾರ್ಯಗಳಿಗೂ ಕೇಕ್ ಕಟ್ ಮಾಡುತ್ತಾರೆ. ಇನ್ನು ಮದುವೆಯ ಸಂದರ್ಭದಲ್ಲಿ ಕೇಕ್ ಅವಿಭಾಜ್ಯ ಅಂಗವಾಗಿರುತ್ತೆ. ಇಂತಹ ಸಂದರ್ಭದಲ್ಲಿ ಹೋಟೆಲ್ ಸಪ್ಲೈಯರ್ ಮದುವೆಯ ಕೇಕ್ ಅನ್ನು ಬೀಳಿಸಿ ವಧು-ವರನಿಗೆ ಶಾಕ್ ಕೊಟ್ಟಿದ್ದಾನೆ. ಈ ದೃಶ್ಯ ನೋಡಿದ ಎಲ್ಲರೂ ಶಾಕ್ ಆಗಿದ್ದು, ನಂತರ ಇನ್ನೊಂದು ಕಡೆಯಿಂದ ಕೇಕ್ ಬರುತ್ತಿರುವುದನ್ನು ನೋಡಿದ ಜನರು ಸಪ್ಲೈಯರ್ ಬೇಕೆಂದು ಈ ರೀತಿ ಶಾಕ್ ನೀಡಿದ್ದಾನೆ ಎಂದು ಅರಿತುಕೊಂಡಿದ್ದಾರೆ. ಇದನ್ನೂ ಓದಿ: ವಿಮಾನ ನಿಲ್ದಾಣದಲ್ಲಿ ಕೋವಿಡ್-19 ಟೆಸ್ಟಿಂಗ್ ಹೆಚ್ಚಳ
View this post on Instagram
ಪ್ರಸ್ತುತ ಹೋಟೆಲ್ ಸಪ್ಲೈಯರ್ ಮದುವೆಯ ಕೇಕ್ ಬೀಳಿಸಿದ ವೀಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗುತ್ತಿದೆ. ಈ ವೀಡಿಯೋವನ್ನು ಇನ್‍ಸ್ಟಾಗ್ರಾಮ್ ನ ಶಿ_ಸೈಡಿಎಸ್ ಎಂಬ ಖಾತೆಯಲ್ಲಿ ಹಂಚಿಕೊಳ್ಳಲಾಗಿದ್ದು, 20 ಲಕ್ಷಕ್ಕೂ ಹೆಚ್ಚು ಜನರು ವೀಕ್ಷಿಸಿದ್ದು, ನೆಟ್ಟಿಗರು ಈ ವೀಡಿಯೋವನ್ನು ಇಷ್ಟ ಪಡುತ್ತಿದ್ದಾರೆ.
ವೀಡಿಯೋದಲ್ಲಿ ಏನಿದೆ?
ವಧು ಮತ್ತು ವರರು ತಮ್ಮ ವೆಡ್ಡಿಂಗ್ ನಲ್ಲಿ ಸ್ಟೆಪ್ ಬೈ ಸ್ಟೆಪ್ ಕೇಕ್ ಅನ್ನು ಸಪ್ಲೈಯರ್ ತರುತ್ತಿರುವುದನ್ನು ನೋಡುತ್ತಿದ್ದು, ಕೇಕ್ ಕೈ ಜಾರಿ ಉರುಳಿ ನೆಲದ ಮೇಲೆ ಬೀಳುತ್ತದೆ. ಈ ದೃಶ್ಯ ನೋಡಿದ ಆ ದಂಪತಿ ಫುಲ್ ಶಾಕ್ ನಲ್ಲಿ ನಿಂತುಕೊಳ್ಳುತ್ತಾರೆ. ಆದರೆ ಸಪ್ಲೈಯರ್ ಅವರಿಬ್ಬರಿಗೆ ತಮಾಷೆ ಮಾಡುತ್ತಿದ್ದು, ಕೆಲವು ನಿಮಿಷಗಳಲ್ಲಿ ಇನ್ನೊಂದು ಕಡೆಯಿಂದ ಮತ್ತೊಬ್ಬ ಸಪ್ಲೈಯರ್ ನಿಜವಾದ ಕೇಕ್ ನೊಂದಿಗೆ ಬರುತ್ತಾನೆ. ಇದನ್ನೂ ಓದಿ: ಮದುವೆ ಮಂಟಪದೊಳಗೆ ನುಗ್ಗಿ ಪ್ರೇಯಸಿಗೆ ಸಿಂಧೂರವಿಟ್ಟ ಪಾಗಲ್ ಪ್ರೇಮಿ
ಸಪ್ಲೈಯರ್ ಕೊಟ್ಟ ಟ್ವಿಸ್ಟ್ ನೋಡಿ ದಂಪತಿ ನೆಮ್ಮದಿಯ ನಿಟ್ಟುಸಿರು ಬಿಟ್ಟು, ಕೇಕ್ ಕಟ್ ಮಾಡಿ ಸಂಭ್ರಮಿಸಿದರು. ವೀಡಿಯೋ ಶೇರ್ ಮಾಡಿದ ಅವರು, ದೇವರಿಗೆ ಧನ್ಯವಾದಗಳು. ಇದು ತಮಾಷೆಯಾಗಿತ್ತು. ನಮಗೆ ಈ ದೃಶ್ಯ ನೋಡಿ ಕಣ್ಣೀರು ಬಂದಿತ್ತು ಎಂದು ಬರೆದು ಪೋಸ್ಟ್ ಮಾಡಿದ್ದರು.
