ವಿಜಯ್ ದೇವರಕೊಂಡ ಮತ್ತು ಅನನ್ಯ ಪಾಂಡೆ ಕಾಂಬಿನೇಷನ್ ನ ಲೈಗರ್ ಸಿನಿಮಾದ ರೊಮ್ಯಾಂಟಿಕ್ ಹಾಡು ಮೊನ್ನೆಯಷ್ಟೇ ರಿಲೀಸ್ ಆಗಿದೆ. ಈ ಹಾಡಿನಲ್ಲಿ ವಿಜಯ್ ಮತ್ತು ಅನನ್ಯ ಕೆಮೆಸ್ಟ್ರಿ ಅದ್ಭುತವಾಗಿ ಮೂಡಿ ಬಂದಿದೆ. ಥೇಟ್ ಲವರ್ ರೀತಿಯಲ್ಲೇ ಇಬ್ಬರೂ ಡ್ಯುಯೆಟ್ ಹಾಡಿದ್ದಾರೆ. ಇವರಿಬ್ಬರ ಭಾವಾಭಿನಯ ಕಂಡು ಅಭಿಮಾನಿಗಳು ಫುಲ್ ಫಿದಾ ಆಗಿದ್ದಾರೆ. ಅನನ್ಯ ಜಾಗದಲ್ಲಿ ರಶ್ಮಿಕಾ ಇದ್ದರೆ, ಕೆಮೆಸ್ಟ್ರಿ ಡಬಲ್ ಆಗಿರೋದು ಎಂದು ಟ್ರೋಲ್ ಮಾಡುತ್ತಿದ್ದಾರೆ.
ವಿಜಯ್ ದೇವರಕೊಂಡ ಮತ್ತು ರಶ್ಮಿಕಾ ಮಂದಣ್ಣ ಡೇಟಿಂಗ್ ಮಾಡುತ್ತಿದ್ದರು ಎನ್ನುವುದು ಈಗೇನೂ ಗುಟ್ಟಾಗಿ ಉಳಿದಿಲ್ಲ. ಆದರೆ, ಎರಡು ವರ್ಷಗಳಿಂದ ಇವರ ಲವ್ ಬ್ರೇಕಪ್ ಆಗಿರುವ ವಿಚಾರವೂ ಗೊತ್ತಿದೆ. ಈ ಬ್ರೇಕ್ ಅಪ್ ಗೆ ಕಾರಣ ಅನನ್ಯ ಪಾಂಡೆ ಎಂದೂ ಹೇಳಲಾಗುತ್ತಿದೆ. ಇದು ನಿಜವೋ ಸುಳ್ಳೋ ಗಾಸಿಪ್ ಅಂತೂ ಜೋರಾಗಿದೆ. ಈ ಮಧ್ಯೆ ರೊಮ್ಯಾಂಟಿಕ್ ಹಾಡಿನಲ್ಲಿ ಕಂಡಿರುವ ರೀತಿಗೆ ಇಬ್ಬರ ಮಧ್ಯೆ ಏನೋ ಇದೆ ಎನ್ನುವ ಮಾತೂ ಕೇಳಿ ಬಂದಿದೆ. ಇದನ್ನೂ ಓದಿ:ಗಾಳಿಪಟ 2 ಸಿನಿಮಾದ ‘ಪ್ರಾಯಶಃ’ ಸಾಂಗ್ ರಿಲೀಸ್ ಮಾಡಿದ ಕಿಚ್ಚ ಸುದೀಪ್
ಅನನ್ಯ ಪಾಂಡೆ ಮತ್ತು ವಿಜಯ್ ದೇವರಕೊಂಡ ಲೈಗರ್ ಸಿನಿಮಾದಲ್ಲಿ ನಟಿಸಿದ್ದರೂ, ಅನೇಕ ಖಾಸಗಿ ಸಮಾರಂಭಗಳಲ್ಲಿ ಇಬ್ಬರೂ ಒಟ್ಟಾಗಿ ಕಾಣಿಸಿಕೊಂಡಿದ್ದಾರೆ. ಮೊನ್ನೆಯಷ್ಟೇ ಕಾಫಿ ವಿತ್ ಕರಣ್ ಶೋಗೆ ಒಟ್ಟಿಗೆ ಬಂದಿದ್ದರು. ಸಾಕಷ್ಟು ಖಾಸಗಿ ಸಂಗತಿಗಳನ್ನು ಹಂಚಿಕೊಂಡರು. ಅಲ್ಲದೇ, ವಿಜಯ್ ದೇವರಕೊಂಡ ಅವರನ್ನು ತಾವು ಸಂಪೂರ್ಣ ಬೆತ್ತಲೆಯಾಗಿ ನೋಡಬೇಕು ಎಂದು ಬಹಿರಂಗವಾಗಿಯೇ ಹೇಳಿಕೆ ಕೊಟ್ಟು ಅಚ್ಚರಿಗೆ ಕಾರಣವಾದರು. ಈ ಜೋಡಿಯ ವಿಷಯ ಏನೇ ಬಂದರೂ, ಪಾಪ, ಟ್ರೋಲ್ ಆಗೋದು ಮಾತ್ರ ರಶ್ಮಿಕಾ ಮಂದಣ್ಣ ಎನ್ನವುದು ವಿಪರ್ಯಾಸ.
